Avropa Jurnalistlər Federasiyasının illik toplantısı keçirilib  
Tarix: 27.04.2016 | Saat: 20:57:00 | E-mail | Çapa göndər


Bosniya və Herseqovinada-Sarayevo şəhərində Avropa Jurnalistlər Federasiyasının (AFJ) illik toplantısı keçirilib. 25-26 aprel tarixlərində keçirilən və  43 ölkədən  EFJ-yə üzv təşkilatların  qatıldıqları toplantıda  Azərbaycandan  AFJ-nin yerli üzv təşkilatı olan Jurnalistlərin Hənkarlar İttifaqı iştirak edib. JuHİ sədri Müşfiq Ələsgərli bildirib ki, toplantıda öncə AFJ-nin təşkilati məsələləri həll edilib, növbəti 3 il üçün qurumun prezidenti, vitse prezidenti və idarə heyətinin üzləri seçiliblər. AFJ prezidenti postunu yenidən Moqan Bliçer tutub.
 Daha sonra  Avropa qitəsində medianın durumu müzakirəyə çıxarılıb. Müzakirələrin gedişinə ATƏT-in media ofisinin rəhbəri  Dünya Miyatoviç olmaqla, beynəlxalq dövlətlərarası təşkilatların aidiyyatlı ofislərinin təmsilçiləri də qatılıblar: “Çıxışlarda qeyd edildi ki,  Avropa qitəsində media sahəsində önə çıxan problemlər və yeni çağırışlar sonradan örnək olaraq çox sürətlə digər ərazilərə də yayılır və qloballaşır. Bu baxımdan qitə ərazisində meydana çıxan problemlər operativ şəkildə  həll edilməlidir ki, sonradan kütləviləşməsin”. Qitənin media sahəsində problemləri isə kifayət qədər çoxdur. Xüsusi olaraq Balkan ölkələrində medianın dərinləşməkdə olan maliyyə sıxıntıları, jurnalistlərin sosial durumlarının pisləşməsi, həmçinin, burada media və əmək qanunvericiliyinə  edilən neqativ dəyişikliklər narahatçılıq doğurub.Müzakirələrin sonucunda  Yunanıstanda əmək durumlarının pisləşməsinə etiraz edən media təmsilçiləri ilə həmrəylik nümayiş etdirən bəyanat qəbul edilib. Bəyanatda, həmçinin, ümumilikdə Balkan ölkələrində media və əmək qanunvericiliyinə edilən neqativ dəyişikliklərin aradan qaldırılmasına çağırış ifadə edilib.  
 Polşada ictimai yayım haqqında qanuna antidemokratik maddələrin əlavə edilməsi də ciddi müzakirə mövzusu olub. Toplantı adından qəbul edilən bəyanatda qeyd edilib ki, Polşa qanunvericiləri ictimai yayım haqqında qanuna yenidən baxmalı, ictimai yayım sektoruna hökumətin müdaxiləsinə şərait yaradan maddələr qanundan çıxarılmalıdır.
 Türkiyədə jurnalistlərin həbsi prosesi də qınaq obyektinə çevrilib. Toplantı adından prosesə etiraz edən bəyanat qəbul edilib.
Rusiyada jurnalistlərin və ümumilikdə medianın çərçivəyə salınması, həmçinin, Rusiya silahlı qüvvələri tərəfindən nəzarətə götürülən Ukrayna torpaqlarında jurnalistlərin fəaliyyətinə imkan verilməməsi müzakirə edilib. Toplantı adından bu durumu pisləyən bəyanat qəbul edilib.
Onlayn medianın inkişaf etməsi ilə ənənəvi medianın geriləməsi, bununla da peşəkar jurnalistikanın yerində “həvəskar jurnalistikanın” oturuşması, etik jurnalistika prinsiplərinin sıxışdırılması  mövzusuna xüsusi yer ayrılıb. Peşəkar jurnalistika prinsiplərinin qorunub inkişaf etdirilməsi üçün təkliflər müzakirə edilib. 
Toplantının gedişində ciddi müzakirə edilən mövzulardan biri də  jurnalist təhlükəsizliyi olub. Həbslər, təqiblər, ölüm halları ilə yanaşı, münaqişə bölgələrində jurnalist fəaliyyətinin çətinləşməsi xüsusi qeyd edilib. AFJ-nin təşəbbüsü ilə Rusiya ilə Ukrayna, həmçinin, İsraillə  Fələstinin jurnalist təşkilatları arasında dioloq keçirilib, ikitərəfli əməkdaşlıq razılaşmaları imzalanıb. Tərəflər, təmsil etdikləri ölkələr arasında siyasi münasibətlərdən asılı olmayaraq, öz ərazilərində jurnalistlərin fəaliyyətinə şərait yaradılması yönündə əməkdaşlıq etmək öhdəliyini qəbul ediblər.
JuHİ sədri toplantıda Azərbaycanda medianın durumu,  jurnalistlərin təhlükəsizlik məsələləri  barədə məruzə edib. Azərbaycan-Ermənistan qoşunlarının təmas xəttində döyüş əməliyyatlarının yenidən bərpa edilməsinə diqqət çəkən Müşfiq Ələsgərli, 90-cı illərdən başlayaraq, münaqişə bölgəsində Azərbaycanın ondan artıq jurnalistinin həyatını itirdiyini qeyd edib. O, son günlərdə münaqişə bölgəsində jurnalistlər üçün təhlükəsizlik probleminin yenidən qabardığını önə çəkərək, ATV əməkdaşının yaralanmasını misal göstərib. Toplantı iştirakçıları məlumatdan  narahatlıqlarını ifadə edərək, münaqişə bölgələrində fəaliyyət göstərən və tanınma nişanı ilə fərqlənən jurnalistlərə atəş açılmasını pisləyiblər. Müzakirələrin yekunu olaraq, Ermənistan və Azərbaycan hökumətlərinə münaqişə bölgəsində fəaliyyət göstərən jurnalistlərlə, beynəlxalq konvensiyalarla təsbit edilmiş normalar çərçivəsində  davranmaq çağırışını əks etdirən bəyanat qəbul edilib. Sənəd AFJ qurultayının yekun sənədləri yayılarkən elan ediləcək.

Qorqud




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info