TUMİB Şabran şəhərində multikulturalizmlə bağlı tədbir keçirib
Tarix: 18.03.2016 | Saat: 16:51:00 | E-mail | Çapa göndər


"Türkiyə Universitetləri Məzunları" İctimai Birliyi (TUMİB) Dini Qurumlarla İş üzrə Dövlət Komitəsinin və Şabran rayon İcra Hakimiyyətinin dəstəyilə Şabran şəhərində "Azərbaycan multikulturalizminin region gəncləri arasında təbliği" mövzusunda konfrans keçirib.
Təbbir iştirakçıları əvvəlcə martın 13-də qardaş Türkiyədə baş vermiş terror aktı nəticəsində həyatını itirmiş günahsız insanların xatirəsini bir dəqiqəlik sükutla yad ediblər. Sonra Azərbaycanın dövlət himni səsləndirilib.
Konfransı giriş sözü ilə Şabran Rayon İcra Hakimiyyətinin ictimai-siyasi və hümanitar məsələlər şöbəsinin baş məsləhətçisi Minə Quliyeva açıb. M.Quliyeva konfrans iştirakçılarına Şabran rayonunun dini-etnik tərkibi haqda geniş məlumat verib. Qeyd edib ki, Şabranda ayrı-ayrı etnik qrupların və müxtəlif dinlərin təmsilçilərinin birgəyaşayış modeli dünya üçün parlaq nümunədir.
"Türkiyə Universitetləri Məzunları" İctimai Birliyinin (TUMİB) sədri Çingiz Bayramov qarşıdan gələn Novruz bayramı münasibəti ilə təbrik etdikdən sonra layihənin məqsədi barədə məlumat verib. Bildirib ki, vətəndaş cəmiyyəti institutları Azərbaycanda multikulturalizmin və tolerantlığının təbliği istiqamətində görülən işlərə hərtərəfli dəstək verməlidir. TUMİB sədri deyib ki, gəncləri yad və radikal sektaların təsirindən qorumaq basilica vəzifə olmalıdır.
Ç.Bayramov əsası Ulu Öndər Heydər Əliyev tərəfindən qoyulmuş multikulturalizm siyasətinin Prezident İlham Əliyev tərəfindən uğurla davam etdirildiyini vurğulayıb. Onun sözlərinə görə, 2016-cı ilin Prezident İlham Əliyev tərəfindən “Multikulturalizm ili” elan olunması bu siyasətin davamıdır. “Azərbaycanda mövcud olan birgəyaşayış modeli təkcə Qafqaz xalqları üçün deyil, bütövlükdə dünya xalqları üçün yaxşı nümunədir”, - deyə TUMİB sədri qeyd edib.
TUMİB İdarə Heyətinin üzvü, tanınmış jurnalist Seymur Verdizadə bildirib ki, Azərbaycan xalqı dədə-babalarımızdan bizə miras qalmış milli-mənəvi dəyərlərə, dövlət və din münasibətlərinə həssas yanaşır. Natiq deyib ki, ölkəmizdə heç vaxt dini və etnik zəmində qarşıdurma olmayıb. “İndi həssas dövrdür. Azərbaycanda nifaq toxumu səpmək istəyənlərə qarşı birgə mübarizə aparmağa ehtiyac var. Azərbaycan gənci bu prosesin önündə getməlidir”, - deyə S.Verdizadə bildirib.
Dini Qurumlarla İş üzrə Dövlət Komitəsinin Quba bölgəsinin əməkdaşı Ramin Xudayev deyib ki, Azərbaycan mədəniyyətlərin qovuşduğu məkanda yerləşdiyi üçün həmişə dinlər və svilizasiyalar arasında aparıcı rol oynayıb. R.Xudayev bildirib ki, bu müsbət tendensiya bu gün də davam edir.
Layihələr departamentinin rəhbəri Raida Hüseynova analoji layihələrin gələcəkdə də davam etdirilməsinin vacib olduğunu vurğulayıb. Onun sözlərinə görə, bu cür layihələr gənclər arasında vətənpərvərlik təbliğatının güclənməsinə təkan verəcək.
Şabran şəhər “Xıdır Zində” məscidinin axundu Rahib Mövsümov, TUMİB Gənclər Mərkəzinin üzvü Samir Pənalıyev, Şabran şəhər Tarix-diyarşünaslıq muzeyinin müdiri Vəfa Hüseynova və başqaları çıxış edərək, mövzu ilə bağlı fikirlərini bölüşüblər.




 
Bölməyə aid digər xəbərlər
22.02.2019
Şəhid qazancı...
22.02.2019
Elçin Quliyev: Azərbaycan Sərhəd Mühafizəsi ən müasir döyüş texnikaları, gözətçi gəmiləri ilə təchiz olunub
22.02.2019
Baş prokuror Salyan rayonunda vətəndaşları qəbul edib
22.02.2019
“İrəli” gəncləri “Women rights are human rights” layihəsində
22.02.2019
“Kaspersky Lab”: Azərbaycanda istifadəçilərin 60%-i antivirus quraşdırmaqda maraqlı deyil

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info