İslam ölkələri ilk Gənclik Zirvə Sammiti İstanbulda öz işinə başladı
Tarix: 13.04.2016 | Saat: 17:20:00 | E-mail | Çapa göndər


10-15 aprel tarixlərində İstanbulda İslam Əməkdaşlıq Təşkilatının (İƏT) dövlət rəhbərlərinin sammiti olan növbəti Zirvə Toplantısı keçirilir. İlk dəfə olaraq bu il Zirvə toplantısında gənclər siyasəti ilə bağlı yenilik edilib.
İƏT Zirvə toplantısı 3 ildən bir olmaqla keçirilir və İƏT dövlətlərinin növbəti dövr üçün əməkdaşlıqlarının strategiyasını müəyyən edir. Zirvə toplantısı çərçivəsində adətən ilk gün Yüksək Məmurlar toplantısı, sonrakı gün Xarici İşlər nazirləri Sammiti, yekunda isə dövlət rəhbərlərinin Zirvə toplantısı həyata keçirilir. Bu il isə, İƏT tarixində ilk dəfə olaraq Zirvə toplantısı çərçivəsində İƏT Gənclər Sammiti də həyata keçirilir. İslam Konfansı Gənclər Forumunun (İKGF) təşəbbüsü və Türkiyə hökumətinin dəstəyi ilə “İnkişaf, Sülh və Ədalət uğrunda Əməkdaşlıq” şüarı altında keçirilın bu ilk İƏT Gənclər Sammitinin açılış mərasimi dünən İstanbulda baş tutub.
Ümumilikdə 200-ə yaxın müsəlman gənc liderin iştirak etdiyi sammitin açılış mərasimində DƏ-İKGF-nin sədri Elşad İskəndərov, Türkiyənin Gənclər və İdman Naziri Akif Çağatay Kılıç, Azərbaycan Respublikasının Gənclər və İdman Naziri Azad Rəhimov, Sülh üzrə Nobel mükafatı laureatı almış Təvəkkül Karman təbrik nitqi ilə çıxış edib, İƏT-in baş katibi İyad Mədəninin və İstanbul Böyükşəhər Bələdiyyəsinin Başçısı Kadir Topbaşın nümayəndələri isə onların tədbirə ünvanlanmış müraciətlərini oxuyublar.
İƏT Gənclik Nazirlərinin sözügedən sammit çərçivəsində ayrıca keçirilən işçi qrupunda hökumətlərin İƏT məkanında həyata keçirdikləri gənclik siyasəti üzrə müzakirələr aparılıb.
Gənc müsəlman liderlərin sammitdə qəbul edəcəyi təkliflər, növbəti gün öz işinə başlayacaq İƏT Zirvə Toplantısı iştirakşılarına təqdim ediləcək. Tədbirdə həmçinin İKGF tərəfindən İƏT arealı üçün ilk dəfə hazırlanan “Müsəlman Gənclərin Vəziyyəti” adlı illik hesabatın ilk nümunəsinin, İKGF tərəfindən layihəsi hazırlanan Mövlanə Beynəlxalq Tələbə Mübadiləsi Proqramı və İbn Bətutta Beynəlxalq Gənclik Proqramının təqdimatı, həmçinin, Şimali Afrika və Orta Şərqdə İƏT-ə üzv ölkələrin gənclər hərəkatlarını aktivləşdirəcək Milli Gənclər Şuralarının yaradılması təşəbbüsünün təşviq ediləcəyi gözlənilir.
Tədbirin ikinci günü dünyanın müxtəlif ölkələrində fəaliyyət göstərən sülh və miqrantların haqları uğrunda, İslamofobiya və qadınlara qarşı zorakılıqla mübarizə sahəsində xüsusi fəaliyyəti ilə seçilmiş 10 müsəlman gəncə İKGF-nin 2014-cü ildə 2-ci qurultayında qəbul edilmiş “10 ildə 10 hədəf” adlı İstanbul Gənclər Bəyannaməsinin bəndlərinə uyğun “Dünyanı dəyişdirə biləcək 10 müsəlman gənc” beynəlxalq mükafatları təqdim ediləcək.

Qorqud




 
Bölməyə aid digər xəbərlər
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info