Abşeronda işə başlayacaq özəl müəssisələrdə 620-dək yeni iş yeri açılacaq
Tarix: 15.04.2016 | Saat: 01:05:00 | E-mail | Çapa göndər


Ötən üç ayda Sahibkarlığa Kömək Milli Fondu tərəfindən Abşeron rayonunda fəaliyyət göstərən sahibkarlara 6 investisiya layihəsi üzrə 6 milyon 135 min manat güzəştli kredit verilib.
Cari ilin birinci rübündə rayonda sənaye məhsulunun həcmi əvvəlki ilin eyni dövrü ilə müqayisədə 0,4 faiz artaraq 21,7 milyon manata çatıb. Sənaye müəssisələrində işləyənlərin sayı 6110 nəfər olub, çalışan işçilərin orta aylıq əməkhaqqı isə 386,4 manat təşkil edib. Bu faktlar dünən Abşeron rayonunda cari ilin birinci rübünün sosial-iqtisadi inkişafının yekunlarına həsr olunmuş hesabat yığıncağında səsləndirilib. Hesabat məruzəsi ilə çıxış edən rayon İcra Hakimiyyətinin başçısı İradə Gülməmmədova qeyd edib ki, ötən üç ayda rayonda abadlıq-quruculuq işləri davam etdirilib, əhalinin elektrik enerjisi, içməli su, təbii qazla təchizatı, yol infrastrukturunun yaxşılaşdırılması istiqamətində xeyli iş görülüb. 2016-cı ilin üç ayında dövlət qurumları və özəl müəssisələr üzrə rayonda 780 yeni iş yeri yaradılıb. Bundan əlavə, yaxın günlərdə rayonda istehsal, emal, ticarət, xidmət və digər sahələr üzrə bir çox özəl müəssisələrin fəaliyyətə başlaması və 620-dək əlavə yeni iş yerinin açılması gözlənilir. Diqqətə çatdırılıb ki, rüb ərzində rayonda heyvandarlıq və bitkiçilik məhsulları istehsalının həcmi xeyli artıb. Keçən ilin müvafiq dövrü ilə müqayisədə 2 dəfə çox - 377 hektar sahədə tərəvəz əkilib. Rayon büdcəsinə yerli gəlirlər hesabına nəzərdə tutulduğundan 202 min manat əlavə vəsait daxil olub. Abşeron rayon Əhalinin Sosial Müdafiəsi Mərkəzi tərəfindən 440 ailəyə ünvanlı sosial yardım təyin edilib, rayonun təhsil, səhiyyə və mədəniyyət müəssisələrinin normal fəaliyyətləri üçün lazımi şəraitin yaradılması, infrastrukturun müasirləşdirilməsi istiqamətində bir çox işlər görülüb. Yığıncaqda ayrı-ayrı sahələr üzrə də hesabat verilib, qarşıda duran məsələlər müzakirə olunub. Hesabat yığıncağının sonunda qərar layihəsi qəbul edilib.




 
Bölməyə aid digər xəbərlər
21.01.2019
Dumanlı hava şəraiti ilə bağlı sürücü və piyadalara xəbərdarlıq
21.01.2019
“Milliön”dən gizli yolla 122 min manatdan çox vəsaiti talamış şəxs saxlanılıb
21.01.2019
Biləsuvarda 1176 yerlik yeni məktəb binası tikilir
21.01.2019
“AtaSığorta”: “Sığorta yığımları 8,7 milyon manat artıb”
21.01.2019
Ölkəyə narkotik vasitə keçirilməsinin qarşısı alınıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Yalçın Topçu: “Türkiyə və Azərbaycan arasında ticarət daha da artacaq”
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info