Ermənistan əhalisi taleyin ümidinə buraxılıb
Tarix: 08.03.2016 | Saat: 01:15:00 | E-mail | Çapa göndər


“Nyus.am”: “Ölkəyə pul köçürmələri ötən illə müqayisədə 0,5 milyard dollardan da çox azalıb, gəlir yox, mağazalar bağlanır”
Ermənistanda iş yerləri yox dərəcəsindədir. Ümidsiz xalq daha çox xırda ticarətlə məşğul olmağa üstünlük verir. Lakin qeyd edilməlidir ki, bu da müəyyən çətinliklərlə müşahidə edilməkdədir.
“Nyus.am” xəbər verir ki, “təhlükəsizlik fondu” Ermənistanda bəzi obyektlərin gəlirlərinin azalmasına rəğmən bunun öhdəsindən gəlməyə imkan verir. Lakin bunu kiçik obyektlərə şamil etmək mümkün deyil. Ehtimal olunur ki, kiçik və orta mağazaların bağlanmasına və ticarətin supermarketlərdə cəmləşməsinə səbəb ağır vergi yükünün tətbiq edilməsidir. Saytın yazdığına görə, 2013-cü il yanvarın 1-dən etibarən Ermənistanda illik dövriyyəsi 58,35 milyon drama qədər olan kiçik və orta müəssisələr üçün dövriyyə vergisi tətbiq edilmişdi. Hazırkı şəraitdə bir çox müəssisələr artıq bunun öhdəsindən gəlmək iqtidarında deyil. Ermənistanda pərakəndə satış sahəsində mənfi tendensiyalar bu ilin yanvar ayından başlayaraq geniş vüsət almağa başlayıb. Cari qiymətlərlə pərakəndə ticarət müəssisələrinin gəlirinin azalması müşahidə edilir. Belə ki, yanvar ayında pərakəndə ticarət dövriyyəsinin həcmi 6,5 milyard dram və ya 8,3 faiz azalıb. Xatırladaq ki, ötən il ən böyük eniş böyük kommersiya obyektlərində olub. Bu azalma rəsmi rəqəmlərlə 3.7 milyarda dram və ya 16 faiz təşkil edib. Amma burada mühüm bir amil də nəzərə alınmalıdır. Bu da xaricdən ölkəyə göndərilən pul köçürmələrinin çökməsi ilə bağlıdır. Təbii ki, bu ölkə iqtisadiyyatı ilə yanaşı, ölkə əhalisinin yaşam tərzinə də böyük təsir göstərib. Qeyd edilməlidir ki, ölkəyə pul köçürmələri ötən illə müqayisədə 0,5 milyard dollardan da çox azalıb. Razılaşmaq lazımdır ki, bu məbləğ Ermənistan üçün böyük məbləğdir. Elə bunun nəticəsidir ki, ölkə əhalisinin ümumi ödəmə qabiliyyəti və mağazalarda mal dövriyyəsi xeyli azalıb. Yarmarkalarda, bazarlarda, yanacaqdoldurma stansiyalarında tənəzzül mağazalardan daha əvvəl başlayıb. Belə görünür ki, Ermənistan əhalisi taleyin ümidinə buraxılıb.
Ağasəf Babayev




 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10476

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Azərbaycan turizmi Yunanıstanda təbliğ olunub
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info