Xırdalan şəhər 2 saylı tam orta məktəbdə nümunəvi dərs
Tarix: 29.03.2016 | Saat: 00:41:00 | E-mail | Çapa göndər


Xırdalan şəhər 2 saylı tam orta məktəbin 8d sinfində kimya fənni üzrə “Kristal qəfəsin tipləri“ mövzusunda nümunəvi dərs keçirilib. Dərs dövlət himninin səsləndirilməsi ilə başlanıb. Fənn müəllimi İradə Təhməzova dərsin məqsədini izah etdikdən sonra fəal dərsin ilkin mərhələsi olan motivasiya mərhələsi ilə davam edib. Bu mərhələdə şagirdlər krosvordun köməyi ilə mövzunun adını müəyyənləşdiriblər.
Mövzunun tədqiqatı zamanı şagirdlər Kimya dərsliyindən istifadə edərək müəllim tərəfindən paylanılan işçi vərəqlərindəki sualları cavablandırıb. Şagirdlər tapşırıqları yerinə yetirərkən həzin musiqi səsləndirilib. Milli musiqinin səsləndirilməsi şagirdlərdə motivasiya və düşünmə qabiliyyətini bir az da artırıb. Cütlərin işləri hazır olduqdan sonra cavablar ardıcıl olaraq səsləndirilib və işlər müəllim tərəfindən qiymətləndirilib. Beləliklə, mətn mənimsənildikdən sonra mətndaxili suallar cavablandırılıb. Nümunəvi dərs informasiya mübadiləsi, müzakirəsi, nəticə və ümumiləşdirmə ilə davam edib. Nəticə və ümumiləşdirmə mərhələsində şagirdlərə mövzunun sonunda yerləşən bilik və bacarıqların yoxlanılması blokundakı tapşırıqların yerinə yetirilməsi tapşırılıb. Şagirdlər tapşırıqları böyük məharətlə incələyib. Dərs boyu müəllim və şagirdlər “Promethean” interaktiv lövhənin geniş imkanlarından istifadə ediblər. Bu da öz növbəsində həm dərsi maraqlı edib, həm də mövzunun şagird tərəfindən daha asan mənimsənilməsinə kömək edib. Dərsi məktəbin qabaqcıl kimya müəllimləri də müşahidə ediblər. Kimya fənni üzrə metod birləşmə sədri Afət Orucova interaktiv lövhədə yığılmış dərslərin, elmi biliklərin şagirdlərə aşılanmasında xüsusi rolunu vurğulayıb və lövhənin geniş imkanlarından yetərincə istifadə etməyi digər kimya müəllimlərinə də tövsiyə edib. Dərsin sonunda şagirdlər fənn müəllimi tərəfindən obyektiv qiymətləndirilib və xüsusi qeydlər gündəliklərə yazılıb. Dərs ümummilli lider Heydər Əliyevin sözləri ilə sonlandırılıb: “Müəllim yeganə şəxsiyyətdir ki , cəmiyyət öz gələcəyini yalnız ona etibar edir”.
Anar




 
Bölməyə aid digər xəbərlər
23.03.2019
Naxçıvanlı məktəblilər “Ölkəmizi tanıyaq” tur-aksiyası çərçivəsində Bakıya gəliblər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info