Avstriyanın yeni baş naziri Kristian Kern ola bilər
Tarix: 13.05.2016 | Saat: 00:30:00 | E-mail | Çapa göndər


Avstriyanın Federal Kansleri və koalisiyalı hökumətdə təmsil olunan Avstriya Sosial-Demokratlar Partiyasının (SPÖ) sədri Verner Faymannın gözlənilməz istefasından sonra sosial-demokratlar qısa zamanda baş nazir postuna namizədlər arasında seçim ediblər.
Ölkənin 9 federal əyalətindən yeddisində Sosial-Demokratlar Partiyasının yerli partiya komitələri Avstriya Federal Dəmir Yolları Konserninin rəhbəri Kristian Kernin həm partiya rəhbərliyinə, həm də baş nazir postuna namizədliyini dəstəklədiyini elan ediblər. Müvəqqəti olaraq Sosial-Demokratlar Partiyasının sədr səlahiyyətlərini icra edən Vyana şəhərinin meri (eyni zamanda, Vyana əyalətinin qubernatoru) Mixael Hoypl Avstriya Teleradiosunun keçmiş rəhbəri Qerhard Tsaylerin namizədliyini dəstəkləsə də, Q.Tsayler mayın 12-də baş nazir vəzifəsi üçün partiyadaxili seçimlərdə iştirak etməyəcəyini bəyan edib. Bunun ardınca isə Vyana və Burqenland əyalətləri üzrə partiya funksionerləri vahid namizəd üzərində dayanılması barədə qərar qəbul ediblər. Kristian Kernin baş nazir vəzifəsinə namizədliyi barədə mayın 13-də SPÖ partiyasının bütün əyalət komitələrinin iştirakı ilə Vyanada keçiriləcək toplantısında formal olaraq qərar qəbul ediləcək, sonra isə koalisiya tərəfdaşı Avstriya Xalq Partiyası (ÖVP) və ölkə Prezidenti Haynts Fişerə təqdimat veriləcək. Yeni baş nazirin inauqurasiya mərasiminin mayın 16-da baş tutacağı gözlənilir. Siyasi şərhçilərin rəyinə görə, Avropaya qaçqın axını çərçivəsində Avstriya Federal Dəmir Yollarının qaçqınların daşınmasında göstərdiyi mütəşəkkil və gərgin fəaliyyət, son illərdə bu konsernin K.Kernin rəhbərliyi altında uğurlu inkişafı və ümumiyyətlə, onun idarəçilik bacarığı baş nazir postuna namizəd seçimində həlledici rol oynayıb.




 
Bölməyə aid digər xəbərlər
13.11.2018
Hillari Klinton 2020-ci ildə ABŞ prezidentliyinə namizədliyini irəli sürə bilər
12.11.2018
Misirdə sosial şəbəkələrdə yanlış informasiya yayanlar cəzalanacaq
11.11.2018
Türkiyə HHQ İraqın şimalında 14 terrorçunu məhv edib
11.11.2018
İranın xarici işlər nazirinin maraqlı “tviti”
10.11.2018
Angela Merkel antisemitizmin artmasına görə narahatdır

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info