“İstiqlal müjdəçisi” adlı tədbir-sərgi təşkil olunacaq
Tarix: 01.04.2016 | Saat: 19:37:00 | E-mail | Çapa göndər


Aprelin 8-də Azərbaycan İstiqlal Muzeyinin ekspozisiyasında Nofəl Tahirzadəyə həsr olunmuş “İstiqlal müjdəçisi” adlı tədbir-sərgi təşkil olunacaq.
Nofəl Tahirzadə 5 sentyabr 1955-ci ildə Qutqaşen (indiki Qəbələ) rayonun Xirxatala kəndində anadan olub. 1972-ci ildə orta məktəbi əla qiymətlərlə bitirən Nofəl Azərbaycan İnşaat Mühəndisliyi İnstitutunun memarlıq fakültəsinə qəbul olunub, 1977-ci ildə Saransk şəhərinə təyinatla göndərilib və orada işləməyə başlayıb. 6 avqust 1978-ci ildə Saranskda müəmmalı şəkildə həlak olub. Nofəl Tahirzadə XX əsrin 70-ci illərində bütöv və müstəqil Azərbaycan dövləti yaratmaq uğrunda gizli mübarizə aparırdı, həmin dövlətin gerbini və bayrağını, müstəqil Azərbaycan Ordusu qərargahının sxemini, həmin ordunun hərbi Nizamnaməsini, əsgər və zabitlərinin poqonlarını və geyim formalarını, Azərbaycanın milli əlifbasını və eksperimental dil hazırlayıb. O, istedadlı memar, rəssam, yazıçı, şair, tarixçi olub.
Tədbirdə Ədalət Tahirzadənin “Nofəl Tahirzadə - Müstəqil Azərbaycan dövləti uğrunda mücahid” adlı kitabının təqdimatı keçiriləcək, sərgidə Nofəl Tahirzadənin şəxsi əşyaları, sənədləri, fotoşəkilləri nümayiş olunacaq.
Tədbirdə Azərbaycan İstiqlal Muzeyinin direktoru Fəridə Şəmsi, Nofəl Tahirzadənin qardaşı, filologiya üzrə fəlsəfə doktoru Ədalət Tahirzadə, Nofəl Tahirzadənin sinif yoldaşı Nailə Tahirzadə, hərbi tədqiqatçı Şəmistan Nəzərli və digər qonaqlar çıxış edəcəklər, Respublikanın Əməkdar artisti Ağalar Bayramov Nofəl Tahirzadənin qələmə aldığı şeir parçalarını səsləndirəcək.
Tədbirdə Nofəl Tahirzadənin qohumları və dostları, Azərbaycan Dövlət Rəssamlıq Akademiyasının tələbələri, Respublika Gənc Turizm və Diyarşünaslıq Mərkəzinin nümayəndələri, Daxili Qoşunların əsgərləri və digər qonaqlar iştirak edəcəklər.
Tural




 
Bölməyə aid digər xəbərlər
20.01.2019
Sabahın hava proqnozu açıqlanıb
19.01.2019
Bakı Şəhər Baş Polis İdarəsi paytaxtda keçirilən mitinqlə bağlı məlumat yayıb
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info