Erməni mətbuatı: “Ermənistanı nə MDB, nə Avropa müdafiə etmədi” – məğlubiyyətin acısı
Tarix: 11.04.2016 | Saat: 16:11:00 | E-mail | Çapa göndər


Bir neçə günlük döyüş əməliyyatları nəticəsində ağır zərbə alan erməni tərəfi hazırda məğlubiyyətlərinin səbəblərini araşdırmaqla məşğuldur.
Gün.Az xəbər verir ki, Armtoday saytında dərc olunan belə bir araşdırmalardan biri Ermənistanın düşdüyü real vəziyyəti tam ortaya qoyması baxımından çox maraqlıdır.
Ümumi olaraq qeyd edək ki, müəllif bu məğlubiyyətə görə Ermənistanın xarici siyasətini və ordu quruculuğu işlərini kəskin tənqid edib.
Müəllif yazır ki, Qarabağda gözlənilmədən başlayan müharibə, elə gözlənilmədən də bitdi.
“Hərbi əməliyyatlar Azərbaycanın döyüşdən əvvəl kəşfiyyatı idi”
“Daha doğrusu müharibənin birinci hissəsi bitdi. Çünki Azərbaycanın arsenalında olan silahı nəzərə alsaq buna müharibə demək çətindir. Deyəsən bu döyüşdən əvvəl kəşfiyyat idi”.
Müəllif ilkin olaraq sual edir:
“Necə olur ki, düşmən (azərbaycanlıları nəzərdə tutur - red) ildırım sürətilə cənub istiqamətində bir neçə post tutdu. Axı bu postların ətrafında piyada və tank əleyhinə minalarla dolu olan sahə var idi? Bununla bərabər bizim döyüşçülər itkin düşüb. Onlar hara yoxa çıxıblar, başların nə gəlib, heç kim indiyə qədər bilmir”.
“Qoy Ermənistan rəhbərliyi bunu xalqa izah etsin”
Daha sonra müəllif Dağlıq Qarabağ adlı qurumun tərəf kimi tanınmamasından şikayət edərək, atəşkəs razılığının Azərbaycan və Ermənistanın baş qərargah rəisləri arasında olduğunu deyir.
“Bəs Dağlıq Qarabağın baş qərargah rəisi hardadır? Həmişəki kimi o yoxdur. Bəlkə Ermənistan birdəfəlik bəyan etsin ki, Dağlıq Qarabağda xalq özü öz taleyini həll edir, rəsmi İrəvan yox. Qoy, Ermənistan rəhbərliyi bunu xalqa izah etsin, biz də bəlkə bunu başa düşərik”.
“Ermənistanı nə MDB, nə Avropada müdafiə etmədilər”
Daha sonra erməni müəllif Ermənistanın nə MDB, nə də Avropada müttəfiqlərinin olmamasından şikayət edir.
“Hərbi əməliyyatlar göstərdi ki, bizim nə MDB-də nə də Avropada müttəfiqlərimiz yoxdur. Biz fiziki, həm də siyasi cəhətdən blokadada qaldıq. Ermənistan Avropa Şurası, AŞPA, Kollektiv Təhlükəsizlik Müqaviləsi Təşkilatı (KTMT), Avroasiya İqtisadi Birliyinin (AAİB) üzvü olduğu halda bu təşkilatlarında heç birindən dəstək ala bilmədi. Bu azmış kimi AŞPA sədri Pedro Aqramunt Azərbaycanın ərazi bütövlüyünü dəstəklədyini bəyan etdi.
Ermənistandan başqa Rusiya, Qazaxstan, Qırğızıstanın da daxil olduğu KTMT-nin üzvü olan Belarusun prezidenti Lukaşenko vəziyyəti elə şərh etdi ki, Ermənistanın xarici işlər nazirliyi bununla bağlı bəyanat verməli oldu.
