Tələbələrə tullantı poliqonlarının işi öyrədilir
Tarix: 27.04.2016 | Saat: 19:27:00 | E-mail | Çapa göndər


Azərbaycan Memarlıq və İnşaat Universitetində tullantı idarəçiliyi ilə bağlı üçüncü mühazirə keçirilib. “Təmiz Şəhər” ASC-nin nümayəndəsi bərk məişət tullantıları poliqonlarında işin təşkilinə dair təqdimatla çıxış edib. ASC-nin mətbuat xidmətindən bildirilib ki, tələbələrə Balaxanı Şəhər Tullantılarının Zərərsizləşdirilməsi Poliqonunun nümunəsində dünyadakı bu tip poliqonların iş prinsipləri barədə məlumat verilib. Gənclər şəhərdən toplanmış və təkrar emala yararsız olan məişət tullantılarının poliqonlarda basdırılaraq zərərsizləşdirildiyini öyrəniblər. Həmçinin Balaxanı poliqonunda son illərdə aparılan yenidənqurma işləri haqqında danışan ASC əməkdaşı buranın artıq Avropa standartlarına tam uyğunlaşdırılmış bir sanitar poliqon kimi fəaliyyət göstərdiyini diqqətə çatdırıb. Bildirilib ki, Bakıdan yığılmış tullantılar basdırılaraq zərərsizləşdirilməsi üçün burada qazılmış, izolyasiya edilmiş 2 böyük hücrəyə qəbul edilir. Hücrələrdəki tullantı suyunun drenaj vasitəsilə toplanılaraq təmizləndikdən sonra suvarma və texniki su kimi istifadə edilməsi nəzərdə tutulub. Hücrələr dolduqda onların üzəri xüsusi örtüklərlə bağlanacaq və üstünə münbit torpaq qatı səpiləcək. Bununla da, poliqon həm yaşıllığı ilə ərazinin ekologiyasına müsbət təsir göstərəcək, həm də ərazidə gözəl mənzərə yaradacaq. Bu hücrələrin sayının 19-a çatdırılması planlaşdırılır. Tullantıların zərərsizləşdirilməsi prosesində isə bioqazın tutulması atmosferə atılan istilik effekti yaradan qazların azalmasına səbəb olacaq. Həmçinin bioqaz ərazidə quraşdırılacaq stansiyada emal edildikdən sonra ondan alternativ enerji kimi elektrik və ya istilik enerjisi istehsal olunacaq.
Mühazirə uyğun ixtisaslarda təhsil alan tələbələr üçün çox faydalı olub. Onlar gələcəkdə çalışacaqları sahə ilə bağlı geniş məlumat əldə etdiklərini bildiriblər.
Tural




 
Bölməyə aid digər xəbərlər
20.04.2019
Türkiyə Xəzər hövzəsindən enerji ehtiyatlarının dünya bazarlarına tədarükündə maraqlıdır
20.04.2019
Əlilliyə görə pensiyaların da elektron qaydada təyinatına başlanıb
20.04.2019
Azərbaycan tekstili MDB-də yeni bazarlara çıxa bilər
20.04.2019
Azərbaycan neftinin qiyməti bahalaşıb
19.04.2019
İstanbulda Türkiyə-Azərbaycan-Türkmənistan enerji əməkdaşlığı müzakirə edilib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info