“Ünvanlı sosial yardım üzrə elektron müraciət şəffaflığa şərait yaradır”
Tarix: 10.03.2016 | Saat: 18:42:00 | E-mail | Çapa göndər


Əmək və əhalinin sosial müdafiəsi naziri Səlim Müslümov Naftalan şəhərində Naftalan və Mingəçevir şəhərlərinin, Goranboy, Yevlax və Ağdaş rayonlarının sakinlərini fərdi qaydada qəbul edib.
Vətəndaşların müraciətləri imtiyazlı kateqoriyalardan olan şəxslərin dövlət büdcəsi hesabına mənzil və avtomobillə, reabilitasiya vasitələri ilə təmin edilməsi, məşğulluğun təminatı, müalicəyə köməklik göstərilməsi, əmək hüquqlarının müdafiəsi və s. məsələləri əhatə edib. Bütün müraciətlər nazirliyin aidiyyəti məsul şəxsləri ilə birgə obyektiv şəkildə araşdırılaraq cavablandırılıb. Qaldırılan ayrı-ayrı məsələlərin həlli ilə bağlı yerindəcə tədbir görülüb, o cümlədən bir sıra şəxslərə müraciətlərinə uyğun olaraq məşğulluqlarının təmin edilməsi üçün vakant iş yerlərinə göndərişlər, bir nəfər əlilliyi olan şəxsə əlil arabası verilib. Eləcə də müraciət edənlərdən bir nəfərin eşitmə aparatı, digər bir nəfər əlilliyi olan şəxsin protez məmulatı ilə təmin edilməsi tapşırılıb.
Dövlət büdcəsi hesabına mənzillə təmin olunma ilə bağlı müraciətləri cavablandıran S.Müslümov bildirib ki, Prezident İlham Əliyevin sosial müdafiə sahəsinə diqqət və qayğısının nəticəsi kimi, müharibə əlilləri və şəhid ailələrinin mənzillə təminatı işləri cari ildə də uğurla davam etdirilir: “Bu ilin ötən dövründə Siyəzən, Şabran, Qusar, Şamaxı, Ağstafa, Qazax, Abşeron rayonlarında yeni mənzillər istifadəyə verilməklə, 75 nəfər Qarabağ müharibəsi əlili və şəhid ailəsi mənzillə təmin edilib. Hazırda sakinlərinin qəbul etdiyimiz şəhər və rayonlarda da bu yöndə işlər aparılır. Ötən il Goranboy, Yevlax rayonlarında və Mingəçevir şəhərində 25 mənzil bu təbəqələrdən olan şəxslərə təqdim olunub. Naftalan şəhərində və Ağdaş rayonunda da ümumilikdə 26 fərdi ev tikilir və onlardan əksəriyyətinin tikintisi artıq tamamlanır”. Nazir həmçinin müraciətlərinə uyğun olaraq ayrı-ayrı əlilliyi olan şəxslərin nazirliyin bərpa mərkəzlərində müalicəyə qəbul edilməsi barədə tapşırıq verib.
Qəbula gələnlər arasında ünvanlı dövlət sosial yardımı ilə bağlı müraciət edən olmayıb. S.Müslümov cari il fevralın 15-dən başlayaraq ölkədə ünvanlı dövlət sosial yardımı üzrə elektron müraciət və təyinat sisteminə keçilməsinin bu sahənin şəffaflaşmasına şərait yaratdığını vurğulayıb: “Artıq ünvanlı sosial yardımın alınması üçün vətəndaşların elektron qaydada etdikləri müraciətlərə baxılması və qərar qəbulu prosesi məhz elektron sistem vasitəsilə, tam obyektiv və şəffaf şəraitdə həyata keçirilir. Yəni burada artıq hər hansı məmur iştirakının mümkün olmadığını vətəndaşlar aydın şəkildə dərk etməlidirlər”.
Qəbul zamanı vətəndaşlar sosial cəhətdən həssas əhali qruplarının, habelə müharibə əlilləri və şəhid ailələrinin maddi təminatlarının yaxşılaşdırılması, onların yeni mənzillərlə təminatı sahəsinə göstərilən xüsusi diqqət və qayğıya görə Prezident İlham Əliyevə minnətdarlıqlarını ifadə ediblər.
Nazirliyin səlahiyyət dairəsinə aid olmayan məsələlərlə bağlı müraciətlər müvafiq qurumlara çatdırılmaq üçün qeydiyyata alınıb.

Qorqud




 
Bölməyə aid digər xəbərlər
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub
19.11.2018
“ABC Tədris və İnkişaf mərkəzi“ və “Ahıllara və Tənhalara Dəstək“-dən təqdirəlayiq addım
19.11.2018
Səyyar “ASAN xidmət” davam edir
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Gedir dayanmadan zamanın köçü”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info