Qətər Azərbaycandan bitkiçilik və heyvandarlıq məhsullarının idxalında maraqlıdır
Tarix: 18.05.2016 | Saat: 21:54:00 | E-mail | Çapa göndər


Kənd təsərrüfatı naziri Heydər Əsədov Qətər Dövlətinin Azərbaycandakı səfiri Səyyar Bin Abdurrəhman Al-Muavidə və Qətərin Ticarət və Sənaye Palatasının idarə heyətinin üzvü Məhəmməd Al-Ubeydli ilə görüşüb.
Görüşün məqsədi ikitərəfli iqtisadi münasibətlər və investisiya mühiti ilə bağlı müzakirələrin aparılması olub.
Kənd Təsərrüfatı Nazirliyinin mətbuat xidmətindən bildirilib ki, nazir Heydər Əsədov qonaqlara ölkələrimiz arasında siyasi əlaqələrin yüksələn xətlə inkişaf etdiyini, iqtisadi, xüsusilə kənd təsərrüfatı sahəsində əməkdaşlığın genişləndirilməsinin məqsədəuyğun olduğunu diqqətə çatdırıb.
Nazir son dövrlərdə ölkəmizdə kənd təsərrüfatı sahəsində həyata keçirilən institusional islahatlar, dövlətimizin başçısının aqrar sektora göstərdiyi diqqət və qayğı, bu sahənin inkişafı ilə bağlı qəbul olunmuş qərar və sərəncamlar, həmçinin hökumət tərəfindən kənd təsərrüfatının müxtəlif sahələrinə ayrılan subsidiyalar, ixracın stimullaşdırılması istiqamətində görülən tədbirlər, yaradılan əlverişli investisiya mühiti haqqında ətraflı məlumat verib.
Heydər Əsədov Azərbaycanda Qətərlə birgə müəssisələrin yaradılması, kənd təsərrüfatı, xüsusilə heyvandarlıq məhsullarının bu ölkəyə ixracı, aqrar sahədə biznes əlaqələrinin daha da genişləndirilməsi üçün Qətər iş adamlarının Azərbaycana səfərini məqsədəuyğun hesab edib. İş adamları arasında qarşılıqlı işgüzar əlaqələrin qurulması üçün ölkəmizdə böyük potensialın olduğunu vurğulayıb.
Bildirilib ki, Azərbaycanda istehsal olunan kənd təsərrüfatı məhsulları, xüsusilə meyvə-tərəvəz öz yüksək orqanikliyinə və ekoloji baxımdan keyfiyyətinə görə seçilir.
Nazir Heydər Əsədov Azərbaycanda meyvəçilik və tərəvəzçilik sahəsində ən müasir standartlara cavab verən istehsal və emal müəssisələri yaradıldığını, eyni zamanda, ölkəmizdən ixrac edilən kənd təsərrüfatı məhsullarının bütün vergilərdən azad olunduğunu, ixracın stimullaşdırılması üçün subsidiyaların tətbiqi ilə əlaqədar dövlət tərəfindən geniş tədbirlər planı həyata keçirildiyini diqqətə çatdırıb.
Nazir Qətərin iş adamlarını Azərbaycana dəvət edib və əlaqələrin genişlənməsi üçün nazirlik tərəfindən inverstorlara lazımi dəstək veriləcəyini vurğulayıb. Belə görüşlərin, danışıqların və müzakirələrin artıq praktiki müstəviyə keçirilməsinin zəruriliyini qeyd edib.
Qətərin Ticarət və Sənaye Palatasının idarə heyətinin üzvü Məhəmməd Al-Ubeydli Qətər şirkətlərinin mayın 19-dan 21-dək Bakı Ekspo Mərkəzində keçiriləcək “Caspian Agro-2016” Beynəlxalq kənd təsərrüfatı sərgisində iştirak edəcəklərini və Azərbaycanın iş adamları ilə işgüzar əlaqələrin qurulmasında maraqlı olduqlarını diqqətə çatdırıb. O, Qətərdə özəl sektorun çox fəal olduğunu vurğulayaraq iki ölkə arasında ticarət əlaqələrinin daha da genişləndirilməsi üçün biznes imkanlarının araşdırılmasının vacibliyini söyləyib.
Məhəmməd Al-Ubeydli Azərbaycanda istehsal olunan kənd təsərrüfatı məhsullarının həqiqətən də yüksək keyfiyyətə malik olduğunu təsdiqləyib, Qətərin kənd təsərrüfatı məhsullarının 90 faizini idxal etdiyini bildirib. Qeyd edib ki, ölkəsi Azərbaycandan bitkiçilik, heyvandarlıq məhsullarının, xüsusən də qoyun ətinin idxalında maraqlıdır.
Sonda Məhəmməd Al-Ubeydli Qətərlə Azərbaycan arasında aqrar sahədə əlaqələrin daha da genişləndirilməsi məqsədi ilə Azərbaycanın iş adamlarını bu ölkəyə dəvət edib.
Qətər Dövlətinin Azərbaycandakı səfiri Səyyar Bin Abdurrəhman Al-Muavidə səmimi görüşə görə təşəkkür edərək Azərbaycanla kənd təsərrüfatı sahəsində əlaqələrin daha da inkişaf etdirilməsi üçün öz səylərini əsirgəməyəcəyini bildirib.

Nigar




 
Bölməyə aid digər xəbərlər
20.08.2019
Daha 185 şəhid vərəsəsinə birdəfəlik ödəmə verilməsinə dair qərar qəbul olunub
19.08.2019
Azərbaycanda əhaliyə bu xidmət pulsuz göstəriləcək – Qaydalar təsdiqləndi
18.08.2019
Xaçmaz və Xızıya yeni polis rəisləri təyin olunub
17.08.2019
Polisdən dilənçilərlə bağlı xəbərdarlıq
17.08.2019
Bakı Tikiş Evi: Bu il də məktəbli formalarının qiymətlərində heç bir dəyişiklik edilməyib

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info