“Dünyada iqtisadi sistem yenilənməlidir”
Tarix: 11.03.2016 | Saat: 20:23:00 | E-mail | Çapa göndər


“Çoxqütblü dünyaya doğru” mövzusunda IV Qlobal Bakı Forumu çərçivəsində Beynəlxalq Yaşıl Xaç Cəmiyyətinin prezidenti Aleksandr Likhotalın moderatorluğu ilə “Qeyri-bərabər bölünmüş dünyadan müştərək cəmiyyətə doğru yerdəyişmə: Necə?” adlı panel müzakirələri keçirilib.
Müzakirələrdə iştirak edən BMT baş katibinin keçmiş müavini Noelen Hayzer bildirib ki, dünya hazırda həmişəkindən daha zəngindir: “Hazırda daha çox elm, daha çox texnika var. Biz təhlükəsizlik barədə danışırıq. Lakin ilk növbədə iqtisadi bərabərsizliyə də baxmalıyıq. Dünyada iqtisadi sistem yenilənməlidir. Bizim bölüşmək üçün yeganə planetimiz var. Biz düşünməliyik ki, yoxsulluq və iqtisadi bərabərsizliyi aradan qaldırmaq üçün iqtisadi sistemlərimizi necə qurmalıyıq. Milyonlarla insan işsizdir və kriminal aləm tərəfindən cəlb olunmağa hazır vəziyyətdədir. Hökumətlər bu sahədə müəyyən işlər görməlidir”.
Xorvatiyanın keçmiş prezidenti İvo Yosipoviç deyib ki, dövlətlərdə olan qeyri-bərabərlik münaqişələrin əsasını təşkil edir və bu, bütün regionlara təsir edir: “Ölkələr və cəmiyyətlər arasında ədalətsiz yanaşmalar siyasi problemlərə, siyasi münaqişələrə, hətta inqilablara gətirib çıxarır. Bərabərsizliyin dini, siyasi iqtisadi təsirləri olur. Nə etməliyik? Bütün ölkələr, əsasən də güclü ölkələr daxildə sosial ədalətə diqqət etməlidir”.
 
Rumıniyanın keçmiş prezidenti Emil Konstantinesku texnikanın insanlara təsirindən danışaraq deyib ki, əgər texnoloji inkişaf sürətlə gedirsə, humanitar inkişaf zəif olur: “20-ci əsrin ikinci hissəsində azadlıq ən böyük oyun idi. Amma azadlıq bərabərsizlik gətirdi. Dünya hazırda ciddi paradokslarla yaşayır. Biz universal konsensus təşkil etməliyik. Bu problemlərin qarşısını almaq üçün necə real tədbirlər görə bilərik, bu barədə danışmalıyıq. Dözümsüzlüklərlə qarşılaşmamaq üçün eyni mövqeyə gəlmək bütün xalqların marağındadır”.
Tural




 
Bölməyə aid digər xəbərlər
06.08.2020
13 şəhər və rayon üzrə 190 manat birdəfəlik ödəmə bu ay da veriləcək
06.08.2020
Lerikə sərnişin daşıyan avtobus saxlanılıb, 26 nəfər cərimələnib - VİDEO
05.08.2020
Sosial təminat və müdafiə ilə bağlı xərclərə dəyişiklik təsdiq edildi
05.08.2020
54.8 milyon manatlıq saxta və əsassız pensiya işləri ləğv edilib
05.08.2020
Bu şəxslərə 250 manat birdəfəlik yardım veriləcək

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 “Qarabağ münaqişəsi o vaxt bitəcək ki, Azərbaycan özününkü olanı qaytaracaq“
2 Bakıda 34 dərəcə isti, rayonlarda dolu, leysan gözlənilir
3 Avqustun 2-si Azərbaycanda Milli Kino Günüdür
4 Qafqaz uzunömürlülüyünün sirri tapıldı - Kabab yeyin
5 Dünya nəhənginin yaradılması yolunda ilk addımı atmışıq, öz Henri Fordumuz, öz “Arzu-1“miz -VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info