Ünvanlı sosial yardım barədə qərarın qəbulu elektron və tam şəffaf həyata keçirilir
Tarix: 18.04.2016 | Saat: 23:36:00 | E-mail | Çapa göndər


“Bir sıra KİV-lərdə Əmək və Əhalinin Sosial Müdafiəsi Nazirliyi qarşısında 100-ə yaxın vətəndaşın aksiya keçirməsi ilə bağlı yayılan məlumatlar həqiqəti əks etdirmir. Qeyri-qanuni şəkildə yardım almaq istəyinə çata bilməyən ayrı-ayrı şəxslərin əsassız narazılığının bəzi KİV-lər tərəfindən aksiya kimi təqdim olunması cəmiyyətdə dezinformasiya yaratmağa, ümumən ölkəmizin mühüm nailiyyəti olan elektron müraciət və təyinat sistemini gözdən salmağa yönəlib”. Bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Elman Babayev deyib. E.Babayev vurğulayıb ki, nazirlik önünə gələn 10-a yaxın vətəndaş öz gəlirləri barədə düzgün məlumat vermədikləri üçün elektron sistem tərəfindən imtina cavabı alıblar. Hətta onlardan biri hazırda ünvanlı sosial yardım alır və bu səbəbdən ona imtina cavabı verilib. Nazirliyin önünə yığışan həmin vətəndaşların əksəriyyətyi isə onların müraciətlərinin kağız formasında qəbulunu istəyiblər və istəklərinə çatmaq üçün müxtəlif vasitələrə əl atıblar: “Bir daha bəyan edirik ki, ünvanlı sosial yardımın təyin olunub-olunmaması barədə qərarın qəbulu elektron qaydada avtomatlaşdırılmış rejimdə və tam şəffaf şəraitdə həyata keçirilir. Ona görə də kiminsə hazırda sosial yardımın təyinatında hansısa qeyri-qanuni halın mümkünlüyünü səsləndirməsi ya qərəzli və ədalətsiz münasibətin, ya da bu yeni sistem barədə tam məlumatsızlığın nəticəsi kimi qəbul olunmalıdır”.
Şöbə müdiri bildirib ki, Azərbaycan Prezidenti cənab İlham Əliyevin 23 fevral 2015-ci il tarixli Fərmanının uğurlu icrası olaraq, Əmək və Əhalinin Sosial Müdafiəsi Nazirliyi tərəfindən artıq iki aydan çoxdur ki, tətbiq edilən ünvanlı dövlət sosial yardımı üzrə Vahid Elektron Müraciət və Təyinat Alt Sistemi (VEMTAS) sosial yardım sahəsində məmur-vətəndaş müdaxiləsi mümkün olmayan, tam şəffaf bir sistemin formalaşmasını təmin edib: “Əvvəllər vətəndaşlar təmsil etdikləri ailəyə yardımın təyin edilməsi üçün müvafiq rayon (şəhər) əhalinin sosial müdafiəsi mərkəzlərinin əməkdaşlarına müraciət etməli olurdularsa və yardımın təyin olunub-olunmaması barədə qərar məmurun iradəsindən asılı idisə, artıq bu təcrübə keçmişdə qalıb. Cari il fevralın 15-dən vətəndaşlara sosial yardımın alınması üçün “Ünvanlı sosial yardımla bağlı müraciətin edilməsi” elektron xidməti vasitəsilə elektron qaydada müraciət etmək imkanı yaradılıb və yardımların təyinatı prosesi, ümumiyyətlə, insan iştirakı olmadan, tam avtomatlaşdırılmış rejimdə həyata keçirilir. Digər tərəfdən, vətəndaşlar əvvəllər yardım üçün müraciət edilməsindən ötrü müxtəlif qurumlardan sənədlər toplamalı idi ki, bu da nəinki onların çətinlik çəkməsinə, eyni zamanda bu və ya digər təşkilatlarda aidiyyəti məmurlarla qarşılaşmasına, beləliklə, məmur-vətəndaş təmaslarının genişlənməsinə səbəb olurdu. VEMTAS-ın tətbiqi bu praktikaya da son qoydu və hazırda yardım üçün müraciət edilməsində kağız daşıyıcılardan istifadə olunmur”.
Nazirlik rəsmisi vurğulayıb ki, vətəndaş sadəcə olaraq yalnız notarusdan ailə adından müraciət üçün vəkil edildiyi barədə vəkalətnamə alır və qeyd edilən e-xidmət vasitəsilə müraciəti zamanı ailəsinin tərkibi, gəlirləri və s. barədə məlumatları “Ərizə-bəyannamə”də qeyd edir. Müraciət edən ailələrə aid tələb olunan məlumatlar isə elektron qaydada 20-dən çox qurumun informasiya resurslarından əldə olunur və həmin məlumatlar avtomatlaşdırlmış rejimdə təhlil edilərək ailəyə yardım təyin edilib-edilməməsi barədə qərar verilir: “Göründüyü kimi, ünvanlı sosial yardımın alınması üçün müraciət edilməsi və bu yardımın təyin olunması prosesi tam avtomatlaşdırılmış qaydada və şəffaf şəraitdə baş verir”.
Qorqud




 
Bölməyə aid digər xəbərlər
19.09.2018
Lənkəranda keçirilən humanitar aksiyada 130 nəfər könüllü qan verib
19.09.2018
Uşaqlar üçün yardım Mərkəzi tərəfindən 113 nəfərə müxtəlif növ yardım göstərilib
19.09.2018
Neftçilərə yeni mənzillərin orderləri təqdim edilib
19.09.2018
Astarada keçirilən əmək yarmarkasında 45 nəfərə göndəriş vərəqəsi verilib
18.09.2018
Aşıq Hüseyn Bozalqanlının “Xalxal səfəri” dastanı belə başlayır...

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info