Evdə əlili və ya xəstə uşağı olan ailələrə dövlətdən daha bir yardım
Tarix: 29.02.2016 | Saat: 16:39:00 | E-mail | Çapa göndər


Evdə əlili və ya xəstə uşağı olan ailələr dövlətdən daha bir yardım alacaqlar. Əmək və Əhalinin Sosial Müdafiəsi Nazirliyi rayonlarda günərzi xidmətlərinə başlayıb.
Günərzi xidməti ayrı-ayrı rayonlarda yaradılmış günərzi mərkəzlərində həyata keçiriləcək. Nazirliyin sifarişi ilə ixtisaslaşmış təşkilatlar bu mərkəzlərdə əlillərə və xəstə uşaqlara sosial və reabilitasiya xidmətləri göstərəcəklər. Məqsəd evdə əlili və ya xəstə uşağı olan ailələrə dəstək verməkdir. Məsələ bundadır ki, əksər hallarda belə ailələrdə əlil və ya xəstə uşalara onların yaxınları və valideynləri qulluq edirlər. Bu isə həmin şəxslərin işləməsinə mane olur. Bu problemi həll etmək üçün günərzi mərkəzləri işə düşüb. Bu mərkəzlərdə əlillər və xəstə uşaqlar iş gününün sonanədək qulluqla təmin olunur, axşam isə yaxınları tərəfindən evə aparılır. Mərkəzlərdə həmin şəxslərlə bağlı müxtəlif proqramlar nəzərdə tutulub. Belə ki, burada 7 yaşadək uşaqlar arasında əlilliyin qarşısının alınması və xəstə uşaqların “Portec” metodikası ilə sosial reabilitasiyası həyata keçirilir. Həmçinin bu uşaqlar və əlillər arasında idman tədbirlərinin keçirilməsi, onların beynəlxalq yarışlara qatılmasına şərait yaradılması da nəzərdə tutulub.
Görmə imkanları məhdud olan uşaqlara xüsusi proqramlar vasitəsilə idman, incəsənət və xalq sənəti növlərinin öyrənilməsinə yardım göstərilməsi, eşitmə və nitq qabiliyyəti olmayan sağlamlıq imkanları məhdud uşaqların surdoloji xidmətlərlə təmin olunması da planlar sırasındadır.
Ötən ildə nazirliyin sosial sifarişlər əsasında ixtisaslaşmış QHT-lər tərəfindən ümumilikdə 1500 nəfərdən çox sağlamlıq imkanları məhdud və ya çətin həyat şəraitində olan uşaq, eləcə də müvafiq hallarda onların ailələri sosial və reabilitasiya yönümlü xidmətlərlə təmin olunub.
Tural




 
Bölməyə aid digər xəbərlər
06.08.2020
13 şəhər və rayon üzrə 190 manat birdəfəlik ödəmə bu ay da veriləcək
06.08.2020
Lerikə sərnişin daşıyan avtobus saxlanılıb, 26 nəfər cərimələnib - VİDEO
05.08.2020
Sosial təminat və müdafiə ilə bağlı xərclərə dəyişiklik təsdiq edildi
05.08.2020
54.8 milyon manatlıq saxta və əsassız pensiya işləri ləğv edilib
05.08.2020
Bu şəxslərə 250 manat birdəfəlik yardım veriləcək

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 “Qarabağ münaqişəsi o vaxt bitəcək ki, Azərbaycan özününkü olanı qaytaracaq“
2 Bakıda 34 dərəcə isti, rayonlarda dolu, leysan gözlənilir
3 Avqustun 2-si Azərbaycanda Milli Kino Günüdür
4 Qafqaz uzunömürlülüyünün sirri tapıldı - Kabab yeyin
5 Dünya nəhənginin yaradılması yolunda ilk addımı atmışıq, öz Henri Fordumuz, öz “Arzu-1“miz -VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info