25 nəfər əlilliyi olan şəxs Türkiyəyə müalicəyə göndərilib
Tarix: 16.05.2016 | Saat: 19:07:00 | E-mail | Çapa göndər


Prezident İlham Əliyevin əlilliyi olan şəxslərə xüsusi diqqət və qayğısı həmin insanların tibbi-sosial reabilitasiyası, habelə xarici ölkələrdə ixtisaslaşmış bərpa-müalicəsinin təşkili sahəsində mühüm tədbirlərin həyata keçirilməsinə şərait yaradıb. Cari il üçün də bu istiqamətdə işlərə başlanılıb və mayın 15-də Əmək və Əhalinin Sosial Müdafiəsi Nazirliyi tərəfindən 25 nəfər əlilliyi olan şəxs Heydər Əliyev adına Beynəlxalq Hava Limanından Türkiyə Respublikasına ixtisaslaşmış bərpa müalicəsinə yola salınıb.
Əlilliyi olan şəxslərin yola salınması zamanı əmək və əhalinin sosial müdafiəsi nazirinin müavini Natiq Məmmədov göndərilən insanların Türkiyənin Dənizli bölgəsindəki Nobel Tibb Mərkəzində bərpa-müalicə kursu keçəcəklərini bildirib. O qeyd edib ki, həmin mərkəz bu gün təkcə bölgədə deyil, dünya miqyasında nüfuz qazanmış müalicə və reabilitasiya müəsissələrindən biridir. Mərkəzdə Türkiyənin Dənizli bölgəsinin zəngin təbii müalicəvi resurslarından istifadə olunmaqla peşəkar həkim-reabilitoloqlar tərəfindən hidroterapiya, palçıq müalicəsi, tibbi masaj, sudaxili məşqlər, mexanoterapiya, hidroprosessor və s. növlərdə səmərəli bərpa-müalicə prosedurları həyata keçirilir.
N.Məmmədov əlilliyi olan şəxslərin və sağlamlıq imkanları məhdud uşaqların xaricdə ixtisaslaşmış bərpa-müalicəsinin təşkili işlərinin ildən-ilə gücləndiyini də diqqətə çatdırıb: “Bunun təsdiqi kimi, ötən il Əmək və Əhalinin Sosial Müdafiəsi Nazirliyi tərəfindən 265 nəfərin (135 nəfər əlilliyi olan şəxsin və valideynlərindən birinin müşaiyəti ilə 130 nəfər sağlamlıq imkanları məhdud uşağın) xaricdə, yəni Türkiyədəki Nobel Tibb Mərkəzində ixtisaslaşmış bərpa müalicəsi təşkil olunub ki, bu da əvvəlki ildə xaricə ixtisaslaşmış bərpa-müalicəsinə göndərilənlərdən 64,6 faiz çoxdur”. Nazir müavini qardaş ölkəyə bərpa-müalicəsinə yola salınan əlilliyi olan şəxslərin orada 5 ulduz oteldə yerləşdiriləcəklərini, onların mərkəzdə yerləşdirilməsi və bərpa müalicəsi işlərinə nəzarət olunması, reabilitasiya təcrübəsinin öyrənilməsi məqsədilə nazirliyin bir nəfər əməkdaşının da Türkiyəyə ezam edildiyini bildirib.
Əmək və Əhalinin Sosial Müdafiəsi Nazirliyinin Əlillərin sosial müdafiəsi siyasəti şöbəsinin müdiri Saday Abdullayev nazirlik tərəfindən əlilliyi olan şəxslərin ölkə daxilində bərpa-müalicəsi yönündə də işlərin davam etdirildiyini diqqətə çatdırıb. S.Abdullayev qeyd edib ki, təkcə bu ilin ilk rübündə nazirliyin əlillərin bərpa mərkəzlərində 1700 nəfər əlilliyi olan şəxs bərpa-müalicə xidməti ilə təmin edilib. Nazirliyin Protez-Ortopedik Bərpa Mərkəzi, onun Gəncə şəhərindəki filialı və Naxçıvan istehsalat sahəsi tərəfindən isə 3120 nəfər əlilliyi olan şəxsə protez-ortopedik bərpa xidmətləri göstərilib, onlara 7297 ədəd protez-ortopedik məmulat və reabilitasiya vasitəsi, o cümlədən 553 ədəd əlil arabası verilib. Həmin dövrdə sosial cəhətdən həssas qruplara aid 598 nəfər nazirlik tərəfindən sanator-kurort putyovkası (yollayışı) ilə təmin olunub, 15 nəfər əlilliyi olan şəxsin ölkə daxilində və xaricdə müalicəsinə maddi köməklik göstərilib.
Yola salınan əlilliyi olan şəxslər onların tibbi-sosial reabilitasiyası, habelə xaricdə bərpa-müalicəsinin təşkili işlərinə göstərilən yüksək diqqət və qayğıya görə Prezident İlham Əliyevə dərin minnətdarlıqlarını ifadə ediblər.



Qorqud




 
Bölməyə aid digər xəbərlər
21.11.2018
Sağlamlıq imkanları məhdud gənc yazar Azərbaycan Gənclərinin VIII Forumunda çıxış edib
21.11.2018
“ASAN Məktub” layihəsinin üç yaşı qeyd olunub
21.11.2018
Oğuzun Muxas kəndinə təbii qaz verilib
21.11.2018
PAŞA Bank sərfəli şərtlərlə ipoteka krediti təklif edir
21.11.2018
Azərbaycanda qızları olan ailələrlə bağlı yeni təkliflər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info