Texasda Xocalı qətliamı anılıb
Tarix: 29.02.2016 | Saat: 15:10:00 | E-mail | Çapa göndər


ABŞ-ın Hyuston şəhərində yerləşən “Azərbaycan Mərkəzində” Xocalı qətliamının 24-cü ildönümünə həsr olunmuş və Xocalıya Ədalət kampaniyasına dəstək olan tədbir keçirilib.
Tədbir iştirakçılarını salamlayan mərkəzin prezidenti İradə Axundova 26 fevral 1992-cu ilin Azərbaycanlıların könüllərində ən kədərli tarix olduğunu deyərək, bu ağrı dolu günlərin canlı şahidi olduğunu söylədi. O, Azərbaycan xalqının Xocalı qətliamının qurbanlarına ədalət tələb etdiyini və buna bir gün nail olacağımıza inandığını bildirərək bu istiqamətdə Azərbaycanın səylərini dəstəkləyən və yanımızda olan bütün dostlarımıza təşəkkürünü bildirdi. İ.Axundova bu tədbirin artıq altıncı ildir ki, Hyustonda keçirildiyini və bu müddət ərzində burada bir sıra yerli qanunverici orqan və Texas ştatını ABŞ Konqresində təmsil edən üzvlərinin iştirak etdiyini, onlardan Azərbaycanın ədalətli mövqeyinə dəstək verildiyini dedi.
Tədbir iştirakçıları Xocalı qətliamı qurbanlarının xatirəsini bir dəqiqəlik sükutla yad etdilər.
Bundan sonra ADA Universiteti ilə Hyuston Universiteti arasında tələbə mübadiləsi proqramı çərçivəsində Hyustonda təhsil alan Azərbaycanlı tələbələr Turan Ağabəyli və Musa Quliyev 1992-cu ilin soyuq fevral günü Xocalıda baş vermiş dəhşətli hadisələrdən danışdılar.
Tədbirdə çıxış edən Azərbaycan Respublikasının ABŞ-da Səfirliyinin müşaviri Məmməd Talıbov Xocalı qətliamının hər bir Azərbaycanlının qəlbində sızlayan yara və Ermənistan-Azərbaycan Dağlıq Qarabağ münaqişəsinin ən qanlı səhifəsi olduğunu bildirdi. Azərbaycanlı diplomat Xocalı dəhşətlərinin bir daha Ermənistan-Azərbaycan Dağlıq Qarabağ münaqişəsinin tezliklə həll olunması və regionumuzda sülhün və sabitliyin bərqərar olunmasının nə qədər vacib olduğunu göstərdiyini, buna nail olmanın yeganə yolunun isə Azərbaycan Respublikasının indiyə dək işğal altında qalan torpaqlarının azad olunması və öz doğma yurdlarından 24 ildir ki didərgin düşmüş qaçqın və məcburi köçkünlərin evlərinə qayıtmalarının təmin edilməsi olduğunu vurğuladı.
Bundan sonra çıxış edən Türkiyə Respublikasının Hyuston şəhərində Baş konsulu Ferhat Alkan Xocalı qətliamının bəşəriyyət tarixində ən dəhşətli hadisələrdən olduğunu deyərək Türkiyə Hökuməti və bütün türk xalqı adından bu ağrını bölüşdüyünü və Xocalının günahsız qurbanlarının heç zaman unudulmayacağını söylədi. Türk Baş konsulu Azərbaycan Respublikası ərazisinin 20%-nin Ermənistan işğalı altında olduğunu və bu təcavüzün bir çox qara səhifələrlə yadda qaldığını, lakin bunlara baxmayaraq Azərbaycanın bu gün sülhpərvər, demokratik, uğurlu və güclü dövlətə çevrildiyini bildirdi.
ABŞ Konqresinin üzvü Əl Qrinin (Al Green) köməkçisi Sem Merçant çıxış edərək konqresmen Əl Qrinin Xocalı qətliamını tanıyan ABŞ Konqresinin ilk üzvlərindən olduğunu xatırladaraq onun adından Azərbaycan xalqının kədərini bölüşdüyünü bildirdi. S.Merçant eyni zamanda konqresmen adından “Azərbaycan Mərkəzinin” Azərbaycan mədəniyyəti, irsi və dostluğunun təşviq etdiyini təqdir edən sənədi təqdim etdi.
Texas ştatının senatoru Rodni Ellisin (Rodney Ellis) köməkçisi Ceyms Vinston senator tərəfindən imzalanmış Xocalı qətliamının anılmasına həsr olunmuş sənədi təqdim etdi.
Bundan sonra Hyuston şəhərində yaşayan Azərbaycanlı icmasının üzvü Sona Məmmədova Xocalı dəhşətlərilə bağlı hissləri ilə bölüşərək həmin hadisələr baş verdikdən sonra onların təsiri altında yazdığı poemasını oxudu.
Nəhayət mərasim iştirakçılarına Heydər Əliyev Fondu tərəfindən hazırlanmış və Azərbaycan-Ermənistan Dağlıq Qarabağ münaqişəsi, xüsusilə Xocalı faciəsindən bəhs edən film nümayiş etdirildi.
Tural




 
Bölməyə aid digər xəbərlər
12.11.2018
Misirdə sosial şəbəkələrdə yanlış informasiya yayanlar cəzalanacaq
11.11.2018
Türkiyə HHQ İraqın şimalında 14 terrorçunu məhv edib
11.11.2018
İranın xarici işlər nazirinin maraqlı “tviti”
10.11.2018
Angela Merkel antisemitizmin artmasına görə narahatdır
10.11.2018
Lionda Azərbaycan-Fransa Dialoq Assosiasiyasının təqdimatı olub

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10456

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info