Atletimiz üçqat Avropa çempionu oldu
Tarix: 14.04.2016 | Saat: 00:42:00 | E-mail | Çapa göndər


Norveçin Fyorde şəhərində keçirilən ağır atletika üzrə Avropa çempionatı davam edir. Yarışın üçüncü günü Azərbaycan millisi üçün uğurlu alınıb.
Komandamız aktivinə ilk qızıl medalı yazıb. Fyordedə Azərbaycan himnini Boyanka Kostova səsləndirib. 58 kq çəki dərəcəsində körpücük üzərinə çıxan dünya çempionumuz birdən qaldırma hərəkətində ilk yanaşmasını yerinə yetirməklə qızıl medalı təmin edib. Belə ki, öncə 95 kq çəkinin öhdəsindən gələn Kostova ardınca hər cəhdində sifarişini 5 kq artırıb və bu hərəkəti 105 kq çəkini ram etməklə bitirib. Bununla da o, ən yaxın izləyicisini 15 kq qabaqlayıb. Təkanla qaldırma hərəkətində də Boyanka aşkar favorit olduğunu sübut edib. Öz çəkisində Avropa və dünya rekordlarının sahibi olan ağırlıqqaldıranımız əvvəlcə 120 kq, ardınca 130 kq-ı başı üzərinə qaldırıb. 3-cü yanaşma heç bir əhəmiyyət kəsb etmədiyindən atletimiz ondan imtina edib. Toplamda 235 kq nəticə göstərən Kostova üçüncü dəfə Avropa çempionu tituluna yiyələnib. İkinci yerdə qərarlaşan İrina-Lasramioara Lepsa (Rumıniya) idmançımızdan nə az, nə çox, 30 kq az qaldırıb. İlk “üçlüyü” qapayan Yoanna Loçovska (Polşa) isə cəmi 204 kq çəkinin öhdəsindən gəlib. Qeyd edək ki, ondan öncə körpücük üzərinə çıxan Elmar Alıyev (56 kq) 7-ci, Mərziyyə Məhərrəmova (48 kq) ilə Allahyar Abışov (62 kq) 11-ci və Gülçin Əlizadə (53 kq) 20-ci pillədə qərarlaşmışdı.




 
Bölməyə aid digər xəbərlər
28.01.2020
Şahmatçılarımız “Masters” turnirinin növbəti turunu qələbə ilə başa vurublar
28.01.2020
Hakim oyunçuya eyni anda üç vərəqə göstərdi - Video
27.01.2020
“Barcelona“nın futbolçusu İtaliyaya keçir
27.01.2020
Millimiz Şimali Makedoniya yığmasını ikinci dəfə məğlub edib
27.01.2020
AVRO-2020: UEFA iki yığmanın Bakıda məskunlaşacağını açıqlayıb

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11440

1 Batumidə Qanlı Yanvar şəhidlərinin xatirəsi anılıb
2 Çalışacağıq ki, futbol pərəstişkarları məmnun qalsınlar
3 Turizm şirkətlərinə mülki məsuliyyət sığortası tətbiq ediləcək
4 Ermənistanda sosial narazılıq artır: fermerlərin kütləvi mitinqi bütün ölkəyə yayılır
5 ABŞ “doğum turizmi”nə qarşı mübarizə aparmaq qərarına gəlib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info