“Ermənistan belə bir hadisəni təkrarlayarsa, finalda çıxışdan məhrum olunacaq”
Tarix: 13.05.2016 | Saat: 00:25:00 | E-mail | Çapa göndər


“Avropa Yayım Birliyi “Eurovision-2016” mahnı müsabiqəsinin finalında bu hadisənin bir də təkrarlanmaması üçün Ermənistan televiziyasını xəbərdarlıq edən bəyanat yayıb.
Qurumun Nəzarət Qrupu Ermənistan nümayəndəliyi tərəfindən qaydaların bundan sonra pozulmasına yol verməyəcək. Əgər belə bir hadisə təkrarlanarsa, onlar finalda çıxışdan məhrum olunacaqlar”. Bu sözləri “Eurovision-2016” mahnı müsabiqəsinin təşkilati məsələlər üzrə rəhbəri Sietse Bekker AZƏRTAC-ın müxbirinə Ermənistan təmsilçisinin birinci yarımfinalda qondarma respublikanın bayrağının nümayiş olunması məsələsini şərh edərkən deyib. Tanınmamış bir qurumun bayrağının nümayiş etdirilməsinin düzgün olmaması ilə razılaşdığını bildirən Sietse Bekker Avropa Yayım Birliyinin Nəzarət Qrupunun məsələni diqqətdə saxladığını vurğulayıb: “Bu, “Eurovision” mahnı müsabiqəsinin qaydalarının ciddi şəkildə pozulması deməkdir. Nəzarət Qrupu Ermənistan İctimai Televiziyasına sanksiya tətbiq etməyi qərara alıb. Qərarın nəticəsi bu ilin iyununda keçiriləcək növbəti görüşdə açıqlanacaq. Bu, bir daha AYB-in iştirakçı ölkələr tərəfindən qaydalara ciddi əməl olunmasını tələb etdiyini göstərir. Hər hansı bir ölkə belə hadisəni təkrarlayarsa, bunun ciddi nəticəsi ilə üzləşəcək”. Ermənistan-Azərbaycan arasında, xüsusilə də Dağlıq Qarabağda vəziyyətin nə dərəcədə ciddi olduğunu anladığını söyləyən Sietse Bekker bu gərginliyin uzun illərdir davam etdiyini və insanların bu məsələ ətrafında olan həyəcanlarını da başa düşdüyünü diqqətə çatdırıb: “Ona görə də Avropa Yayım Birliyi və Nəzarət Qrupu “Dağlıq Qarabağ”ın bayrağının nümayiş olunması hadisəsini siyasi bəyanat olaraq qəbul edir. Əlbəttə ki, bu xoşagəlməz haldır. “Eurovision” mahnı müsabiqəsi siyasi meydan deyil və bu belə də qalacaq. Bu səbəbdən də Nəzarət Qrupu tərəfindən Ermənistan televiziyasına qarşı ciddi reaksiya veriləcək və ciddi sanksiya tətbiq olunacaq. Biz hər zaman dəyərlərimizi ciddi şəkildə müdafiə etməyə çalışırıq. Bizim artıq Ermənistan nümayəndəliyi ilə söhbətimiz oldu. Onlara artıq Nəzarət Qrupunun Ermənistana sanksiyanın tətbiq olunacağı barədə qərarın nüsxəsi göndərilib. Biz bu hadisənin finalda da təkrarlanmayacağına əmin olmağa çalışırıq. Final mərasimində gözləmə otağına gətirilən bayraqlar xüsusi olaraq nəzarətdən keçiriləcək. Lakin belə haldan sui-istifadə olunarsa, bu bir daha siyasi mesaj olaraq qəbul olunacaq”.




 
Bölməyə aid digər xəbərlər
21.02.2019
“Yeni fərman ciddi bir sosial məsələnin həlli istiqamətində atılan addımdır”
20.02.2019
“Feyk xəbərlər sunamisi Yer kürəsini bürüyüb”
20.02.2019
“Avropa İttifaqı Azərbaycana dəstək verməyə hazırdır”
20.02.2019
Azərbaycan Litvanın vacib tərəfdaşı olub və olacaq
19.02.2019
ABŞ-na avtomobil rüsumu ilə bağlı xəbərdarlıq

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Londonda Karl Marksın məzarına növbəti dəfə vandal hücumu olub
5 Əsərləri dünyanın bütün elektron kitabxanalarında yer alan azərbaycanlı yazar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info