“Soyqırıma son” adlı beynəlxalq konfrans keçirilir
Tarix: 31.03.2016 | Saat: 17:21:00 | E-mail | Çapa göndər


“1918-ci ilin mart hadisələri zamanı Azərbaycana dəyən zərərin həcmi 495 milyard dollar təşkil edir”
Bu gün Bakıda “Soyqırıma son” adlı beynəlxalq konfrans işə başlayıb. Konfrans Gənclər və İdman Nazirliyinin təşkilatçılığı ilə keçirilir.
 Bildirilib ki, konfransın keçirilməsində əsas məqsəd beynəlxalq hüquq normalarını və BMT konvensiyalarını rəhbər tutaraq, gənclər arasında dünyada baş vermiş soyqırımlar haqda həqiqətlərin daha geniş yayılması işində beynəlxalq ekspertlərin imkanlarından istifadə etməkdir.
 Konfransı giriş sözü ilə gənclər və idman nazirinin müavini İntiqam Babayev açıb. O bildirib ki, 31 mart azərbaycanlıların soyqırımı günü kimi qeyd olunur: “Bu gün yaşadığımız dünyada qeyri-stabil bir mühit formalaşıb. Dünyada stabilləşmə əvəzinə qaynar nöqtələrin sayı artmaqdadır. Xalqlara qarşı etnik-irqi təmizləmələr göz qabağındadır. Siyasi problemlər müxtəlif etnik münaqişələrlə başa çatır. Bu problemlərlə ilk növbədə gənclər üzləşir. Soyqırımı araşdırmaq təkcə tarixçilərin işi deyil. Soyqırımı araşdırıb gələcək nəsillərə çatdırmaq bizim əsas vəzifəmiz olmalıdır. Biz 2 əsrə yaxın ermənilər tərəfindən deportasiya və soyqırımı siyasətinə məruz qalmışıq. 1918-ci ilin mart ayında erməni daşnak quldur dəstələri Azərbaycanda minlərlə insanı qətlə yetirib”.
 Avrasiya Araşdırmaları Mərkəzinin rəhbəri Alev Kılıç qeyd edib ki, arxivlər açılmalı və tarix ortaq şəkildə yazılmalıdır: “Türkiyə qondarma erməni soyqırımı iddiaları ilə 1965-ci ildən sonra üzləşməyə başlayıb. Hazırda “soyqırımı” məfhumundan siyasi alət kimi istifadə olunur. Biz Türkiyə olaraq 80-ci illərdə bu məsələnin ciddiliyinin fərqinə vardıq. Yəni, biz gec ayıldıq. Biz düşünürdük ki, bu sadəcə təbliğatdır”.
 AMEA Tarix İnstitutunun baş elmi işçisi, tarix üzrə fəlsəfə doktoru Vasif Qafarov bildirib ki, 1918-ci ilin mart hadisələri zamanı Azərbaycana dəyən zərərin həcmi 495 milyard dollar təşkil edir. Bakı şəhərinə isə 1,2 milyard rubl ziyan dəyib: “İranın Bakıdakı konsulu öz xatirələrində yazır ki, onlar təkcə 5 min türk müsəlmanın dəfnini təşkil ediblər. 1918-ci ilin mart hadisələri vaxtı Bakı da daxil olmaqla, Şimali Azərbaycanda qətlə yetirilən insanların sayı 263 mindən çoxdur”.
 V. Qafarov əlavə edib ki, Şamaxı qəzasının 50 faiz əhalisi qətlə yetirilib: “Şamaxıda 10 min 440 nəfər türk-müsəlman öldürülüb”.
 Özbəkistanlı yazıçı-publisist Şuxrat Salamov qeyd edib ki, 31 martda Azərbaycan əhalisinə qarşı ermənilər tərəfindən soyqırımı siyasəti həyata keçirilib.
 Konfrans davam edir.
 Qeyd edək ki, konfransda Azərbaycan, Türkiyə, İran, Gürcüstan, Moldova, Özbəkistan və İrandan olan elm adamları, ekspertlər iştirak edir. 
Tural




 
Bölməyə aid digər xəbərlər
20.01.2019
Sabahın hava proqnozu açıqlanıb
19.01.2019
Bakı Şəhər Baş Polis İdarəsi paytaxtda keçirilən mitinqlə bağlı məlumat yayıb
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info