“İşğal olunmuş ərazilərdən geri çəkilməsələr, sülhdən danışmaq əbəsdir”
Tarix: 04.04.2016 | Saat: 15:00:00 | E-mail | Çapa göndər


“France 24” televiziya kanalında Azərbaycan və Ermənistan qoşunlarının təmas xəttindəki gərginliklə bağlı Fransadakı səfirimiz Elçin Əmirbəyovun müsahibəsi yayımlanıb.
Reportajda Azərbaycan Respublikasının Prezidenti İlham Əliyevin “Erməni hərbiçiləri ölmək istəmirlərsə, bizim torpaqlardan çıxıb getsinlər” fikri səsləndirilib.
Aparıcının şərhindən sonra səfir Elçin Əmirbəyov Dağlıq Qarabağın tarixi, ermənilərin bu ərazilərə köçürülməsi haqqında məlumat verərək, son günlər qoşunların təmas xəttində yaranan gərginlikdən, eləcə də ermənilərin Azərbaycan ərazilərində apardıqları etnik təmizləmə siyasətindən, xalqımıza qarşı törətdikləri Xocalı soyqırımından danışıb. O, Azərbaycanın ermənilərə qarşı heç bir düşmənçilik aparmadığını, ermənilərin Dağlıq Qarabağ ərazisinə 150 il bundan əvvəl köçürüldüyünü və bundan sonrakı 70 il ərzində hər iki xalqın birgə sülh şəraitində yaşadığını diqqətə çatdırıb. Diplomat Azərbaycanın növbəti dəfə Ermənistanın təxribatına məruz qaldığını, erməni hərbi birləşmələrinin daim dinc əhalini hədəfə aldığını, uzun illərdən bəri vasitəçilərin sülh yolu ilə münaqişəni həll etmək istiqamətində fəaliyyətinin heç bir nəticə vermədiyini qeyd edib.
Ermənistanın hazırkı status-kvonu saxlamaqda maraqlı olduğunu diqqətə çatdıran Elçin Əmirbəyov danışıqlar prosesində Ermənistanın qeyri-konstruktiv mövqe tutduğunu bildirib. O, bu gün Azərbaycan ərazilərinin işğalının kifayət qədər işıqlandırılmadığına təəssüfləndiyini bildirərək, ATƏT-in Minsk qrupunun həmsədrlərinin hazırki status-kvonun qəbuledilməz olduğunu dəfələrlə qeyd etdiklərini xatırladıb.
Səfir deyib: “Aprelin 2-də Kəlbəcər rayonunun işğalının 23-cü ildönümündə Ermənistanın növbəti təxribat yaratması, dinc əhalini hədəf seçməsi bir daha göstərir ki, bu ölkənin əsas məqsədi bu ərazidə yaşayan insanları qorxutmaq, onları təşvişə salmaqdır. Ermənilər ərazilərimizin 20 faizini işğal edəndə apardıqları siyasəti yenidən təkrar edirlər”.
Səfir həqiqətin göz qabağında olduğunu, bu gün təkcə Dağlıq Qarabağın deyil, Azərbaycanın digər 7 rayonunun da erməni işğalı altında olduğunu diqqətə çatdırıb.
Dağlıq Qarabağda azərbaycanlı və erməni icmalarının əvvəllər birgə yaşadığını qeyd edən diplomat Ermənistan silahlı qüvvələrinin işğal olunmuş ərazilərdən geri çəkilməyəcəyi təqdirdə sülhdən danışmağın əbəs olduğunu bildirib.
Tural




 
Bölməyə aid digər xəbərlər
20.07.2019
Britaniyanın XİN rəhbəri İranı tankerlərin saxlanılmasının nəticələri barədə xəbərdar edib
20.07.2019
ABŞ Venesuelaya qarşı sanksiyalar siyahısını genişləndirib
20.07.2019
Böyük Britaniya Hörmüz boğazında tankerin saxlanılmasından olduqca narahatdır
20.07.2019
İİKK Hörmüz boğazında Britaniyaya məxsus neft tankerini saxlayıb
19.07.2019
Hindistanda daşqınlar nәticәsindә hәlak olanların sayı 136 nәfәrә çatıb

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info