Rusiya Ermənistanın nankorluğunun şahidi olur
Tarix: 13.04.2016 | Saat: 15:24:00 | E-mail | Çapa göndər


Moskvada Avrasiya İqtisadi Birliyi (AAİB) hökumət başçılarının iclası keçirilir. Əvvəlcədən aprelin 8-də Yerevanda keçirilməsi nəzərdə tutulmuş iclas Dağlıq Qarabağda baş verən son hadisələrlə əlaqədar Qazaxıstanın təklifi ilə təxirə salındı. Belə ki, ittifaqa daxil olan ölkələr – Qazaxıstan, Belarus, eləcə də Rusiya Ermənistan paytaxtında yığışmağın Azərbaycan tərəfinə təzyiq kimi qəbul olunacağını səbəb gətirmişdilər. Əlbəttə ki, bu Ermənistanda etirazla qarşılanıb.
Ötən günlər ərzində Ermənistanda həm Rusiyanın Azərbaycana silah satması, həm də AAİB-in üzvü olan ölkələrin – Belarus və Qazaxıstanın Dağlıq Qarabağda baş vermiş silahlı toqquşmalar zamanı Azərbaycanı birmənalı şəkildə dəstəkləməsi böyük etiraza səbəb olub.
Ermənistan parlamentinin “Erməni Milli Konqresi” fraksiyasından olan deputatı Nikol Paşinyan AAİB-də qalmağa və onun qərarlarını “sabotaj” etməklə təşkilatın işinə mane olmağa çağırıb. Erməni deputat deyib ki, Ermənistan Avrasiya Birliyinin üzvlüyündən çıxmamalı, onun fəaliyyətini iflic etməli, bütün qərarlara əks getməlidir.
Ermənistanda hakim Respublikaçılar Partiyasından olan deputat Artak Davtyan da AAİB və Kollektiv Təhlükəsizlik Müqaviləsi Təşkilatının (KTMK) üzvü olan ölkələrin Qarabağ məsələsində Azərbaycanı dəstəkləməsindən narazıdır. Onun sözlərinə görə, Belarus Qarabağda döyüşlər başlayan kimi Azərbaycanın ərazi bütövlüyünü dəstəklədi, Qazaxıstan isə AAİB üzvlərinin Yerevana gəlməsinə mane olmaq üçün əlindən gələni etdi. Erməni deputatın strateji tərəfdaş kimi, Rusiyadan da gözləntisi çox idi.
Ermənistan mətbuatı Rusiya hökumətinin sədri Dmitri Medvedevin Bakıya səfərindən də narazıdır. Rusiya rəsmisi Ermənistana əvvəlcədən nəzərdə tutulmuş səfərini qısaltmaq və ikigünlük səfərin bir günü Azərbaycana həsr etmək qərarını vermişdi. Erməni KİV-ləri yazır ki, bu, Ermənistan hakimiyyəti üçün təhqirdir. Mətbuat yazır: “Görünür, Rusiya Baş nazirinin Yerevana səfərinin müddətini qısaltmasının və Qazaxıstanın Baş naziri Karim Masimovun Yerevana gəlməkdən imtina etməsinin bir səbəbi var, o da Azərbaycanın xətrinə dəyməməkdir”.
Rusiya İctimai Palatasının üzvü Sergey Markovun fikrincə, Ermənistanda Rusiyaya qarşı gedən kampaniya “əsl nankorluqdur”. Siyasətçi “facebook” səhifəsində yazıb: “Bu, ləyaqətsizlik və satqınlıqdır”.
Politoloq Andrey Yepifantsev hesab edir ki, Rusiyada Ermənistan cəmiyyətindəki güclü antirusiya əhval-ruhiyyəsinin miqyasını anlamırlar. Onun fikrincə, Ermənistanda hakimiyyəti zəbt etmiş Qarabağ klanı rəhbərlikdə qalmaq üçün Azərbaycan ilə münaqişədən istifadə edir və sülh onların sonu deməkdir. A.Yepifantsev yazır ki, ABŞ-dakı erməni diasporu da parçalanıb. Onlar erməni xalqının mənafeyini güdmürlər. Politoloq yazır: “google”da Rusiya Ermənistana xəyanət etdi” sözlərini axtarışa versəniz, erməni ictimaiyyətinin Rusiyaya qarşı mənfi fikirləri ilə dolu 300 mindən çox məqalə taparsınız. Bu, erməni xalqı üçün özünüməhv deməkdir. Ancaq “Böyük Ermənistanı” belə şeylər nə vaxt yolundan çəkindirib ki...”.
Rusiyanın birinci kanalında yayımlanan “Odnako” verilişinin aparıcısı Mixail Leontyev hələ bir neçə il əvvəl yazırdı ki, Ermənistan neçə illərdir iqtisadiyyatın liberallaşdırılmasına və xarici sərmayələrin cəlb olunmasına səy göstərir. Lakin heç bir investisiya bumu gözə görünmür və heç işıq ucu da yoxdur. Hətta ABŞ və Avropada güclü diaspor belə Ermənistan iqtisadiyyatının yüksəlişinə kömək edə bilmir və yalnız ermənilərin ölkədən qaçmasını asanlaşdırır.
Rusiya yazıçısı və tarixçisi Aleksandr Qoryanin bu günlər Moskvada keçirilən Qarabağ hadisələrinə həsr olunmuş mətbuat konfransında Ermənistanın Dağlıq Qarabağda müharibəyə başlamaqla özünün özünə nə qədər ziyan vurduğunu xüsusi qeyd edib. Ermənistanda olarkən sovet dövründən qalmış köhnə avtomobillərin sayının çox olmasından heyrətə gələn rus yazıçısı Ermənistan əhalisinin sayının dəfələrlə azaldığını, bütöv ailələrin Ermənistandan köçdüyünü müşahidə edib. Tarixçi xatırladıb ki, hələ sovet dövründə Azərbaycanda olarkən bir çox mühüm vəzifələri ermənilərin tutduğunun şahidi olmuşdu və özlərinin yaratdığı bu süni Dağlıq Qarabağ münaqişəsi üzündən ermənilər çox şey itirdilər.
Qarabağda dörd günlük müharibə ətrafında baş verənlər Azərbaycan ilə Rusiya arasında dövlətlərarası münasibətlərin yüksək səviyyədə və çox düzgün qurulduğunu göstərdi. Lakin bir boşluq da nəzərə çarpdı – bu da Rusiyada Azərbaycanın təbliği və Rusiya mətbuatında təmsili məsələsidir. Rusiya mətbuatında Qarabağ hadisələrinin birtərəfli işıqlandırılması Azərbaycan cəmiyyətində narazılıq doğurub. Onu da qeyd edim ki, bu, əsasən, özəl kanallarda və informasiya vasitələrində nəzərə çarpırdı və deməli, dövlətin mövqeyini əks etdirmirdi. Rusiyalı jurnalist Maksim Şevçenko azərbaycanlıların narazılığının haqlı olduğunu qeyd etsə də, bildirib ki, özəl KİV-lərin də Azərbaycana qarşı heç bir qərəzi yoxdur, “bu, sadəcə biznesdir”.
AZƏRTAC




 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10476

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info