“The Washington Times”: “Azərbaycana qarşı təcavüz Ermənistanı uçuruma yuvarlayıb”
Tarix: 06.04.2016 | Saat: 17:15:00 | E-mail | Çapa göndər


Amerikada çıxan “The Washington Times” qəzetində avstraliyalı siyasi icmalçı, Yaxın Şərqdə, Avrasiyada və postsovet respublikalarında baş verən hadisələrin təhlili üzrə ixtisaslaşan Castin Amlerin məqaləsi dərc edilib. Azərbaycanın işğal altında olan Dağlıq Qarabağ regionunda Ermənistan və Azərbaycan silahlı qüvvələrinin təmas xəttində münaqişənin genişlənməsindən bəhs edilən bu məqalədə deyilir ki, bu günlərdə regionda zorakılığın artması son iyirmi ildə ən ciddi hadisədir.
Müəllif hesab edir ki, işğal edilmiş ərazilərdə son hadisələr Azərbaycan Prezidenti İlham Əliyevin ABŞ Prezidenti Barak Obamanın dəvəti ilə Vaşinqtona, Nüvə Təhlükəsizliyi Sammitinə uğurlu səfərinə Ermənistanın reaksiyası ilə bağlıdır. C.Amler yazır ki, Azərbaycan Prezidentinin ABŞ-a dəvət edilməsi qlobal nüvə təhlükəsizliyində və terrorizmə qarşı mübarizədə Azərbaycanın artan strateji rolunun Vaşinqton tərəfindən etiraf edilməsinin göstəricisidir.
C.Amler yazır: “Sabit hökuməti, davamlı iqtisadiyyatı və etnik tolerantlığı ilə seçilən Azərbaycan son dövrlərdə özünün qeyri-sabitliyi ilə məşhurlaşmış Qafqaz regionunda sabitləşdirici qüvvədir və Amerikaya bu səfər yalnız uğur hesab edilə bilər”. Lakin dünya arenasında güclü və strateji əhəmiyyətli Azərbaycanın məhz bu imici Azərbaycanın Ermənistan tərəfindən işğal edilmiş Dağlıq Qarabağ regionundakı oyuncaq rejimin imicinin tam əksidir. Ekspert vurğulayır ki, təmas xətti boyunca yerləşən kəndlərə erməni silahlı qüvvələrinin hücumları Azərbaycan silahlı qüvvələrini cavab tədbirlərinə təhrik etmək üçün nəzərdə tutulmuşdu və Azərbaycan ordusunun bölmələri belə də etdilər. Müəllif qeyd edir ki, Ermənistanın məqsədi Azərbaycanı dünyaya neqativ təcavüzkar obrazında təqdim etmək idi. C.Amler öz siyasi və iqtisadi müstəqilliyini itirmiş Ermənistan barədə yazır ki, erməni millətçiliyi və Azərbaycana qarşı təcavüz Ermənistanı uçuruma yuvarlayıb. O vurğulayır ki, beynəlxalq birlik Azərbaycanın ərazi bütövlüyünü dəstəkləyir. BMT Təhlükəsizlik Şurasının, BMT Baş Məclisinin və Avropa Şurası Parlament Assambleyasının müvafiq qətnamələri buna sübutdur. Sonda ekspert Dağlıq Qarabağ münaqişəsinin tezliklə həll edilməsinin zəruri olduğunu qeyd edir.

Fuad




 
Bölməyə aid digər xəbərlər
20.09.2018
“Azərbaycan qazının Avropaya çatması tarixi hadisə olacaq”
18.09.2018
ABŞ ilə Çin arasındakı danışıqlar gərgin mərhələyə qədəm qoyub
18.09.2018
NATO Azərbaycanın beynəlxalq təhlükəsizliyə verdiyi töhfəni alqışlayır
18.09.2018
Bakıda Azərbaycan və Türkiyə əsgərlərini eyni sırada görmək tarixlərə işıq saçan xoşbəxtlikdir
18.09.2018
Ölkəmizə faydalı vətəndaşlar yetişdirməyə çalışırıq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info