NDU-da fakültələrarası çempionata start verilib
Tarix: 07.04.2016 | Saat: 15:29:00 | E-mail | Çapa göndər


Naxçıvan Dövlət Universitetində (NDU) ümummilli lider Heydər Əliyevin anadan olmasının 93-cü ildönümü ilə əlaqədar təsdiq olunmuş tədbirlər planına uyğun olaraq müxtəlif idman növləri üzrə fakültələrarası çempionata start verilib.
NDU-nun mətbuat şöbəsindən AZƏRTAC-a bildirilib ki, çempionatda universitetin 11 fakültəsinin tələbələri iştirak edib.
Açılış mərasimində iştirak edən ali məktəbin rektoru, AMEA-nın müxbir üzvü, professor Saleh Məhərrəmov çıxışında ulu öndər Heydər Əliyev bütün sahələrdə olduğu kimi, idmanın da inkişafına göstərdiyi diqqət və qayğıdan danışıb. Qeyd edib ki, bədən tərbiyəsi və idman dövlət qayğısı ilə əhatə olunub, gənclərimizin marağını cəlb edən bir sahəyə çevrilib.
Fiziki tərbiyə və idman oyunları kafedrasının dosenti, Tələbə İdman Klubunun sədri Məmmədəli Rəhimov çıxışında fiziki cəhətdən sağlam gənclərin yetişdirilməsinin zərurətindən danışıb. Bildirib ki, idman xalqın, millətin başqa xalqlar içərisində şöhrətini yüksəldən sahələrdən biridir və belə yarışlar güclü idmançıların formalaşmasında mühüm rol oynayır.
Yarışın baş hakimi, fiziki tərbiyə və idman oyunları kafedrasının baş müəllimi Elza Musayeva idmançılara uğurlar diləyib.
Sonra yarışlara start verilib.
İlk yarışlar stolüstü tennis idman növü üzrə keçirilib. Yarışlar iki kateqoriyada – komandalararası və şəxsi birincilik uğrunda mübarizələrlə yadda qalıb. Komandalararası yarışlarda I yerə universitetin pedaqoji fakültəsi, II yerə tibb fakültəsi, III yerə isə beynəlxalq münasibətlər və xarici dillər fakültəsi layiq görülüb.
Oğlanlar arasında şəxsi birincilik uğrunda keçirilən yarışlarda I yerə ali məktəbin pedaqoji fakültəsinin tələbəsi Cəfər Seyidzadə, II yerə tarix-filologiya fakültəsinin tələbəsi Məhəmməd Əliyev, III yerə isə pedaqoji fakültənin tələbəsi Həsənalı Cəfərov layiq görülüb.
Qızlar arasında şəxsi birincilik uğrunda yarışlarda isə I yerin sahibi pedaqoji fakültənin tələbəsi Səriyyə Quliyeva, II yerin sahibi beynəlxalq münasibətlər və xarici dillər fakültəsinin tələbəsi Aydan Əliyeva, III yerin sahibi tibb fakültəsinin tələbəsi, Türkiyə vətəndaşı Ayşe Ardan olub.
Qeyd edək ki, çempionat çərçivəsində yarışların may ayının ortalarına qədər mini futbol, futbol, şahmat idman növləri üzrə davam etdirilməsi nəzərdə tutulur.




 
Bölməyə aid digər xəbərlər
22.05.2019
27 dərəcə isti olacaq
22.05.2019
“Bölgələrdən Bölgələrə” Yaradıcılıq Festivalı Balakəndə
21.05.2019
Normadan artıq şəkər istehlakı orqanizm üçün zərərlidir
21.05.2019
Masallı Tarix-Diyarşünaslıq Muzeyində Beynəlxalq Muzeylər Günü
21.05.2019
“Sağlam Qida” Könüllülərinin 1-ci Respublika Forumuna qeydiyyat başladı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info