25 tələbəmiz “Türkiyə Petrolları” şirkətində təcrübə keçəcək
Tarix: 08.03.2016 | Saat: 01:16:00 | E-mail | Çapa göndər


Dünən “Türkiyə Petrolları” Azərbaycan nümayəndəliyinin müdiri Saliha Dündar Azərbaycan Dövlət Neft və Sənaye Universitetində (ADNSU) olub. ADNSU-nun rektoru Mustafa Babanlı qonağa universitetdə qısa müddət ərzində görülən işlər, xarici ölkələrlə qurulan əməkdaşlıqlar və tələbə mübadiləsi barədə məlumat verib.
Rektor “Türkiyə Petrolları” Azərbaycan nümayəndəliyinin əvvəllər də ADNSU ilə iş birliyini nəzərə alaraq, bu əməkdaşlığın yeni mərhələsinin başlanacağına ümid etdiyini vurğulayıb. Mustafa Babanlı bildirib ki, rektor olaraq hazırda universitetdə təhsilin səviyyəsinin yüksəldilməsi yönündə bütün gücünü ortaya qoyub və qurulan əməkdaşlıqlar, bağlanan müqavilələr buna müəyyən qədər nail olunduğundan xəbər verir. Rektor qeyd edib ki, eyni zamanda, yalnız tələbələrin deyil, müəllimlərin, magistrların, doktorantların da mübadiləsi yönündə işlər görülür. Və çalışılır ki, hər kəs yalnız nəzəri biliklərlə kifayətlənməsin, əsasən təcrübəyə önəm verilsin. “Türkiyə Petrolları” Azərbaycan nümayəndəliyinin müdiri Saliha Dündar ADNSU-ya gəlişinin məqsədini açıb. Bildirib ki, bir mütəxəssis kimi o da nəzəriyyədən çox təcrübənin önəmli olduğunu düşünür. Bu baxımdan 10 nəfər III kurs tələbənin staj keçməsi üçün Türkiyədə təhsilini davam etdirməsi məsələsini irəli sürüb. Xanım Saliha hesab edir ki, 1 aylıq staj 1 illik təhsildən daha üstündür. Qonaq qeyd edib ki, “Türkiyə Petrolları” şirkətində təcrübə toplamaq üçün nəzərdə tutulan 10 nəfər imkansız və ya məcburi köçkün, yaxud valideynlərini itirmiş tələbələr olacaq. “Bu tələbələrin Türkiyəyə gedib gəlməyi, orada dolanışığı üçün lazımi maliyyə tərəfimizdən ödənəcək”- deyən Saliha xanım bunun qarşılığı olaraq Türkiyədən də eyni durumda olan tələbələrin burada təhsil almasını istədiyini vurğulayıb. ADNSU rektoru öz növbəsində təklif edib ki, əlavə olaraq 15 nəfər tələbə də təcrübə toplamaq üçün göndərilsin. Təbii ki, bu tələbələrin maliyyəsinin yarısı universitet, yarısı valideynləri tərəfindən ödənmək şərtilə. Saliha xanım rektorun təklifini müsbət qarşılayıb. Beləliklə, ümumilikdə 25 nəfər tələbənin təcrübəyə göndərilməsi razılaşdırılıb.




 
Bölməyə aid digər xəbərlər
23.04.2019
Yusif Babanlı İTV Yayım Şurasına yeni üzv seçilib
23.04.2019
“Formula-1” Azərbaycan Qran-prisi telekommunikasiya xidmətləri ilə tam təchiz edilib
23.04.2019
Builki yarış “Formula 1 SOCAR Azərbaycan Qran-Prisi-2019” adı altında keçiriləcək
23.04.2019
İTV-nin Yayım Şurasına yeni üzvlər seçildi
22.04.2019
Qazaxın Məzəm kəndində düşmən atəşindən qorunmaq üçün istinad divarı çəkilir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10757

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info