Türkiyədə “Azərbaycana qardaş dəstəyi” adlı tədbir keçirilib
Tarix: 22.04.2016 | Saat: 18:11:00 | E-mail | Çapa göndər


Türkiyənin paytaxtı Ankara şəhərində fəaliyyət göstərən “Yerli Düşüncə” dərnəyi tərəfindən 20 may tarixində təşkil olunan “Azərbaycana qardaş dəstəyi” adlı tədbir aksiyası gerçəkləşdirilib. Bu haqda “Yerli Düşüncə” dərnəyinin Azərbaycan təmsilçisi Cavid Mövsümlü məlumat verib. Cavid Mövsümlünün verdiyi məlumata əsasən tədbir onun tərəfindən dərnək rəhbərliyinə təklif olunub və qəbul edilib. Tədbir əsnasında Ankarada müxtəlif universitet və fakültələrdə təhsil alan Azərbaycanlı tələbələr üçün dərnək tərəfindən 1 günlük rəsmi dairələrə ziyarət görüşləri düzənlənib. İlk olaraq “Yerli Düşüncə” dərnəyinin rəhbərliyi, başda dərnəyin fəxri sədri Türkiyə Prezidentinin baş məsləhətçisi, 63-cü hökumət kabinetinin mədəniyyət və turizm naziri Yalçın Topçu olmaqla, azərbaycanlı tələbələrlə birgə bu ölkədə fəaliyyət göstərən Azərbaycanın rəsmi səfirliyini ziyarət ediblər. Azərbaycanın Türkiyədəki fövqəladə və səlahiyyətli səfiri Faiq Bağırov gələn ziyarətçiləri qəbul edərək çay süfrəsində hamıya bu ziyarətdən və Azərbaycana son olaylardan dolayı dəstək olduqları üçün təşəkkürünü bildirib. Öz növbəsində dərnəyin fəxri sədri Yalçın Topçu da aidiyyəti mövzuda çıxış edərək “Azərbaycanın ermənilər tərəfindən işğal edilmiş Qarabağ torpaqları qeyri-şərtsiz və dərhal işğaldan azad edilərək ölkənin ərazi bütövlüyü bərpa edilməlidir”, “Xocalı soyqırımı dünya ölkələri tərəfindən tanınmalıdır” ifadələrini həm səfirliyin nümayəndəliyinə, həm də orada toplanan media qurumlarına çatdırıb. Bunun ardından çıxış edən dərnəyin Azərbaycan təmsilçisi Cavid Mövsümlü səfirə təmsil etdiyi dərnəyin Azərbaycan adına gördüyü işlər və tədbirlər haqqında geniş məlumat verib, qardaş Türkiyədə təhsil alan Azərbaycanlı tələbələrin adından hər zaman Azərbaycan uğrunda savaşmağa hazır olduqlarını diqqətlərinə çatdırıb. Görüş sonunda səfirlikdə Azərbaycanlı tələbələrlə birgə toplu xatirə şəkili çəkilib, dərnəyin dərc etdiyi aylıq eyniadlı jurnalın bütün sayları səfirliyə təqdim edilib. Bunun ardından azərbaycanlı tələbələr dərnək rəhbərliyi ilə birgə Türkiyə Böyük Millət Məclisini ziyarət ediblər. TBMM-də “Yerli Düşüncə” dərnəyinin sədri AKP Ordu millət vəkili Mətin Gündoğdu azərbaycanlı tələbələrlə günorta yeməyində bir araya gəliblər. Yemək zamanı Azərbaycana bu diqqət və qayğıdan dolayı azərbaycanlı tələbələr vəkilə öz təşəkkürlərini bildirib, vəkil Mətin bəy də öz növbəsində hər zaman qardaş ölkəyə göstərilən diqqət və qayğının davamlı olacağını əminliklə ifadə edib. Nahardan sonra TBMM-nin bağçasında azərbaycanlı tələbələri çay süfrəsində Azərbaycanla parlamentlərarası dostluq qrupunun rəhbəri, AKP Adana millət vəkili Nejdet Ünüvar qəbul edib. Azərbaycan-Türkiyə münasibətləri mövzusunda geniş siyasi təcrübəsi olan Nejdet bəy azərbaycanlı tələbələrlə öz bildiklərini bölüşüb, onların suallarını cavablandırıb. Sonda millət vəkili çox yaxın günlərdə 4 günlük müharibədən sonra Azərbaycan ordusunun vermiş olduğu şəhidlərinin dəfn mərasimlərində iştirak etmək üçün Azərbaycana getdiyini və başda Azərbaycan parlamenti olmaqla rəsmi dairələrə başsağlığı verdiyini və hər zaman Türkiyənin Azərbaycanın yanında olduğunu ifadə edib. Sonda tələbələrlə birgə xatirə şəkili çəkilib.
Cavid Mövsümlü Azərbaycan adına bu kimi tədbirlərin “Yerli Düşüncə” dərnəyi tərəfindən hər zaman davamlı olaraq görüləcəyini və çox yaxınlarda daha geniş və mötəbər layihələrin həyata keçiriləcəyini bildirib.
Tural




 
Bölməyə aid digər xəbərlər
15.02.2019
Ədliyyə naziri Xaçmazda vətəndaşları qəbul edib
15.02.2019
Алексей Ретеюм: “Дизайн Баку поражает. Москве есть чему поучиться“
15.02.2019
Masallıda təqdimat: “Bizim tanıdığımız Elmira...”
15.02.2019
Masallıda “Xocalı faciəsi qan yaddaşımızdır” mövzusunda inşa müsabiqəsi keçirilib
15.02.2019
Səfir: “Azərbaycanda tolerantlığın yüksək səviyyədə olmasını bütün dünya etiraf edir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info