Vergi Apelyasiya Şurası vergi ödəyicisinin şikayətini təmin edib
Tarix: 04.03.2016 | Saat: 20:14:00 | E-mail | Çapa göndər


Vergi Apelyasiya Şurası vergi ödəyicisi kimi Vergilər Nazirliyi yanında Bakı Vergilər Departamentində qeydiyyatda olan fiziki şəxs Rəhimov Rəhman Məmmədrəhim oğlunun əlavə dəyər vergisi qeydiyyatının və hesablanmış vergi məbləğinin ləğv edilməsi barədə təkrar şikayətlərinə baxıb.
Vergilər Nazirliyinin Analitik-informasiya şöbəsindən verilən məlumata görə, vergi ödəyicisi R. Rəhimov “Konsis” MMC-yə göstərilmiş xidmətin dəyəri ilə bağlı mədaxil qəbzində göstərilən məbləğin səhvən artıq yazıldığını bildirərək, bununla bağlı müvafiq təhvil-təslim aktını, mədaxil qəbzinin surətlərini və “Konsis” MMC-nin arayışını təqdim edib və “Əlavə dəyər vergisi ödəyicisinin qeydiyyat” bildirişinin, ƏDV hesabatlarının vaxtında təqdim edilməməsinə görə tətbiq edilmiş maliyyə sanksiyalarının və hesablanmış vergi və faizlərin ləğv olunmasını xahiş edib.
 
Araşdırma zamanı R. Rəhimov tərəfindən 2015-ci ilin 2-ci rübü üçün sadələşdirilmiş vergi bəyannaməsi təqdim edildikdən sonra, ardıcıl 12 aylıq dövr ərzində vergi tutulan əməliyyatların həcminin 120 000 manatdan artıq olduğu və ƏDV məqsədləri üçün qeydiyyata dair ərizə verilməsi öhdəliyinin yarandığı müəyyən edilib. Vergi ödəyicisi tərəfindən göstərilən müddət ərzində ƏDV məqsədləri üçün qeydiyyata dair müvafiq ərizə təqdim edilmədiyi üçün o, Vergi Məcəlləsinin 157.5-ci maddəsinin tələblərinə uyğun olaraq vergi orqanının təşəbbüsü ilə ƏDV məqsədləri üçün məcburi qeydiyyata alınıb.
 
Bundan sonra, kameral vergi yoxlaması ilə 2015-ci ilin 2-ci və 3-cü rübləri üzrə hesablanmış sadələşdirilmiş vergi məbləğləri azaldılaraq əlavə dəyər vergisi hesablanıb və vergi ödəyicisinə “Vergilərin hesablanması barədə” Qərarlar göndərilib.
ƏDV məqsədləri üçün məcburi qeydiyyata alındıqdan sonra  vergi ödəyicisi tərəfindən müvafiq dövrlərə dəqiqləşmiş sadələşdirilmiş vergi bəyannamələri təqdim edilib, eyni zamanda, nağd qaydada aparılan əməliyyatlar barədə təqdim olunmuş kassa sənədlərinin araşdırılması zamanı 30 may 2014-cü il tarixli mədaxil qəbzinə düzəliş edildiyi müəyyən olunub. Bundan əlavə, vergi ödəyicisinə 2015-ci ilin may-oktyabr ayları üzrə əlavə dəyər vergisi bəyannamələrinin müəyyən edilmiş müddətdə verilməməsinə görə maliyyə sanksiyaları da tətbiq olunub.
Vergi ödəyicisinin nümayəndəsi Natiq Nəcəfov araşdırmaya təqdim etdiyi izahatında 2014-cü ilin may ayında “Konsis” MMC-yə təqdim edilmiş kassa mədaxil qəbzində edilmiş səhvin anlaşılmazlıq nəticəsində olduğunu, R. Rəhimovun qeyd olunan ciddi hesabat blankları ilə işləmək praktikasının olmadığını və bununla bağlı müvafiq qanunvericilik aktlarından xəbərsiz olduğunu bildirib.
Vergi Apelyasiya Şurasının iclasında aparılan müzakirələrdə qanunvericiliyin bütün ziddiyyətli və aydın olmayan məqamların vergi ödəyicisinin xeyrinə şərh edilməsi, həmçinin sahibkarlıq və investisiya fəaliyyətini təşviq etməsi ilə bağlı müvafiq müddəalarının nəzərə alınması, eləcə də təkrar şikayət üzrə işin faktiki halları, gətirilmiş dəlillər və təqdim edilmiş sübutlar əsas götürülməklə, təkrar şikayətin təmin edilməsi barədə qərar qəbul edilib.
Tural




 
Bölməyə aid digər xəbərlər
14.11.2018
ABŞ nəşrində “İpək Yolu, gələcəyə səfər, Bakı Limanı” başlıqlı yazı dərc edib
14.11.2018
Türk Hava Yolları: Yüklənmə səviyyəsi oktyabr ayında 83,4%-ə çatıb
14.11.2018
Dövlət Gömrük Komitəsinin Akademiyasının məzunları komitədə işlə təmin olunublar
14.11.2018
Azərbaycan məhsullarının ixracı artıb
14.11.2018
Azərbaycan Bolqarıstana fındıq və nar şirəsi ixrac edəcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10468

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info