Çəmənli sakinləri ermənilərin təxribatından danışdılar
Tarix: 29.04.2016 | Saat: 19:52:00 | E-mail | Çapa göndər


Cəbhəboyu zonada səfərdə olan yerli və xarici jurnalistlər aprelin 29-da Bərdə Diaqnostika Mərkəzində müalicə olunan yaralılarla görüşdükdən sonra Ağdam rayonuna gəliblər.AZƏRTAC xəbər verir ki, jurnalistlər Ermənistan silahlı qüvvələrinin Çəmənli kəndini atəşə tutmaları nəticəsində şəhid olan sakinlər Əli Hüseynovun və Famil Mustafayevin ailə üzvləri və qohumları ilə görüşüblər.Hər iki şəhidin yaxın qohumu Əhməd Əhmədov media təmsilçilərinə müsahibəsində deyib:“Erməni hərbi birləşmələri gecə saat 12 radələrində kəndimizi şiddətli artilleriya atəşinə tutmağa başladı. Həm Əli Hüseynov, həm də Famil Mustafayev kəndə düşən mərmilər nəticəsində ağır yaralanaraq həlak olublar. Onların heç biri kəndi tərk etməmişdi. Biz Ermənistan ordusunun mülki əhalini ağır artilleriyadan atəşə tutacağını gözləmirdik. Bizim artıq səbrimiz tükənib. Daha nə qədər belə yaşamaq olar? Belə də atəşkəs olar? Biz torpaqlarımızı işğaldan azad etmək üçün Ali Baş Komandanın əmrini gözləyirik”.Media təmsilçiləri Ağdam Mərkəzi Rayon Xəstəxanasında müalicə olunan yaralılarla da görüşüblər. Jurnalistlərə məlumat verilib ki, xəstəxanada hazırda üç sakin müalicə olunur. Xəsarət alan digər sakinlər isə ambulator nəzarət altındadır.Yaralı Şəbnəm Qaraşova kəndin qəfildən atəşə məruz qaldığını bildirərək deyib: “Şiddətli artilleriya atəşi qəfil başladığı üçün təhlükəsiz əraziyə getməyə imkan tapa bilmədik. Avtomobilə minib uzaqlaşmağa çalışdıq. Lakin həmin vaxt minmək istədiyimiz avtomobili vurdular və mən bir neçə metr məsafədəki arxa düşdüm. Mərminin partlaması nəticəsində ayağımdan yaralandım”.Çəmənli kəndinin digər sakini, yaralı Arif Məmmədov əvvəllər belə şiddətli artilleriya atəşinə məruz qalmadıqlarını bildirib. O da mərminin partlaması nəticəsində ayağından qəlpə yarası aldığını qeyd edib.




 
Bölməyə aid digər xəbərlər
18.01.2019
İsveçrədə 20 Yanvar faciəsinə həsr olunmuş poçt markası buraxılıb
18.01.2019
Umayra Tağıyeva: Küləyin sürəti saniyədə 18-20 metrdən artıq deyil
18.01.2019
Hüquqazidd əməllərə yol verən üç vergi müfəttişi barədə həbs qətimkan tədbiri seçilib
18.01.2019
AzTU-da 20 Yanvar faciəsi qurbanlarının xatirəsi yad edilib
18.01.2019
ASCO-nun gəmiləri Xəzər dənizində növbətçiliklərini davam etdirirlər

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info