“Epress”: “Ermənistanla Gürcüstanın əsas problemi işsizlik və yoxsulluqdur”
Tarix: 19.04.2016 | Saat: 00:09:00 | E-mail | Çapa göndər


İrəvan sakini: “Bu ölkədən yaxşı bir şey gözləməyə dəyməz. Hər yerdə quldurluq və korrupsiya hökm sürür”

Ermənistanda öz ölkələrinin demokratiyadan çox uzaq olduğunu hesab edənlərin sayı artmaqdadır. Artıq ölkə əhalisinin 32 faizi Ermənistanı demokratik ölkə kimi görmür. Qeyd edək ki, Ermənistanla yanaşı, Gürcüstan sakinləri də bu fikirdə həmrəydirlər: hər iki dövlətin başlıca problemi işsizlik və yoxsulluqdur.
Qafqaz Tədqiqat Resurs Mərkəzi “Qafqaz barometri- 2015” hesabatını nəşr edib. İrəvanda dərc edilən bu nəşr yerli sakinlər arsında sorğu keçirib. İki dövlətin 4200 -dən artıq sakini arasında keçirilən sorğuda sosial suallarla yanaşı, iqtisadi, demoqrafik və siyasi vəziyyətlə bağlı suallar da yer alıb. Soğunun yekun nəticəsinə görə, hər iki dövlətdə əhalini ən çox narahat edən məsələ işsizlik və əhalinin yoxsul səviyyədə yaşamasıdır. Qeyd edək ki, daha çox yoxsulluğa yol açan işsizliyi Ermənistan əhalisinin 40 faizi, Gürcüstan əhalisininsə 51 faizi problem kimi əsas gətiriblər.

“Xalqdan quldurluq yolu ilə alınan pullar “ordunu silahlandırmaq” adı ilə qarət olunur”

O da qeyd edilməlidir ki, 2013-cü il göstəricilərindən bəri ilk dəfə olaraq Ermənistan əhalisinin 32 faizi, gürcülərin isə 17 faizi öz ölkələrini demokratik ölkə kimi görmür. Gürcüstandan fərqli olaraq, Ermənistan əhalisinin böyük hissəsi Avrasiya İqtisadi Birliyinə tərəfdaş kimi, həmrəylik nümayiş etdirib. Bu göstərici gürcü əhalisi arsında 21 faiz kimi göstərilsə də, ermənilərin daha çox hissəsi -52 faizi Avrasiya İqtisadi Birliyinə dəstək nümayiş etdirib. Xatırladaq ki, sorğu ərəfəsində Ermənistanın “Birinci informasiya” saytının əməkdaşı İrəvanda keçirilən sorğunun iştirakçısı olub. Sayt əməkdaşının etirafına görə, erməni əhalisinin ən çox səsləndirdiyi fikir belə olub: “Bu ölkədən yaxşı bir şey gözləməyə dəyməz. Hər yerdə quldurluq və korrupsiya hökm sürür”. “Bu gün Ermənistanın dövlət müəssisələrində işləyənlərin əksəriyyəti öz işinin öhdəsindən gəlməyənlərdir. Məhz bunun nəticəsidir ki, hazırda Ermənistan dünyanın ən ac-yalavac ölkələrindən birinə çevrilib”-deyə İrəvan sakinlərindən biri “Birinci informasiya” saytına bildirib. Başqa bir İrəvan sakininin sözlərinə görə, hazırda ölkədə heç bir qanun işləmir. Onun sözlərinə görə, ölkənin bütün sahələrində, istər səhiyyədə, istərsə də polisdə daha çox dostluq münasibətləri mövcuddur: “Hazırda məni öz evimdən məhrum ediblər. Lakin yerli məmurlar özlərinə dəbdəbəli saraylar ucaldırlar. Ən acınacaqlısı isə budur ki, xaldan quldurluq yolu ilə alınan pullar “ordunu silahlandırmaq” adı ilə qarət olunur”.
Ağasəf Babayev




 
Bölməyə aid digər xəbərlər
18.07.2019
Россия готова поставить Турции истребители Су-35
18.07.2019
Hansı daha üstündür: F-35, yoxsa Su-57?
18.07.2019
Ermənistanda yeni iğtişaş: çoxlu sayda yaralanan və həbs edilən var
18.07.2019
Ermənistanda polislə toqquşma zamanı 13 etirazçı xəsarət alıb
17.07.2019
Putin: “Avropa ittifaqı ilə dialoqa hazırıq”

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10831

1 “4-cü qrupa hazırlaşan hər bir abituriyentin arzusu həkim olmaqdır”
2 Mehriban Əliyeva Yalçın Rzazadə ilə bağlı tapşırıq verdi
3 Dünya brendi olmağı hədəfləyən azərbaycanlı gənc
4 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info