“Opinione Pubblica”: “Dağlıq Qarabağ münaqişəsinə görə niyə narahat olunmalıdır?”
Tarix: 14.04.2016 | Saat: 20:53:00 | E-mail | Çapa göndər


İtaliyanın “Opinione Pubblica” qəzetinin internet səhifəsində tədqiqatçı-jurnalist Filippo Bovonun müəllifi olduğu “Dağlıq Qarabağ münaqişəsinə görə niyə narahat olunmalıdır? ” adlı məqalə dərc olunub. Məqalədə jurnalist Dağlıq Qarabağ münaqişəsinin Ermənistanın “Böyük Ermənistan” xülyasını gerçəkləşdirmək üçün başlatdığını, nəticədə Azərbaycanın 20% ərazisinin işğal etdiyini, ermənilərin həyata keçirdiyi etnik təmizləmə nəticəsində bir milyona yaxın azərbaycanlının qaçqın və məcburi köçkün düşdüyünü, 1994-cü ildə imzalanmış atəşkəs müqaviləsindən sonra münaqişənin həlli üçün ATƏT Minsk qrupu çərçivəsində danışıqların aparıldığını qeyd edir. Ermənistanın xristian həmrəyliyinə nail olmaq üçün münaqişəni beynəlxalq ictimaiyyətə dini kontekstdə təqdim etməsinin yanlış olduğunu ifşa etmək üçün müəllif rəsmi İrəvanın demək olar ki, bütün qonşu dövlətlərə, hətta xristian Gürcüstana belə torpaq iddialarının olduğunu qeyd edir və münaqişənin səbəbinin həqiqi mahiyyətini oxucuya çatdırır. Müəllif münaqişənin həlli ilə bağlı BMT TŞ qətnamələri və digər beynəlxalq sənədlərdə ölkəmizin ərazi bötüvlüyünün tanındığı və Ermənistan silahlı qüvvələrinin işğal olunmuş ərazilərdən çıxarılmasına dair çağırışların olmasını məqalədə əks etdirir. Məqalədə təmas xəttində vəziyyətin gərginləşməsi ilə bağlı İtaliya parlament üzvləri olan İtaliya-Azərbaycan Dostluq Qrupunun sədri, “Şimal Liqası” partiyasının üzvü senator Sercio Divina, Senatın Müdafiə Komitəsinin sədri Nikola Latorre, Demokrat Partiyasının üzvü deputat Kristina Barcero, İtaliya İrəli - Azadlıq Xalqı Partiyasının üzvü senator Mariya Rizotti, “5 ulduz hərəkatı” partiyasının üzvü senator Canluka Kastladinin mətbuatda yaydıqları Azərbaycanın mövqeyini dəstəkləyən və münaqişə ilə bağlı BMT qətnamələrinin yerinə yetirilməsinin vacibliyinə çağıran bəyanatlarına geniş yer verilib. Müəllif İtaliyanın ATƏT Minsk qrupu ilk sədri kimi münaqişənin həlli ilə bağlı danışıqlara cəlb edilməsi və məhz həmin dövrdə münaqişənin həlli kimi Ermənistan silahlı qüvvələrinin Azərbaycan ərazilərindən çıxarılması fikrini irəli sürməsini xatırladaraq, rəsmi Romanın bu gün də danışıqlar prosesinə daha fəal töhfə verməli olduğunu bildirmişdir. Müəllif, habelə İtaliyanın regionda davamlı sülhə nail olunmasına yardım göstərməsinin Azərbaycanın İtaliya üçün strateji əhəmiyyət kəsb etməsi ilə əlaqələndirir, Azərbaycanla İtaliya arasında münasibətlərin əsasını Azərbaycan Prezidentinin 2014-cü ildə İtaliyaya rəsmi səfəri vaxtı iki hökumət arasında qəbul edilmiş strateji tərəfdaşlığa dair bəyanatın təşkil etdiyini bildirir. Azərbaycanın İtaliya üçün iqtisadi önəmindən danışan müəllif, Azərbaycanın Qafqazın ÜDM-sinin 75 %-ni istehsal etdiyi, regionda beynəlxalq əhəmiyyətli neft, qaz və dəmir yolu layihələrini həyata keçirən əsas ölkə olduğunu vurğulayır. “Cənubi Qaz Dəhlizi” layihəsi barədə məlumat verən müəllif bu yaxınlarda bu dəhliz üzrə Bakıda “Cənub Qaz Dəhlizi” Məşvərət Şurasının ikinci iclası kimi önəmli tədbirin keçirildiyi və həmin tədbirdə Avropa İttifaqının rəhbərlərinin, müvafiq ölkələrin enerji nazirlərinin, habelə İtaliya Nazirlər Şurasının dövlət katibi Klaudio De Vinçentinin iştirak etdiyini bildirir. Müəllif Azərbaycanın İtaliya üçün enerji kontekstində əhəmiyyətli olması ilə yanaşı, Azərbaycanda çoxsaylı italyan şirkətlərinin fəaliyyət göstərdiyini vurğulayır, son illərdə ölkəmizin bölgədə İtaliya məhsullarının əsas idxalçılarından birinə çevrildiyi, müasir infrastrukturu ilə İtaliyanın Qafqaz və Orta Asiya çıxması üçün körpü rolunu oynadığını qeyd edib.




 
Bölməyə aid digər xəbərlər
10.11.2018
ABŞ İrana qarşı hərbi əməliyyat planlaşdırmır
09.11.2018
Ermənistanın KTMT-dəki nümayəndəsinin geri çağırılması təbiidir, çünki rəsmi Yerevan yanlış siyasət yürüdür
09.11.2018
Ermənistanın bütün müstəvilərdə təcrid və küncə sıxılmış vəziyyətdə olması özünü açıq şəkildə nümayiş etdirir
09.11.2018
Hər bir vətəndaşın borcudur ki, bayrağımızın əbədi dalğalanması üçün üzərinə düşəni etsin
09.11.2018
Azərbaycanın üçrəngli bayrağı özündən əvvəlki bayraqların varisidir

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10455

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info