“Ovannisyan və ətrafındakı siyasi çevrələrdə müəyyən şübhələr var”
Tarix: 28.02.2013 | Saat: 23:31:00 | E-mail | Çapa göndər


Aydın Ağayev: “Qərbin Ermənistana dözümlü münasibətinin əsasında bu ideya durur ki, onu arxalandığı geopolitik mərkəzdən yavaş-
yavaş ayıra bilsin”

Seçkilərdən sonra Ermənistanda ictimai-siyasi vəziyyətin daha da gərginləşəcəyi barədə erməni ekspertlərin verdiyi proqnozlar özünü doğruldur. “İrs” Partiyasının lideri, prezident seçkilərində 37% səs toplayaraq ikinci olduğu açıqlanan Raffi Ovannisyan seçkilərin nəticələri ilə hələ də barışmayıb.
O eyni zamanda seçkiləri tanıyanları da tənqid edir. Onun çağırışı ilə İrəvanın mərkəzində mitinqlər keçirilir. Erməni saytlarının yazdığına görə, R.Ovannisyan ümidini xalqa bağlayıb. R.Ovannisyan özü Qərbin adamıdır. Onun Qərbi belə tənqid etməsi maraq doğurur. Görünür, R.Ovannisyan, həqiqətən, əlini Qərbdən üzüb. Milli Məclis Aparatının Analitik informasiya şöbəsinin müdiri, siyasi şərhçi Aydın Ağayev bizimlə söhbətində dedi ki, Ermənistanda seçkidən sonra baş verənlər iki bucaq altında qiymətləndirilməlidir: “Burada etirazlara rəhbərlik edənlərin davranışının mahiyyətini və bir də bu etirazlara qoşulanların istəklərini bilmək lazımdır. İkincilər, yəni elektorat çox ola bilsin ki, səmimidirlər.Yəni dəyişiklik istəyirlər, Sərkisyanla barışmaq istəmirlər. Bu təbiidir. Ovannisyan və ətrafındakı siyasi çevrələrdə isə müəyyən şübhələr var. Ola bilər ki, hansısa bazarlıq olsun. Bu, müəyyən mənada oyunu xatırladır. Çünki bunun etirazların təşkilatçılarına dividend gətirəcəyinə mən inanmıram. Bu seçkilərin taleyi onda həll olundu ki, seçkinin ilk saatlarında Qərb bunu qəbul etdi. Rusiyadan danışmağa dəyməz. Çünki böyük ölçüdə baş verənlər Rusiyanı tam razı salır”.
A.Ağayevin fikrincə, etirazlara rəsmi dairələrin münasibətlərində bir teatrlıq var: “Yəni etirazlara dözümlü yanaşırlar. Guya heç kimi incitmirlər ki, Qərbin gözündən düşməsinlər. Amma etirazlar getdikcə səngiyəcək. Seçkidə özünü qalib etmiş əvvəlki dövlət başçısı və onun komandası növbəti 5 ildə yenə Ermənistanda hakimiyyətdə olacaq”.
Şöbə müdiri bildirdi ki, bu seçkidə Sərkisyana dəstək olan geopolitik güclər rəqabət və çəkişməyə getmədilər: “Amma bu, o demək deyil ki, Qərbin istədikləri yoxdur. Qərbin Ermənistana dözümlü münasibətinin əsasında bu ideya durur ki, onu arxalandığı geopolitik mərkəzdən yavaş-yavaş ayıra bilsin. Amma bu xülyadır. Ermənilər bu müstəvidə oynayacaqlar. Maksimum dərəcədə Qərbdən maddi yardım və digər köməklərini alacaqlar. Amma onlar başa düşürlər ki, Ermənistanda həm hakimiyyətin duruş gətirməsi, həm də, ümumiyyətlə, Ermənistanın idarəçiliyi Rusiyadan asılıdır. Rusiya bu gün Ermənistandan əlini çəksə, bütün məsələlər həll olunacaq. Xüsusən də bizim istədiyimiz məsələlər”.
Fuad HÜSEYNZADƏ




 
Bölməyə aid digər xəbərlər
17.06.2019
XİN: Ermənistan rəhbərliyinin məntiqini anlamaq çətindir
16.06.2019
Azərbaycan və Rusiya arasında sərhədyanı işgüzar əməkdaşlığın inkişafına dair dəyirmi masa keçirilib
16.06.2019
Erməni əsilli Fransa politoloqundan etiraf: “Azərbaycanın bu istiqamətdə apardığı iş az rol oynamadı”
16.06.2019
Mariya Zaxarova: Mən Bakını çox sevirəm
15.06.2019
Litvada “Qara bağın faciəsi” kitabının imza mərasimi olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 Ermənilərin təyyarəmizi vurmaq cəhdi uğursuzluqla nəticələnib - VİDEO
4 Bakı Atatürk Liseyində məzun günü münasibəti ilə tədbir keçirilib
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info