Heydər Əliyevin kənd təsərrüfatının inkişafındakı xidmətlərindən bəhs edən konfrans
Tarix: 03.05.2016 | Saat: 21:11:00 | E-mail | Çapa göndər


Naxçıvan Dövlət Universitetinin Təbiətşünaslıq və kənd təsərrüfartı fakültəsində “Heydər Əliyev və Azərbaycanda kənd təsərrüfatının inkişafı” mövzusunda elmi konfrans keçirilib. Universitetin rektoru, AMEA-nın müxbir üzvü Saleh Məhərrəmov konfransda giriş sözü ilə çıxış edərək dünyaşöhrətli siyasi xadim, böyük tarixi şəxsiyyət Heydər Əliyevin həyat və fəaliyyətinin, keçdiyi şərəfli mübarizə yolunun, təməlini qoyduğu azərbaycançılıq ideologiyasının böyük siyasi məktəb olduğunu vurğulayıb. Rektor qeyd edib ki, ümummilli liderin digər sahələrdə olduğu kimi, ölkədə kənd təsərrüfatının tərəqqisi, əkinəyararlı sahələrin, fermer təsərrüfatının formalaşması və inkişafı, məhsuldarlığın artmırılması, digər mühüm aqrar islahatların həyata keçirilməsi istiqmətində də mühüm xidmətləri var. Botanika kafedrasının müdiri, biologiya üzrə fəlsəfə doktoru, dosent Musa Piriyev “Müstəqillik illərində Naxçıvan Muxtar Respublikasının aqrar sahəsindəki islahatlarda görkəmli dövlət xadimi Heydər Əliyevin rolu” adlı məruzəsində dahi öndərin keçən sərin 90-cı illərinin əvvəllərində muxtar respublikanı yaranmış iqtisadi böhran və xaosdan çıxarmaq məqsədilə əhəmiyyətli iqtisadi islahatlar irəli sürməsindən bəhs edib. Qeyd olunub ki, 2000-ci ildə Naxçıvan Muxtar Respublikasının 201 kəndində torpaq islahatı başa çatmış, 74 min 538 ailənin xüsusi mülkiyyətinə 55 min 92 hektar torpaq sahəsi verilmişdir. Torpağın xüsusi mülkiyyətə verilməsi ilə aqrar sahədə əmlakın özəlləşdirilməsi də başa çatmış, islahat aparılmış təsərrüfatlarda əmlakın ümumi dəyəri 80 milyard 189 milyon manat olmuşdur. Məruzəşi əsası ümummilli lider tərəfindən qoyulan aqrar siyasətin bugünkü davamının real bəhrələrindən də danışmışdır. Zoologiya kafedrasının müdiri, biologiya üzrə fəlsəfə doktoru, dosent Həbib Hüseynov “Naxçıvan Muxtar Respublikasında ekoloji problemlərin həllində Heydər Əliyevin rolu” mövzusunda məruzə edərək Heydər Əliyevin Naxçıvan Muxtar Respublikası Ali Məclisinin Sədri işlədiyi dövrdə muxtar respublikada yaşıllıq ayı keçirilməsi ilə bağlı qərarın qəbul edilməsi ilə əlaqədar burada 100 hektardan artıq meşə zolaqları salınması, bu torpaqqoruyucu meşə zolaqlarının muxtar respublikanın yaşıllaşmasına öz müsbət təsirini göstərməsi barədə məlumat verib. 2003-cü ildə isə ümummilli liderin sərəncamı ilə Şahbuz Dövlət Təbiət Qoruğu və Ordubad Milli Parkının yaradılıb, muxtar respublikanın ekoloji tarazlığının, fauna və florasının qorunması və zənginləşdirilməsi ilə əlaqədar mühüm tədbirlər həyata keçirilib. Baytarlıq təbabəti kafedrasının müəllimi Feyzi İbadov “Azərbaycanın aqrar sahədə əldə etdiyi nailiyyətlər Heydər Əliyev siyasətinin nəticəsidir” adlı məruzəsində bildirib ki, ümummilli lider Heydər Əliyev 1980-ci illərin sonlarından etibarən ölkəmizdə yaranan iqtisadi tənəzzülün qarşısını aldı. Bu prosesdə yeni təsərrüfatçılıq mexanizmi işə salındı, kənd təsərrüfatının idarə edilməsi bazar münasibətlərinə keçid prinsiplərinin tələblərinə uyğunlaşdırıldı, köklü struktur dəyişiklikləri aparıldı, dövlət mülkiyyəti özəlləşdirildi, yeni mülkiyyət münasibətləri və çoxnövlü təsərrüfatçılıq formaları inkişaf etdirildi. 1995-ci ilin fevral ayında “Aqrar islahatının əsasları” və “Sovxoz və kolxozların islahatı haqqında” qanunlar qəbul edildikdən sonra aqrar islahatın həyata keçirilməsi üçün sərait yarandı, 1996-cı ildə qəbul olunmuş “Torpaq islahatı haqqında” Azərbaycan Respublikası Qanunu kənddə azad sahibkarlığın yaranmasının əsasını təşkil etdi. Konfransda ümummilli liderin ictimai-siyasi fəaliyyətindən bəhs edən film nümayiş olunub.

Mehriban Sultan
Naxçıvan Dövlət Universitetinin
Mətbuat şöbəsinin müdiri




 
Bölməyə aid digər xəbərlər
24.04.2019
Baş Dövlət Yol Polisi İdarəsi vəBakı Beynəlxalq Avtovağzal Kompleksi birgə maarifləndirici tədbir keçirib
23.04.2019
Sumqayıtda yeni yaşayış məskənləri telefonlaşdırılacaq
23.04.2019
Masallı rayonundakı N.Gəncəvi adına 1 nömrəli tam orta məktəbində maraqlı tədbir
23.04.2019
“Qala Sığorta” və “Qala Həyat” tələbələrin sosial layihəsinə dəstək olub
23.04.2019
Prezident Mərdəkan-Qala avtomobil yolunun açılışında iştirak edib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 Gülnar Səmanın kitabının təqdimatı keçiriləcək
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info