Fransalı deputat: “İlkin olaraq Dağlıq Qarabağın ətraf rayonları qaytarılmalıdır”
Tarix: 03.03.2016 | Saat: 17:25:00 | E-mail | Çapa göndər


"ATƏT-in Minsk qrupunun fəaliyyəti illərdir ki, ölü nöqtədən tərpənmir. 20 ildən artıqdır ki, münaqişənin həlli istiqamətində tərpəniş gözə dəymir. Bu isə o deməkdir ki, sözügedən qrupun fəaliyyətində heç vaxt irəliləyiş olmayacaq. Bu qurumun cəhdlərinə inanmayanları dəstəkləyirəm". “Trend”-in məlumatına görə, bu barədə Dailykarabakh-a eksklüziv açıqlamasında Fransanın sabiq nəqliyyat naziri və Milli Assambleyanın deputatı Tieri Mariani bildirib.
Deputatın sözlərinə görə, Ermənistanla Azərbaycan arasında əlaqələrin və dialoqun təşkilində Minsk qrupunun rolu, üstünlükləri çox azdır: "Ümid tərəflərin - Azərbaycan və Ermənistanın birgə müzakirələr aparmasına qalıb. Şübhəsiz, münaqişənin nizamlanması regionda əlində kart olan və böyük gücə malik bir ölkənin iradəsindən asılıdır. Hər kəs bilir ki, Ermənistan Rusiyanın iqtisadi və siyasi təzyiqləri altındadır. Hesab edirəm ki, həqiqəti gizlətmək olmaz. Əgər Moskva problemi yoluna qoymaq istəyərsə, prosesdə irəliləyiş müşahidə olunar. Burada isə söhbət ilkin olaraq yalnız Qarabağ ətrafı rayonların qaytarılmasından gedə bilər. Qarabağ problemi isə sonrakı gedişatdan asılıdır. Bu, çox mürəkkəb məsələdir. Əlbəttə, ətraf rayonların qaytarılması da bir irəliləyiş olar. Bir sözlə, bütün vasitələr Rusiyanın əlindədir. Bu məsələ yalnız Moskvadan asılıdır".
Deputat qeyd edib ki, Azərbaycan İran, Rusiya və Türkiyə arasında körpü rolunu oynaya bilər: "Azərbaycanın bu 3 ölkə ilə bütün sahələrdə əmkdaşlıq etmək üçün böyük şansı var. Bunun üçün öncə Dağlıq Qarabağ münaqişəsi ədalətli həllini tapmalıdır. Sülh və barışıq o zaman əldə oluna bilər ki, işğal olunmuş Azərbaycan torpaqları geri qaytarılsın və ədalət bərpa olunsun. Bu, həm də Ermənistan və Azərbaycan arasında hərbi cəhdləri azaldacaq. Hərbiyə ayrılan vəsaitin mülki sahələrə yatırılmasına imkan verəcək. Deməli, əvvəlcə sülh və əmin-əmanlıq bərpa olunmalıdır. Ermənistanla Azərbaycanın əməkdaşlığına gəlincə, məlumdur ki, bu proses yalnız həmin ölkələr arasındakı münaqişənin ortadan qaldırılmasından sonra başlaya bilər".




 
Bölməyə aid digər xəbərlər
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür
13.01.2019
Azərbaycanın uğurlu siyasəti Ermənistanın kriminal xunta rejiminin mahiyyətini açıb ortaya qoydu

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info