“Rusiya artan qızıl ehtiyatı ilə dolların hakimiyyətini sarsıdacaq”
Tarix: 27.02.2016 | Saat: 00:50:00 | E-mail | Çapa göndər


Rusiya son illər dünya qızıl ehtiyatlarını artırmaqdadır. Ölkə Ukrayna böhranı ilə bağlı iqtisadi qadağalara məruz qalsa da, qızıl ehtiyatlarının həcmini artırmaqda davam edir.
Almaniyanın “Die Welt” nəşrinin məlumatına görə, qızıl ehtiyatların fəal surətdə artıran Moskva bununla “yenilməz” dollar və Qərbin maliyyə sisteminə problemlər yaradır. Nəşrin yazdığına görə, Rusiya və Çinin qızıl bazarındakı fəallığı dolların hakimiyyətini sarsıda bilər. Qeyd edək ki, Qərbin maliyyə sistemində artan şübhələr ABŞ-ı bu ölkələr üzərindəki təzyiq imkanlarından da məhrum edə bilər. Xatırlatmaq yerinə düşər ki, yaranmış qeyri-sabit iqtisadi vəziyyətdə qızıl ən yaxşı sığorta vasitəsidir. Bu qiymətli metal bütün dünyada qiymətini saxlamaqdadır və eyni zamanda, onun həcmini süni yolla artırmaq mümkün deyil. Qızıl ölkəni dünya bazarında yaranmış diferensial dərəcələrdən qorumaqla yanaşı, ölkə üçün yaranmış böhrana qarşı etibarlı müdafiə sistemi ola bilər. Qarşılaşdığı qadağalar və düşən neft qiymətləri baxımından Rusiya da bu yolla dollar asılılığından xilas olmağa çalışır. Ölkə prezidenti Vladimir Putin də bu istiqamətdə artıq lazımi addımlar atılması barədə göstərişlər verib. Qəzet yazır ki, 2005-ci ildən Rusiyanın qızıl ehtiyatları təqribən 4 dəfə, yalnız son 12 ay ərzində isə 200 tondan çox artıb və 1300 ton olub. Dünya bazarında Rusiyadan daha fəal qızılı əldə edən təkçə Çindir. Keçən il ərzində bu ölkənin qızıl ehtiyatları 62% artaraq 1600 tona çatıb. Beləliklə, qızıl Amerika və Avropanın valyuta hakimiyyətinin qarşısını almaq və onların maliyyə hökmranlığına xələl gətirmək üçün maliyyə silahına çevrilməkdədir. Lakin vurğulamalıyıq ki, Vaşinqton da Rusiyaya qarşı dollardan təzyiq vasitəsi kimi istifadə etməkdə davam edir. Qeyd edək ki, qızıl bazarında Rusiyanın fəallığı 2012-ci ildən geniş vüsət almağa başlayıb. Bununla yanaşı, bu ərəfədə Qərb ölkələrinin borc və maliyyə sistemi artmaqdadır. Belə görünür ki, artıq bir çox ölkələr özlərini dollardan da etibarlı bir şeylə təmin etməyə ehtiyac olduğunu başa düşməkdədir.
Ağasəf Babayev




 
Bölməyə aid digər xəbərlər
23.07.2019
Ermənistan ordusunda daha bir rüsvayçı fakt: məzuniyyətdə olan əsgər hərbi hissəyə dönməkdən imtina edib
23.07.2019
Akar Cefri ilə görüşüb: Türkiyə ABŞ-la birlikdə “təhlükəsiz bölgə” yaradılmasında israr edir
21.07.2019
“Exit-poll” Ukraynanın Ali Radasına yer qazanan partiyaların adını açıqlayıb
21.07.2019
Ukraynanın yeni Baş Naziri müstəqil və peşəkar iqtisadçı olmalıdır
21.07.2019
Gürcüstanda polislə oğrular arasında atışma olub

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10836

1 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
2 Подготовка армянских «джавахкских» боевиков-сепаратистов против Грузии в оккупированным Карабахе уже идет полным ходом - FOTO
3 “Cənub bölgəsi Azərbaycanda ən çox turist qəbul edən bölgə olacaq”
4 “Rusiya Azərbaycanlıları İttifaqı gündəmə bəyanatla yox, əməli işlə gəlir”
5 Abituriyentlər, Azərbaycan Dövlət Pedaqoji Universitetini seçin!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info