Sərkisyanı uçuq-sökük hərbi hospitalda qarşıladılar
Tarix: 05.04.2016 | Saat: 17:56:00 | E-mail | Çapa göndər


Ermənistanın müharibəyə hazır olmadığı bir daha sübut olundu
Son günlər erməni ordusunun ard-arda uğursuzluğa məruz qalması, işğalçı ölkənin təşviş içində olması barədə yalnız xəbərlər gəlmir, bununla bağlı fotolar, videolar da yayılır. Diqqətimizi çəkən belə fotolardan biri isə Rusiya mətbuatında yayılıb. Ermənilərin çəkdiyi fotoda aydın görünür ki, işğal olunmuş ərazilərimizdə məskunlaşdırılan erməni ailələri buradan köç etməyə başlayıblar. Heç şübhəsiz ki, bu böyük təşviş və köç orduya güvənin az olmasından irəli gəlir. Azərbaycan ordusunun son uğurlu əməliyyatlarından hali olan ermənilər hər an işğal olunmuş torpaqların geri qaytarılacağından qorxaraq döyüş bölgələrinə yaxın yaşayış ərazilərindən qaçıb uzaqlaşırlar.
Digər diqqətimizi çəkən məqam isə Ermənistanın “news.am” saytının Serj Sərkisyanın işğal olunmuş ərazilərdə verilən ağır itkilərdən sonra nəhayət ki, yaralı əsgərlərin qarşısına çıxması ilə bağlı yaydığı videodur. Videoda hərbi hospitala gələn Serj Sərkisyanın həyəcan və qəmli simasından çox, hospitaldakı ağır durum diqqəti çəkir. Uzun illərdir ki, dəfələrlə Ermənistanda olan ağır iqtisadi durumun onların ordusuna da sirayət etdiyini yazır, bununla bağlı öz ölkələrində yayılan xəbərləri də əsas gətirirdik. Bu videogörüntülərə də baxanda aşkar şəkildə görmək olur ki, müharibə aparmağa hazır olduqlarını deyən Ermənistan rəhbəri adi hospitalı nəinki tikib belə situasiyalar üçün hazır saxlamayıbmış, hətta köhnə sovet dövründən qalan hospitalda təmir işləri üçün belə, maddi vəsait tapa bilmirlər. Videoya baxanda Sərkisyanın addım-addım gəzdiyi, yaralıların xeyli sayda olduğu palatalarda döşəmənin çürüməsi və sonradan yamaq kimi ora taxtaların vurulması aşkar sezilir. Bundan başqa, oxşar uçuqları, yamaqları divarlarda da açıq-aydın sezmək olur.
Başqa bir maraqlı məqam isə erməni mətbuatında yaralıların daşınması ilə bağlı yayılan videogörüntülərdə, fotolarda köhnə, sovet istehsalı hərbi tibbi yardım maşınlarından istifadə edilməsidir. Qısası, Ermənistan prezidentinin baş çəkdiyi vacib bir sosial obyektin- hospitalın belə ağır durumda olması və sadalanan digər məqamlar Ermənistanın ağır iqtisadi vəziyyətini bir daha göstərmiş oldu və ermənilərin nəinki müharibəyə, heç lokal döyüşlərə belə, hazır olmadıqlarını sübut etdi.

Tural TAĞIYEV




 
Bölməyə aid digər xəbərlər
22.02.2019
İnnovasiyalar Agentliyinin Nizamnaməsi və Strukturu təsdiqlənib
22.02.2019
Dövlət Gömrük Komitəsi növbəti mediatur təşkil edib
22.02.2019
Naxçıvanda yeni Günəş Elektrik Stansiyası istifadəyə verilib
22.02.2019
Azərbaycanın turizm imkanları Moskvada təqdim olunub
22.02.2019
“Xocalıya ədalət“: İsraildə soyqırımı qurbanlarının anım günü keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 1400 manat maaşla sürücü axtarılır
5 “İnternet medianın getdikcə daha da aktivləşməsi tendensiyasını müşahidə edirik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info