Gənc sahibkarlar 50 min manatadək investisiya imkanı əldə edəcək
Tarix: 27.04.2016 | Saat: 17:29:00 | E-mail | Çapa göndər


Azərbaycanlı gənc sahibkarlar yerli və xarici investorlardan 50 min manatadək investisiya cəlb etmək imkanı əldə edəcək. "Youth Inc." gənclərin sahibkarlıq proqramı və tərəfdaşları gənc sahibkarları beynəlxalq səviyyəli "Youth Inc. Business Academy" akselerasiya proqramında iştirak etməyə dəvət edir.
"Youth Inc. Business Academy" akselerasiya proqramının iştirakçıları xarici və yerli mentorlar tərəfindən hazırlanan 6 həftəlik intensiv təlim-tədris kursunda iştirak etmək imkanı qazanacaq.
Təlimlər zamanı yüksək fəallıq göstərən və reallaşması mümkün biznes-ideyası olan iştirakçılar biznes-model kətanından istifadə edərək biznes-ideyanı sınaqdan keçirmək, həmçinin potensial müştəriləri necə aşkar etmək və onlarla əlaqə yaratmaq üçün mövcud üsul və vasitələr haqqında məlumatlandırılacaq, istər ölkədaxili, istərsə də ölkənin xaricindən olan potensial biznes tərəfdaşlarını (həmtəsisçiləri, investorları, mentorları və biznes-məsləhətçilərini) necə aşkar etməyi, onlarla görüşüb birgə iş birliyi qurmaq imkanı əldə edəcəklər.
İştirakçılar, həmçinin biznesin təşkili, əqli mülkiyyət hüquqları, şirkətlərdə sahiblik və şəriklik formaları, biznesə maliyyənin cəlb olunması üsulları və yeni texnologiyalardan şirkət işində istifadə yolları barədə müvafiq bilik və bacarığa yiyələnmək şansı qazanacaqlar.
Proqram iştirakçıları öz bizneslərini ABŞ və Azərbaycandan olan investorlara təqdim edərək 50 min AZN məbləğinə qədər investisiya cəlb etmək imkanı da əldə edəcəklər. Proqramın iştirakçısı olmaq üçün 18-35 yaş arası gənc sahibkarlar müraciət edə bilər. Son qeydiyyat tarixi 1 may 2016-cı il.
"Youth Inc. Business Academy" akselerasiya proqramı "Youth Inc." gənclərin sahibkarlıq proqramı çərçivəsində "Coca-Cola" şirkəti, Gənclər və İdman Nazirliyi, DVC ("Vətəndaş Cəmiyyətində Debat" İctimai Birliyi), Rabitə və Yüksək Texnologiyalar Nazirliyinin "Yüksək Texnologiyalar Parkı" və "Nobel Oil" enerji şirkətinin dəstəyi ilə həyata keçirilir. Ətraflı məlumatı academy.youthinc.az saytından əldə etmək mümkündür.
Xatırladaq ki, "Coca-Cola", Gənclər və İdman Nazirliyi və DVC tərəfindən 2013-cü ildən həyata keçirilən "Youth Inc." proqramı gənc sahibkarlığın inkişafı istiqamətində geniş imkanlar təklif edir.
"Coca-Cola"nın "Youth Inc." proqramı çərçivəsindəki fəaliyyəti Azərbaycanda gənc insanların təhsil və bizneslərinin inkişafının dəstəklənməsinə yönəldilib. "Coca-Cola" hesab edir ki, cəmiyyətin iqtisadi rifahının yüksəldilməsi və ölkənin dayanıqlı inkişafına yardım baxımından gənclərə yatırılan investisiyalar vacibdir.
Təqdirəlayiqdir ki, "Youth Inc." çərçivəsində 8 yeni şirkətin qurulmasına dəstək göstərilib, 5 minə yaxın gənc proqramın təklif etdiyi təlim və tədbirlərin iştirakçısı olub. Proqramın məqsədi Azərbaycanda biznes-inkubasiya üsullarının istifadəsi ilə gənclərin sahibkarlıq fəaliyyətinə dəstək olmaq, ölkədə kiçik və orta biznesin inkişafına töhfə verməkdir.
Şəxsi biznes-ideyasını həyata keçirmək istəyən gənclər üçün proqramın əsas mərkəzinə çevriləcək "Youth Inc." Biznes İnkubasiya Mərkəzi artıq fəaliyyətdədir və Mərkəz gənc sahibkarlara geniş spektrli xidmətlər göstərməyə hazırdır. "Youth Inc." proqramı haqqında daha ətraflı məlumatı www.youthinc.az saytından əldə edə bilərsiniz.
İ.AĞAYEV




 
Bölməyə aid digər xəbərlər
15.01.2019
Ötən il sosial sığorta daxilolmalarında 11,8% artım qeydə alınıb
15.01.2019
Bu ildən pensiya təyinatı avtomatlaşdırılmış rejimdə həyata keçirilir
15.01.2019
Nazirlik aydınlıq gətirdi – pensiyalar yaxın bir neçə gündə ödəniləcək
14.01.2019
“Azərbaycanda turizm sənayesi yaradılmalıdır”
14.01.2019
“İşsizin DOSTu” proqramı üzrə ictimai işlərə cəlb olunan şəxslərlə əmək müqaviləsi bağlanacaq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10561

1 “Azərbaycan güclü ölkə kimi dünya miqyasında özünü təsdiqləyib”
2 Xocalı tarixi və mədəniyyəti
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycan Dövlət Pedaqoji Universitetində doktoranturaya və dissertanturaya qəbul başlanıb
5 Azərbaycanın qonşu ölkələrlə əlaqələri yüksək səviyyədədir


16.01 08:19 “Gənclərin sosial dünyası” layihəsinin təlimlərinə start verilib Azərbaycan Respublikasının Gənclər Fondunun (AZGF) maliyyə, “Mingəçevir Gənclər Evi” Sosial Xidmət Müəssisəsinin təşkilati dəstəyi və Turqut Əlibəylinin rəhbərliyi ilə “Gənclərin sosial dünyası” layihəsinin ilk təlimi keçirilib. AZƏRTAC Gənclər Fondunun saytına istinadla xəbər verir ki, layihənin əsas məqsədi gənclərdə internet mediaya marağın artırılması və onlara sosial şəbəkələrdən düzgün istifadə qaydalarının aşılanmasıdır. Bu münasibətlə keçirilən tədbirdə çıxış edən layihə rəhbəri T.Əlibəyli bildirib ki, asudə vaxtlarının böyük hissəsini sosial şəbəkələrdə keçirən gənclər faydalı səhifələrdən istifadə etməklə daha geniş dünyagörüşünə sahib olmaları üçün çalışacaqlar. Təlimin ilk günündə şəhərin müxtəlif təhsil müəssisələrində təhsil alan gənclər iştirak ediblər. Təlimçi Rəşad Qurbanov gənclərə sosial şəbəkələrlə bağlı məlumat verib və onların suallarını cavablandırıb. Həmçinin sosial şəbəkələrin faydalı tərəfləri, xüsusən “Facebook”dan istifadə qaydaları haqqında iştirakçılara praktiki məlumatlar verib. Layihə çərçivəsində 3 təlim nəzərdə tutulub.
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info