Ermənistana pul köçürmələri rekord səviyyədə azalıb
Tarix: 02.03.2016 | Saat: 00:39:00 | E-mail | Çapa göndər


“Joxovurd”: “Pul köçürmələrinin hesabına ayaqda duran Ermənistan iqtisadiyyatında tənəzzül sürətlənib”

Əsasən xaricdən göndərilən pul köçürmələrinin, ianələrin ümidinə qalan Ermənistan iqtisadiyyatı batmaqda davam edir. Məsələ bundadır ki, ölkənin son ümid yeri olan köçürmələrin azalması işğalçı ölkədə fəlakətli vəziyyət yaradıb.

Məlum olduğu kimi, bu ilin əvvəlindən başlayaraq Ermənistana göndərilən pul köçürmələrində böyük azalmalar müşahidə edilməkdədir. Ölkə ekspertləri bu azalmanı 2007-ci ilin göstəriciləri ilə müqayisə edirlər. Ekspertlərin rəyində qeyd edilir ki, Ermənistanda yaranmış vəziyyət 2007-ci ildən də pis ola bilər. Təbii ki, buna cari ilin yanvarından bəri ölkəyə daxil olan pul köçürmələrinin kəskin şəkildə azalması əsas səbəb kimi göstərilir. Beləliklə, “Joxovurd” nəşri rəsmi sənədlərə istinadən qazır ki, bu ilin təkcə yanvar ayında xaricdəki fiziki şəxslər tərəfindən Ermənistana göndərilən pul köçürmələrinin ümumi miqdarı 29 milyon 372 min dollar təşkil edib ki, bu da ötən ilin müvafiq dövrü ilə müqayisədə xeyli azdır. Belə ki, bu göstərici 2015-ci ilin müvafiq dövründə 36 milyon 821 min, 2014-cü ildə isə 78 milyon 614 min təşkil edib. Pul köçürmələrində hazırkı göstəriciləri müqayisəli şəkildə təqdim edən nəşr, əsasən pul köçürmələri hesabına ayaqda duran Ermənistan iqtisadiyyatının tənəzzülünün sürətləndiyini qeyd edir. Qeyd edək ki, hazırda Ermənistanda siyasi vəziyyət də stabil deyil. Sıravi xalqla yanaşı, ölkədəki bəzi siyasi liderlərin də ölkə hakimiyyətinə qarşı narazılığı artmaqdadır. Buna bariz nümunə kimi, son günlər Razdan şəhərində baş verənləri göstərmək olar. Belə ki, hazırda bu şəhərin meri vəzifəsini tutmaq uğrunda mübarizə gedir. Ölkədə fəaliyyətdə olan «Vətəndaş müqaviləsi» partiyasından namizədliyi irəli sürülən Sasuna Mikaelyan bu vəzifəyə ən real namizədlərdən biri kimi təqdim edilsə də, belə görünür ki, ona dövlət rəhbərliyi tərəfindən dəstək göstərilmir. Mer seçkilərində şəhər əhalisini seçkilərə çağıran “Vətəndaş müqaviləsi” partiyasının sədri, deputat Nikol Paşayan seçiciləri öz namizədlərinə səs verməyə çağırış edib. “Siyasətdə mütləq zəmanət ola bilməz” -deyə “Birinci informasiya” saytına bildirən erməni deputat hakimiyyəti vəhşi heyvanla müqayisə edib: “Hazırda Ermənistan hakimiyyəti vəhşi heyvan cildində mövcuddur və bu hakimiyyət insanlara hücum etməkdən də çəkinmir”. Paşayan hesab edir ki, hazırda ölkə əhalisinin canına hopmuş mənfi əhvali-ruhiyyədən qurtulmaq üçün vəhşi heyvan cildində olan hakimiyyətdən qurtulmaq lazımdır.
Ağasəf Babayev




 
Bölməyə aid digər xəbərlər
21.09.2018
“Jamanak“: «KTMT İrəvanın bu təşkilatdan ümid gözləməməsini bəyan edir»
20.09.2018
Moldovada Dnestryanı bölgə ilə bağlı referendum keçiriləcək
20.09.2018
Sevak Akobyan: ”Hakimiyyət KİV-ə təzyiqi artıracaq”
20.09.2018
Tevos Arşakyan: ”Paşinyan boş-boş danışmaqla məşğuldur”
19.09.2018
İnternetdə şərh yazmaq üçün qeydiyyatdan keçmək lazımdır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info