1700 hektar sahədə pambıq əkini üçün sahibkarlarla zavodlar müqavilə bağlayıblar
Tarix: 18.04.2016 | Saat: 19:52:00 | E-mail | Çapa göndər


Bərdə Rayon İcra Hakimiyyətində 2016-cı ilin birinci rübündə sosial-iqtisadi inkişafının yekunları və qarşıda duran vəzifələr müzakirə olunub.
Yığıncaqda rayon icra hakimiyyətinin başçısı Vidadi İsayevin hesabat məruzəsi dinlənilib, ilin birinci rübündə görülmüş işlər və qarşıda duran vəzifələr ətraflı təhlil edilib. Bildirilib ki, birinci rübdə Bərdədə iqtisadiyyatın dinamik inkişafına nail olunub, regionların 2014-2018-ci illərdə sosial-iqtisadi inkişafına dair Dövlət Proqramının icrası istiqamətində işlər uğurla davam etdirilib. Bu dövrdə Əyricə kənd yolunun Tərtər çayı üzərindəki körpü istifadəyə verilib, Bərdə şəhərində geniş abadlıq işləri aparılıb, 6 kənd qazlaşdırılıb. Həmçinin Əmirli, Dəymədağıldı kəndlərinin, Güloğlular kəndindəki yeni yaşayış məhəlləsinin elektrik şəbəkəsi yenidən qurulub, Əliyanlı kəndində artezian quyusu qazılıb.
Hazırda Ərazi Kənd Təsərrüfatı İdarəsinin, Toxumçuluq Müfəttişliyinin və Aqrokimya laboratoriyasının, Mədəniyyət Mərkəzinin, Gənclər Mərkəzinin, 100 yerlik şəhər 4 saylı körpələr evi-uşaq bağçasının, Qarabağ kanalının maşın qolunun, Yeni Daşkənd-Umudalılar yolunun, Qazaxlar kəndində süd qəbulu məntəqəsinin tikintisi davam etdirilir. Tərtər çayı yatağında sahilbərkitmə işləri aparılır, 5 kənd qazlaşdırılır, 6 kəndin elektrik şəbəkəsi yenidən qurulur. Şəhərdəki üç tam orta məktəbin binaları, kommunal binalar və İmamzadə kompleksi əsaslı təmir olunur, “Bərdə” türbəsi bərpa edilir.
Diqqətə çatdırılıb ki, Prezident İlham Əliyevin regionların özünü maliyyələşdirməsi, mövcud iqtisadi potensialdan daha səmərəli istifadə edilməsi, ixracyönümlü istehsal müəssisələrinin yaradılması ilə bağlı verdiyi tapşırıqların icrası istiqamətində Bərdə rayonunda da zəruri işlər görülür.
Rayon sakinlərinin pambıqçılıq sahəsində təcrübəsi, mövcud pambıq emalı zavodlarının potensialı nəzərə alınaraq, bu il rayonda 4 min hektar sahədə pambıq əkilməsi planlaşdırılıb. 1700 hektar sahədə pambıq əkilməsi üçün sahibkarlarla zavodlar arasında müqavilə bağlanıb. Hazırda bu istiqamətdə, habelə yeni istehsal müəssisələrinin yaradılması, mövcud istehsal müəssisələrinin fəaliyyətinin bərpa edilməsi ilə bağlı işlər davam etdirilir. Rayon ərazisində toxuculuq müəssisəsinin yaradılması üçün tədbirlər görülür.
Qeyd edilib ki, rayonda 5061 hektar sahədə yazlıq bitkilər əkilib. 2015-ci ilə nisbətən buğanın əkin sahəsi 5 faiz, arpanın əkin sahəsi 2,9 faiz genişlənib. Rayonda heyvandarlığın inkişafı istiqamətində də tədbirlər davam etdirilib. Hesabat dövründə rayona 71 baş ətlik-südlük və 19 baş südlük istiqamətli cins heyvan alınıb gətirilib. 2328 baş iri buynuzlu heyvan süni yolla mayalandırılıb, 599 baş cins bala alınıb. Rüb ərzində qaramalın baş sayı 5,8 faiz, o cümlədən inək və camışların sayı 5,1 faiz, qoyun və keçilərin sayı 1,8 faiz artıb.
Yığıncaqda rayonun təhsil, səhiyyə, mədəniyyət məsələləri də ətraflı müzakirə edilib, sahibkarlığın inkişafından, əhalinin qaz, elektrik enerjisi, su ilə təminatı sahəsində əldə olunan nailiyyətlərdən və qarşıda duran vəzifələrdən danışılıb, vətəndaşların sosial müdafiəsi, ərizə və şikayətlərə baxılması sahəsində görülən işlər təhlil olunub.
Tural




 
Bölməyə aid digər xəbərlər
18.06.2019
“Azərişıq” şagirdlər üçün ekskursiya təşkil edib
18.06.2019
Masallının Lürən kəndində yeni tibb məntəqəsi açılıb
17.06.2019
IDEA ilə Ümumdünya Turizm Təşkilatı arasında Anlaşma Memorandumu imzalanıb
17.06.2019
Leyla Əliyeva Neftçaladakı Xıllı nərə balıqartırma zavodunda yetişdirilmiş körpə nərə balıqlarının Xəzərə buraxılması mərasimində iştirak edib
17.06.2019
Heydər Əliyev Fondunun vitse-prezidenti Leyla Əliyeva BMT-nin xoşməramlı səfiri Vyaçeslav Fetisovla görüşüb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10807

1 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
2 Bakı Atatürk Liseyində məzun günü münasibəti ilə tədbir keçirilib
3 Ermənilərin təyyarəmizi vurmaq cəhdi uğursuzluqla nəticələnib - VİDEO
4 Çilidə güclü zəlzələ olub
5 Diaspor rəhbərinə Rusiya Prezidentinin fəxri fərmanı təqdim olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info