“Bakı Marafonu-2016“ Azərbaycan üçün turizm baxımından önəmli olacaq
Tarix: 20.04.2016 | Saat: 17:17:00 | E-mail | Çapa göndər


"Düşünürəm ki, "Bakı Marafonu-2016" Azərbaycan üçün turizm baxımından önəmli olacaq". Bunu "Bakı Marafonu-2016"nın Yarış direktoru Pedro Nimo deyib: "Mən Bakının gecə görüntüsünə aşiq olmuşam. Burada gündüzlər də gözəl olur. Azərbaycanda onsuz da turistlər çox olur. Bir idmançı üçün xüsusilə dəniz boyu qaçmaq qədər gözəl bir duyğu ola bilməz". "Bakı Marafonu-2016"nın Marketinq direktoru Pərvin Qasımova isə deyib ki, marafonda iştirak etmək üçün 3000 nəfərdən çox şəxs qeydiyyatdan keçib: "Bu marafonda biz əsasən birliyimizi göstərmək istəyirik. Tədbir kütləvi olduğundan çox böyük aktivliyin olacağı gözlənilir". P.Qasımova qeyd edib ki, marafon Dövlət Bayrağı Meydanından start götürəcək və Bakı Olimpiya Stadionunda başa çatacaq. Qeyd edək ki, "Bakı Marafonu-2016" bu il mayın 1-də paytaxtda keçiriləcək. Marafona 16 yaşdan yuxarı hər kəs - şəhər sakinləri, eləcə də qonaqlar əvvəlcədən qeydiyyatdan keçərək qoşula bilər. Qeydiyyat üçün paytaxtdakı "28 Mall", "Port Baku Mall" ticarət mərkəzlərində quraşdırılmış qeydiyyat məntəqələrinə müraciət etmək olar. "Bakı Marafonu-2016"nın uzunluğu 21 km olacaq. İştirakçı olmaq istəyənlər qeydiyyat formasını doldurmalı, şəxsiyyət vəsiqəsinin surətini təqdim etməli və iştirak üçün müəyyən olunan vəsaiti ödəməlidirlər. Bundan başqa, Bakı Marafonu 2016-nın saytında (www.bakumarathon.az) onlayn olaraq da qeydiyyatdan keçmək mümkündür. Fiziki şəxslər 20 AZN, korporativ şirkət adından iştirak edənlər isə 100 AZN ödəməlidirlər. Qeyd edək ki, tələbələrin iştirakı ilə bağlı vəsait Heydər Əliyev Fondu tərəfindən qarşılandığından onlar qeydiyyat zamanı ödəmə etmirlər. Bunun üçün ticarət mərkəzlərindəki qeydiyyat məntəqələrinə yaxınlaşmaq, qeydiyyat zamanı şəxsiyyət vəsiqəsi ilə yanaşı, tələbə biletinin surətini də təqdim etmək lazımdır. Qeydiyyat aprelin 25-dək davam edəcək. Yarışın fan zonası Bakı Olimpiya Stadionunda təşkil olunacaq. Burada iştirakçıları müxtəlif əyləncə, konsert və digər şənliklər, oyunlar, lotereyalar və s. gözləyir. Marafonun əsas məqsədi Azərbaycanda idmanın inkişafına dəstək göstərmək, insanlar arasında, xüsusilə gənclərdə sağlam həyat tərzini təşviq etmək, onları xeyirxah məqsədlər naminə bir araya gətirməkdir. Bakı Marafonundan toplanan vəsait Heydər Əliyev Fondunun valideyn himayəsindən məhrum olmuş uşaqlarla bağlı layihəsinə yönəldiləcək.
Tural




 
Bölməyə aid digər xəbərlər
19.08.2019
“Paris Sen-Jermen” klubu ikinci turda məğlub olub
19.08.2019
“Çelsi” ardıcıl iki oyunda qələbə qazana bilməyib
19.08.2019
Fərid Çexiya liqasındakı oyunda fərqlənib
18.08.2019
Azərbaycan Premyer Liqası: “Səbail” “Zirə”ni məğlub edib
18.08.2019
"Barselona" Neymar üçün son təklifini edəcək

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10860

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info