“Metsamor Çernobıldan daha böyük faciəyə səbəb ola bilər”
Tarix: 17.05.2016 | Saat: 01:02:00 | E-mail | Çapa göndər


Berat Albayrak: “Metsamor AES dünya üçün
ciddi təhdiddir”


Türkiyənin “güncelakdeniz.com” saytı Ermənistanın Metsamor AES-i ilə bağlı yazı dərc edib. Yazıda bildirilir: “Ermənistanda yerləşən Metsamor Atom Elektrik Stansiyası bir sıra ölkələr üçün təhlükə mənbəyidir. Bunu həmin ölkələrin mətbuat orqanlarında dərc olunan məlumatlarda da görmək mümkündür. TEnerji naziri Berat Albayrakın gündəmə gətirdiyi Ermənistandakı Metsamor hələ də fəaliyyətdədir. Bütün xəbərdarlıqlara baxmayaraq, Ermənistan, “elektriksiz qalarıq” bəhanəsi ilə stansiyanın 2026-cı ilə qədər fəaliyyətinin davam edəcəyini açıqlayıb.
AFAD və TAEK, baş verə biləcək qəza ehtimalına qarşı bu payızda manevr planlaşdırır. Türkiyənin enerji və təbii ehtiyatlar naziri Berat Albayrak, ötən həftə Sənaye, Ticarət, Enerji, Təbii Sərvətlər, Məlumat və Texnologiya Komissiyasında çıxışı zamanı nüvə əleyhdarlarının nümayiş etdirdikləri ortaya qoyduğu münasibəti təbəssümlə qarşılayaraq deyib: “Əgər daha yaxşı ətraf mühitlə bağlı qayğınız varsa, onda dünya üçün ciddi bir təhdid olan, sərhədimizə cəmi 10-20 kilometr uzaqlıqda yerləşən Ermənistandakı Metsamor stansiyasına diqqət edin. Bu məsələ ilə bağlı enerjinizi Ermənistandakı təhlükəli stansiyaya sərf etsəniz, yaxşı olar”.

İqdıra 16 km məsafədə
Metsamor Atom Elektrik Stansiyası İqdırdan 16 kilometr məsafədə yerləşir.
İstifadə ömrü bitməsinə baxmayaraq, Ermənistan tərəfindən “enerji ehtiyacı” səbəbi ilə işlədilməyə davam edilir. İrəvan, stansiyanın 2026-cı ilə qədər istifadə ediləcəyini elan edib. Beynəlxalq Atom Enerjisi Təşkilatı standartlarına zidd fəaliyyət göstərən stansiya ilə bağlı Türkiyə mediası tez-tez xəbərdarlıq edir. Yarana biləcək qəzaya qarşı da hazırlıq aparılır. AFED və TAEK mümkün qəza ilə bağlı “yol xəritəsi” hazırlayır. Bu iş çərçivəsində İqdırda xüsusi tədbir reallaşdırılacaq. Yerli və regional səviyyəli tədbirlər təçkil etmək nəzərdə tutulub.

Dünyanın ən etibarsız stansiyası
Metsamor AES 40 mindən çox insanın ölümünə səbəb olan Çernobıl AES-lə eyni texnologiyaya sahibdir. 1977-ci ildə inşa edilən bu stansiya dünyada məlum olan ən köhnə texnologiya ilə işləyir. Ona görə də Metsamor AES dünyada ən etibarsız nüvə stansiyası kimi tanınır və “partlamağa hazır nüvə bombası” kimi davamlı gündəmdədir. Ekspertlər hesab edir ki, sızıntı vəziyyətinə görə, Çernobıldan daha böyük faciəyə səbəb ola bilər.

Fransa elektrikinin 77 faizi nüvə stansiyasındandır
Dünyada 30 ölkədə 438 ədəd nüvə enerji stansiyası var. 15 ölkədə 67 stansiyanın istehsalı isə davam edir. 2015-ci ildən etibarən Fransa elektrik ehtiyacının 76,9 faizini nüvə enerjisiylə təmin edərkən bu nisbət, Slovakiyada 56,8, Macarıstanda isə 53,6 faiz olub. İsveç elektrik ehtiyacının 41,5, Finlandiya isə 30,4 faizini nüvə stansiyalarından əldə edir. Dünyada ən çox nüvə stansiyası olan ölkələrin siyahısına ABŞ liderlik edir- 100 stansiya. Sonrakı yerləri 58 stansiya ilə Fransa, 48 stansiya ilə Yaponiya və 34 stansiya ilə Rusiya tutur”.
Nigar




 
Bölməyə aid digər xəbərlər
15.07.2019
“Bir gün səbir kasası daşacaq”
14.07.2019
Azərbaycanın müasir tarixi ümummilli liderimiz Heydər Əliyevin adı ilə bağlıdır
14.07.2019
Azərbaycanda təhsilin hazırkı səviyyəyə çatmasında Heydər Əliyevin müstəsna xidmətləri olub
14.07.2019
Azərbaycanda əldə edilən hər bir uğur ulu öndər Heydər Əliyev zəkasının təcəssümüdür
13.07.2019
Ulu öndər Heydər Əliyev siyasəti Azərbaycanın idman uğurlarının təməlini təşkil edir

Şərh əlavə olunmayıb

    ,    
Anar MİRİYEV
Tural Tağıyev
Namiq Əliyev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10827

1 Rostovun tarixinə düşən azərbaycanlı qız
2 Mehriban Əliyeva Yalçın Rzazadə ilə bağlı tapşırıq verdi
3 “4-cü qrupa hazırlaşan hər bir abituriyentin arzusu həkim olmaqdır”
4 Rufiz Qonaqov: “Avropa İttifaqı üçün Azərbaycan vacib strateji tərəfdaşdır”
5 Nə “Qurani-Kərim“, nə “İncil“, nə də “Tövrat“ insanları savaşa çağırır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info