İsraildə Azərbaycandakı multikulturalizm və tolerantlığa dair tədbir
Tarix: 20.04.2016 | Saat: 20:27:00 | E-mail | Çapa göndər


Bir neçə gün əvvəl, İsraildə keçirilmiş Azərbaycanın mövqeyinə dəstək nümayişinin başa çatmasından sonra “Odlar yurdu” İsrail-Azərbaycan teatr truppasının bədii rəhbəri Səadət Şükürova tamaşaçılara İsrail ilə Azərbaycanın tərəfdaşlığına, Azərbaycan və yəhudi xalqlarının dostluğuna həsr edilən musiqi klipi təqdim edib.
İsraildə 10 ildən çoxdur yaşayan rejissorun fikrincə, klip və musiqi kompozisiyasının əsas qayəsi Azərbaycan və yəhudi xalqları arasındakı münasibətlərin həqiqi qardaşlıq və tərəfdaşlığa bariz nümunə olmasını dünyaya göstərməkdir.
S.Şükürova deyib: “Azərbaycan Prezidenti bu ili “Multikulturalizm ili” elan edib. Multikulturalizm Azərbaycan cəmiyyətinin həyat tərzidir. Bunula əlaqədar olaraq, biz, əslən Azərbaycandan olan İsrail sakinləri, “Cəmiyyət üçün beynəlxalq layihələr” qeyri-hökumət təşkilatımız və rəhbərlik etdiyim “Odlar yurdu” İsrail-Azərbaycan teatr truppası qərara aldıq ki, Azərbaycanı - dünyanın ən qonaqpərvər və tolerant ölkəsini dünyaya göstərək. Biz, İsrail vətəndaşları fəxr edirik ki, yəhudilər ta qədimdən Azərbaycan ərazisində yaşayıblar və özlərini burada heç vaxt yad hiss etməyiblər. Tarix boyu yəhudilər azərbaycanlıların yanında olub və bu iki qardaş xalq heç vaxt bir-birinə xəyanət etməyib. 1918-ci ildə erməni daşnakları ilə mübarizədə yəhudilər Qubada azərbaycanlıları dəstəkləyib və həlak olublar. Azərbaycan xalqı yəhudilərin ən çətin anında yəhudi xalqını müdafiə edib, onlara sığınacaq verib”.
S.Şükürova qeyd edib ki, onlar dünyaya göstərmək istəyirlər ki, Azərbaycan torpağında ölkənin ərazi bütövlüyü uğrunda canlarından keçmiş yəhudi şəhidlər uyuyur. S.Şükürova deyib: “Biz musiqili təqdimatımızda yəhudi və Azərbaycan xalqlarının dostluq və qardaşlığının həqiqi rəmzinə çevrilmiş Albert Aqarunovun qəhrəmanlığını göstərmişik. Biz, əslən Azərbaycandan olan yəhudilər fəxr edirik ki, erməni işğalçılarına qarşı müharibədə müstəqil Azərbaycanın ilk Milli qəhrəmanlarından biri qardaşımız Albert Aqarunov oldu. O, Azərbaycan və yəhudi xalqlarının igidlik rəmzinə çevrilib. Xankəndi, Daşaltı, Cəmilli istiqamətlərində hərbi əməliyyatlar zamanı Albert Aqarunov tərəfindən düşmənin xeyli canlı qüvvəsi və zirehli texnikası məhv edilib. Tank komandiri təyin edilmiş Albert Aqarunov tank bölməsi komandirinin əmri ilə 1992-ci il mayın 8-də səhər tezdən Şuşa ətrafında son döyüşə atılıb. Albert İsrail və Azərbaycanın əsl qəhrəmanıdır”.
S.Şükürovanın sözlərinə görə, İsrail-Azərbaycan dostluğuna, Azərbaycanın həmrəylik fenomeninə həsr edilmiş musiqili klip gənc bəstəkar və müğənni İlahə Qismət, şair Nəzmiyyə Hicran, müğənni Araz Həsənoğlunun böyük yaradıcı dəstəyi sayəsində ərsəyə gəlib. Onlar layihənin həyata keçiriləməsində ürəkdən çalışıblar.
Sonda “Odlar yurdu” İsrail-Azərbaycan teatr truppasının rejissoru Səadət Şükürova deyib: “Tezliklə biz bu klipin İsraildə və Azərbaycanda rəsmi təqdimatını təşkil edəcəyik. Ümidvaram ki, bizim klip strateji münasibətləri olan İsrail və Azərbaycan arasında daha bir möhkəm dostluq körpüsü olacaq. Ən başlıcası odur ki, bu münasibətlər arasında çox mühüm faktor - insani əlaqələr var, çünki Azərbaycanda 20 mindən çox yəhudi, İsraildə əslən Azərbaycandan olan 70 mindən çox sakin var. Biz İsrail ilə Azərbaycanın dostluğundan qürur duyuruq və bu dostluğun inkişafı və möhkəmlənməsi, əbədi olması üçün əlimizdən gələni edəcəyik”.
Tural




 
Bölməyə aid digər xəbərlər
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir
18.11.2018
Dünyanın heç bir ölkəsində qanunsuz, icazəsiz mitinq keçirməyə yol verilmir
17.11.2018
Milli Dirçəliş Günü ilə bağlı icazəsiz aksiya keçirməkdə məqsəd təxribat törətmək və ara qarışdırmaqdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Gedir dayanmadan zamanın köçü”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info