“İlk məqsəd Azərbaycana qalib gəlməkdir”
Tarix: 03.05.2016 | Saat: 01:10:00 | E-mail | Çapa göndər


“Portuqaliya yığması hər dəfə Avropa çempionatına birinci olmaq üçün qatılıb. Bu dəfə də elə olacaq”.
Bu sözləri Portuqaliyanın 17 yaşadək futbolçulardan ibarət yığmasının baş məşqçisi Elio Souza deyib. Mayın 5-dən 21-dək Azərbaycanda keçiriləcək Avropa çempionatında Pireney təmsilçisi yığmamızla eyni qrupda mübarizə aparacaq. Bakıya bu gün gələcək portuqalların çalışdırıcısı səfərdən əvvəl ölkəsinin mətbuatına müsahibə verib. Güclü heyətlərinin olduğunu deyən Souza Bakıdakı yarışın yetirmələrinə yaxşı imkan yaradacağını bildirib: “Bizim öz oyun tərzimiz var və çalışırıq ki, onu daha da inkişaf etdirək. Portuqaliyalı futbolçular istənilən oyun tərzinə asanlıqla uyğunlaşırlar. Azərbaycan səfərindən öncə hazırlığımızla bağlı özümüzə hesabat veririk. Bu, bizə yarışöncəsi yaxşı təcrübə qazandıracaq. Potensiallı oyunçularımız var. Avropa çempionatı bütün dünyada yayımlanacaq. Odur ki, komandamızın üzvləri Azərbaycanda özlərini yaxşı tərəfdən göstərməklə, böyük futbolda ilk addımlarını ata bilərlər”. Təcrübəli mütəxəssis indiki məqamda Azərbaycanla oyun barədə düşündüklərini deyib. Onun sözlərinə görə, Portuqaliya yığmasının AÇ-də minimum məqsədi finala yüksəlmək olacaq: “Biz Avropanın ən güclüləri sırasında yer alırıq. Odur ki, qrupdakı hər oyunda üstün cəhətlərimizi nümayiş etdirməliyik. İstəyirik ki, hər dəfə əvvəlki matçla müqayisədə daha keyfiyyətli futbol sərgiləyək. Düzdür, bu, böyük fiziki hazırlıq tələb edir. Ancaq biz fiziki cəhətdən də hazır olduğumuzu isbatlamışıq. Hər oyuna qələbə üçün çıxacağıq. Hərçənd ki, rəqiblərimizin bunu əngəlləməyə çalışacağını da bilirik. Lakin hər görüşü qalibiyyətlə başa vurmaq gücündə olduğumuza əminik. İlk növbədə qrupdan çıxmalıyıq ki, filmin ardını gətirək. İlk məqsəd Azərbaycana qalib gəlməkdi. Çünki turnirə necə başlamağın böyük önəm kəsb edir. Daha sonra isə Şotlandiyanı məğlub etmək barədə düşünəcəyik. Finala yüksəlmək üçün əlimizdən gələni edəcəyik”.




 
Bölməyə aid digər xəbərlər
13.12.2018
Türkiyənin səfiri: Heydər Əliyev kimi tarixi şəxsiyyətlər nadir hallarda dünyaya gəlirlər
13.12.2018
Zurab Quberidze: “Gənc diplomatlar Heydər Əliyevdən çox şey öyrənirdilər”
12.12.2018
Yuli Qusman: Azərbaycan – çiçəkləri Heydər Əliyev tərəfindən əkilən gülüstana çevrilib
11.12.2018
Politoloq: Ermənistanda növbəti marionet hakimiyyət formalaşdı
08.12.2018
AZƏRTAC mötəbər informasiya mənbəyidir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10527

1 “Macarıstandakı Azərbaycan icmasının böyük əksəriyyətini gənclər təşkil edir”
2 Bill Klinton Heydər Əliyevlə görüntülərini paylaşdı
3 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
4 Əli Həsənov: “Nə qədər Azərbaycan var, Heydər Əliyevin ideyaları yaşayacaqdır...”
5 OPEK-ə üzv ölkələr neft hasilatını azaltmaq barədə razılığa gəliblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info