Fərdi jurnalist yazıları müsabiqəsinin qalibləri mükafatlandırılıb
Tarix: 15.04.2016 | Saat: 01:04:00 | E-mail | Çapa göndər


Dünən “Azərbaycan - multikulturalizm məkanı: BMT Sivilizasiyalar Alyansının VII Qlobal Forumu ölkəmizə nə vəd edir?” mövzusunda elan edilmiş fərdi jurnalist yazıları müsabiqəsinin qaliblərinin mükafatlandırma mərasimi keçirilib.
Müsabiqəni Mədəniyyət və Turizm Nazirliyi ilə Prezident yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) birgə təşkil edib. Mərasimdə çıxış edən mədəniyyət və turizm naziri Əbülfəs Qarayev əvvəlcə müsabiqə barədə məlumat verib. Ölkəmizdə “Multikulturalizm ili” çərçivəsində görülən işlərdən danışan nazir, bu anlayışın cəmiyyətdə daha aydın dərk olunması məqsədilə KİV nümayəndələri arasında belə bir müsabiqənin təşkil edildiyini vurğulayıb. Yazı müsabiqəsində, demək olar ki, bütün mətbu orqanların əməkdaşlarının fəal iştirak etdiyini söyləyən Ə.Qarayev bildirib ki, yazılarda mövzuya fərqli yanaşmalar özünü göstərib. BMT Sivilizasiyalar Alyansının VII Qlobal Forumundan sonra Forumun ölkəmizə nə verdiyi məsələsi aktual olacaq. Ə.Qarayev buna görə də həmin mövzuda yazı müsabiqəsi elan etmək niyyətində olduqlarını deyib. KİVDF-nin icraçı direktoru Vüqar Səfərli bildirib ki, “Azərbaycan - multikulturalizm məkanı: BMT Sivilizasiyalar Alyansının VII Qlobal Forumu ölkəmizə nə vəd edir?” mövzusunda müsabiqənin məqsədi Azərbaycanın multikulturalizm sahəsində çoxəsrlik uğurlu təcrübəsinin araşdırılması və BMT-nin Sivilizasiyalar Alyansının VII Qlobal Forumunun Bakıda keçirilməsinin ölkəmiz üçün əhəmiyyətinin yerli və beynəlxalq ictimaiyyətə çatdırılmasında peşəkar jurnalist əməyini stimullaşdırmaqdır. Qeyd edib ki, müsabiqəyə 34 KİV-dən 50 yazı daxil olub. Yazılar üç ekspert tərəfindən qiymətləndirilib. Müsabiqədə birinci yer üçün (bir qalib) 1000 manat, ikinci yer üçün (iki qalib) 800 manat, üçüncü yer üçün (üç qalib) 600 manat məbləğində mükafat nəzərdə tutulub. Bundan əlavə, 5 yazı müəllifinə həvəsləndirici mükafat (200 manat) veriləcək. BMT Sivilizasiyalar Alyansının VII Qlobal Forumundan sonra bu Forumun ölkəmizə nə verdiyi barədə müsabiqənin elan ediləcəyini söyləyən Vüqar Səfərli həmin müsabiqəyə ilin sonunda yekun vurulacağını bildirib. Milli Məclisin deputatı, Mətbuat Şurasının sədri Əflatun Amaşov Azərbaycan xalqının tolerant olduğunu söyləyərək, bu baxımdan müsabiqənin mövzusunun aktuallığını diqqətə çatdırıb. O, Forumdan sonra elan ediləcək müsabiqənin əhatə dairəsinin genişləndirilməsini, beynəlxalq səviyyədə keçirilməsini, Forum barədə xarici KİV-lərdə dərc olunacaq dəyərli yazılara da yer verilməsini təklif edib. Sonra yazı müsabiqəsinin qalibləri mükafatlandırılıb. Qaliblər Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun, Mədəniyyət və Turizm Nazirliyinin xüsusi diplomları ilə təltif olunublar.
Nigar




 
Bölməyə aid digər xəbərlər
19.04.2019
“Nəsimi ili” ilə bağlı Masallıda şeir müsabiqəsi
19.04.2019
Bakının Baş planı nə vaxt hazır olacaq?
18.04.2019
“Gənclər mənəvi irsimizin təbliğində fəallıq nümayiş etdirirlər”
17.04.2019
Masallıda Nəsimiyə həsr olunan tədbir keçirilib
16.04.2019
Mübariz İbrahimovun ev muzeyini ziyarət

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10751

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info