“Neft Fondu TANAP-da iştirakçı kimi çıxış edəcək”
Tarix: 02.03.2013 | Saat: 01:37:00 | E-mail | Çapa göndər


Azərbaycan Respublikası Dövlət Neft Fondu (ARDNF) TANAP layihəsində iştirakçı kimi çıxış edəcək. Bunu Azərbaycan Dövlət Neft Şirkətinin (ARDNŞ) prezidenti Rövnəq Abdullayev bildirib.
R.Abdullayev onu da qeyd edib ki, fond TANAP-da iştirakına görə layihənin gəlirlərindən divident də götürəcək və ARDNF-in bu layihədəki payı Azərbaycanın ümumi olan 51% payının tərkibində olacaq: “Artıq Dövlət Neft Fondunun ARDNŞ-in layihələrində pay almaq praktikası mövcuddur. Belə ki, bir qədər bundan əvvəl ARDNF Dövlət Neft Şirkətinin Türkiyədəki “Star” layihəsi çərçivəsində paya sahib olub”. Rövnəq Abdullayev bildirib ki, Azərbaycanda 2015-ci ildə birinci Avropa Olimpiya Oyunlarının keçirilməsi ilə bağlı inşa edilən stadionun tikintisi prosesinə ciddi dəyişikliklər edilib. Onun sözlərinə görə, əgər stadionun tikintisinə dair əvvəlki təkliflərdə tikinti işlərinin 46 aya başa çatdırılması nəzərdə tutulurdusa, Bakı şəhərinin Olimpiya Oyunlarına ev sahibliyi etməsi ilə əlaqədar vəziyyət dəyişib: “Olimpiya stadionu 2015-ci ilin fevral ayınadək təhvil verilməlidir. Bununla əlaqədar beynəlxalq praktikaya uyğun olaraq, stadionun tikintisinə yeni şirkətlər cəlb edilib və tikinti «open book» üsulu ilə aparılacaq. Yəni, hər bir şirkət gördüyü işlərə görə pulunu alacaq”. R.Abdullayev həmçinin bildirib ki, Bakıda inşa olunan stadionun tikintisinə başlayarkən London Olimpiya Stadionunun parametrləri əsas götürülüb. ARDNŞ başçısı qeyd edib ki, Bakıdakı Olimpiya stadionu texniki imkan və yaradılan şəraitə görə London Olimpiya stadionundan üstün olacaq. Belə ki, əgər Londondakı stadionda daimi oturacaq yerləri 25 min təşkil edir və stadionun üstünün yalnız 27%-i örtülürsə, Bakı Olimpiya stadionunda oturacaqların sayı 64 min olacaq, stadionun üstü isə 80% bağlana biləcək.




 
Bölməyə aid digər xəbərlər
19.06.2019
İlin 5 ayı ərzində qeyri-neft sektorunda ixrac 17,8 faiz artıb
19.06.2019
Nur-Sultanda Azərbaycan ticarət evi açılacaq
19.06.2019
Prezidentdən yeni qanunvericilik təşəbbüsü: Pensiyanın minimum məbləği 200 manata çatdırılır
19.06.2019
Azərbaycanda minimum əməkhaqqı MDB ölkələri arasında alıcılıq qabiliyyətinə görə ikincidir
19.06.2019
Vüsal Qasımlı: Yeni sosial paket 2 milyondan çox insanı əhatə edəcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10810

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Bakı Atatürk Liseyində məzun günü münasibəti ilə tədbir keçirilib
5 Ermənilərin təyyarəmizi vurmaq cəhdi uğursuzluqla nəticələnib - VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info