Rusiya və Qazaxstan prezidentləri Qarabağ münaqişəsini müzakirə etdilər. Amma hamıya aydındır ki, KTMT və AAİB-nin üzvü olan Qazaxstan daim Azərbaycanın tərəfində olacaq. Ermənistan öz siyasətini köklü dəyişməlidir. Zaman irəli gedib, amma bizim xarici siyasət 60-cı illərin səviyyəsindədir”.
“Ermənistan Rusiyadan 80-ci illərin köhnəlmiş texnikasını və silahını alır”
Müəllif Rusiyanı da Azərbaycana silah satdığına görə tənqid etməyi yaddan çıxarmayıb.
“Rusiya Azərbaycana hücum silahı satmağını biznes kimi qələmə verdi. Bizim KTMT müttəfiqimiz bilmirdi ki, son nəticədə bu silahlar ermənilərə qarşı istifadə olunacaq? Nəticədə Ermənistan məğlub vəziyyətdə qaldı.
Bundan başqa Gümridəki 102-ci hərbi baza nə ilə məşğuldur? Ermənistana bu baza çox lazımdır? Bu baza bizi Türkiyədən müdafiə edəcək? Hazırda Rusiya-Türkiyə münasibətlərinin gərgin vəziyyətində bu baza bizim üçün təhlükə mənbəyidir. Çünki bu iki dövlət arasında münaqişə olacağı təqdirdə Türkiyə Rusiya bazasını məhv etmək adı ilə Ermənistan ərazisini bombalaycaq”.
Sonra yazı müəllifi Rusiyanı Ermənistana köhnə texnika satmaqda ittiham edib.
“Biz Rusiyadan 80-ci illərin köhnəlmiş texnikasını və silahını alırıq (Sarkisyan Almaniyada belə deyib). Bəlkə biz də Azərbaycan kimi bu pula hücum texnikası olan BPLA almalı idik. Azərbaycan belə texnika ilə bizim bir neçə obyekti və döyüşə gələn könüllülərin olduğu avtobusu vura bildi. Biz isə Rusiyadan valyuta verərək onların köhnə olduğuna görə istifadə etmədiyi silahları alırıq”.
“Ermənistan müstəqil dövlətdir, yoxsa Rusiyanın vilayəti”
Daha sonra Ermənistanın AAİB və KTMT-də üzvlüyünə toxunan yazı müəllifi bunun məqsədyönlüyünü şübhə altına alıb.
“Bizim rəhbərlik izah etsin ki, Rusiyadan köhnəlmiş avtomobillərin gətirilməsi üçün vergilərin azaldılmasından başqa bu təşkilatlarda üzvlük bizə nə verir. Biz müstəqil dövlətik, yoxsa Rusiyanın bir vilayəti? Rusiya daxilində olan Çeçenistan daha çox hüquqlara malikdir, nəinki Ermənistan Cənubi Qafqazda.
Ermənistanda Rusiyalı biznesmenlərin əlində olan heç bir sahə rentabelli işləmir –qaz sənayesi, dəmir yolları, elektrik şəbəkəsi, elektrik stansiyaları.
Rusiya Ermənistanın İranla istənilən investisiya layihəsinin qarşısını alır.
Bütün suallara dəqiq cavab lazımdır. Xarici siyasət və diplomatiyanın səhvləri əsgərlərimizin canı bahasına başa gəlir”, - müəllif vurğulayıb.




 
Bölməyə aid digər xəbərlər
12.11.2018
Misirdə sosial şəbəkələrdə yanlış informasiya yayanlar cəzalanacaq
11.11.2018
Türkiyə HHQ İraqın şimalında 14 terrorçunu məhv edib
11.11.2018
İranın xarici işlər nazirinin maraqlı “tviti”
10.11.2018
Angela Merkel antisemitizmin artmasına görə narahatdır
10.11.2018
Lionda Azərbaycan-Fransa Dialoq Assosiasiyasının təqdimatı olub

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10456

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info