Yusif Ağayev: “Sığortaçı müştərinin vaxtına və puluna qənaət etməyi öyrənməlidir”
Tarix: 17.05.2016 | Saat: 20:25:00 | E-mail | Çapa göndər


“AlfaSığorta” ASC-nin Marketinq şöbəsinin rəisi Yusif Ağayevin müsahibəsini təqdm edirik.
-Cənab Ağayev, son vaxtlar Azərbaycanın sığorta bazarında “AlfaSığorta” ASC-nin fəaliyyətinin fəallaşması hiss olunur, deyə bilərsinizmi, bu nə ilə bağlıdır?
- Siz tamamilə haqlısınız. Bu ilin ilk ayları ərzində biz nəzərə çarpan sıçrayış etdik, bunu bizim maliyyə göstəricilərimiz də, şirkətin fəaliyyət sahəsinin genişlənməsi də, onun təşkilati strukturundakı dəyişikliklər də təsdiq edir. Heç kimə sirr deyil ki, 2015-ci il bizim üçün asan olmadı, lakin biz özümüzdə güc tapıb müvəqqəti çətinlikləri aradan qaldıra bildik. Hal-hazırda maliyyə sektorunda çox da sadə olmayan vəziyyət sığorta bazarı iştirakçılarından yeni, kreativ qərarlar qəbul etməyi, müasir gerçəkliklərə cavab verən sığorta məhsulları işləyib hazırlamağı, müştərilərə xidmətdə innovasiyalı yanaşmalar tətbiq etməyi tələb edir. Yuxarıda göstərilən amilləri nəzərə alan “AlfaSığorta” ASC-də ciddi yenidənqurma işləri aparılmış, bir neçə yeni bölmə yaradılmışdır, həmçinin, regional şəbəkə fəal surətdə genişlənir. Son bir neçə ay ərzində bizdə regional nümayəndəliklərin və satış ofislərinin sayı xeyli artmışdır. Satış prosesinin optimallaşdırılması və müştərilərə xidmətin səviyyəsinin yüksəldilməsi üzrə ciddi addımlar atılır. Həyata keçirilən tədbirlər şirkətimizi birbaşa istehlakçıya yaxınlaşdırmağa, onu daha cəlbedici və müştəri-yönümlü etməyə hədəflənmişdir. Sürətlə dəyişən müasir dünyada sığortaçılar çalışmalıdırlar ki, onlarla müştərilərin ünsiyyəti prosesi sonuncular üçün yalnız sığorta müqavilələrinin bağlanması mərhələsində deyil, həm də sığorta ödəmələri aldıqları zaman son dərəcə rahat olsun, bunlarla yanaşı, onlar maksimum dərəcədə həm müştərinin vaxtına, həm də puluna qənaət etməyi öyrənməlidirlər.
- Mətbuatda belə bir məlumat getmişdir ki, siz sığorta treninqləri həyata keçirirsiz. Bu barədə bir neçə kəlmə.
- Bəli, bu belədir. Bu gün əhalinin iki devalvasiya dalğası ilə üz-üzə qaldığı şəraitdə çoxları əlavə əmək haqqına ehtiyac duymağa başlamışdır. Bunu nəzərə alaraq, “AlfaSığorta” ASC pulsuz olaraq sığorta işi üzrə treninqlər təşkil etmək qərarına gəldi. Şirkətimizin bu prosesə cəlb olunan aparıcı mütəxəssisləri namizədlərə (seçilmişlər arasından) sığorta işinin əsaslarını tədris edəcək və ölkənin sığorta bazarında işin praktiki vərdişlərini öyrədəcəklər. Həm də nəzərə almaq lazımdır ki, biz arzu edənlər üçün heç bir məhdudiyyət qoymuruq, yaşından, cinsi mənsubiyyətindən, peşə bacarıqlarından və s. asılı olmayaraq hər kəs bu treninqlərdə iştirak edə bilər. Nəticələr üzrə daha çox fərqlənənlərə sonradan işə düzəlmək imkanı veriləcəkdir. Bu tədris tədbirləri həyata keçirməklə, biz həm sosial xarakterli, yəni əhalinin ehtiyacı olan təbəqəsinə əlavə əmək haqqı əldə etmək imkanı verilməsi, həm də maarifləndirmə məqsədləri güdürük, belə ki, ölkəmizdə sığorta savadının qənaətbəxş olmadığı heç kimə sirr deyil. Bu tədbir bizim korporativ sosial məsuliyyət proqramının həyata keçirilməsi planlarına uyğundur.
- Zəhmət olmasa deyin, Siz yeni sığorta məhsulları tətbiq etməyi planlaşdırırsınızmı?
- Sözsüz, mən Sizə daha bir söz deyim, onlardan bəziləri işin final mərhələsindədir və artıq yaxın vaxtlarda geniş müştəri auditoriyasına təqdim olunacaq. Qabaqcadan bütün sirləri açmaq istəmirəm, amma bir şeyi deyə bilərəm – onlar müasir gerçəkliklər nəzərə alınmaqla işlənib hazırlanmış və sığorta bazarının bugünkü tələbatlarına uyuğunlaşmışdır. “AlfaSığorta” ASC sığorta şirkəti həmişə zamanla ayaqlaşacaq və öz müştərilərini ən zəruri və innovasiyalı sığorta məhsulları ilə təmin edəcəkdir.




 
Bölməyə aid digər xəbərlər
25.03.2019
Azərbaycandan Həcc ziyarətinə getmək istəyənlərin sayı artır
23.03.2019
Naxçıvanlı məktəblilər “Ölkəmizi tanıyaq” tur-aksiyası çərçivəsində Bakıya gəliblər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Prezident və xanımı Bakıda Novruz şənliyində
5 Prezident Novruz bayramı münasibətilə xalqı təbrik edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info