“Yle”: “Bütün Rusiya məktəblərində dərnəklər təşkil olunur”
Tarix: 19.05.2016 | Saat: 00:19:00 | E-mail | Çapa göndər


Finlandiyanın “Yle” media qurumu Rusiya məktəblərində keçirilən dərnəklərlə bağlı müsbət təcrübədən yazıb: “Dərnəklər, demək olar ki, bütün Rusiya məktəblərində təşkil olunur. Uşaq öz məktəbinə getdiyi kimi, bu dərnəklərə də rahatca gedə bilər. Valideynlər və müəllimlər hesab edir ki, uşaqlar məktəbdə dərslər bitəndən sonra təkcə evdə qalmaqla kifayətlənməməlidir. Bundan başqa, onlar hesab edirlər ki, dərnəklər uşaqlara həyatda uğur qazanmaq üçün yaxşı baza verir. Moskva mərkəzinin cənub hissəsində, Lomonosov prospektində 2086 saylı məktəb şəhərdəki ən böyük məktəblərdən biridir. Orada 2 mindən çox uşaq oxuyur.
Məktəbdə unikal semestr sistemi fəaliyyət göstərir. Bu isə bütün il boyu məktəblilərə məktəbə getməyə şərait yaradır.
Valideynlərlə birlikdə məktəbdə belə bir qərar qəbul edilib ki, uşaqlar 5 həftə dərsə getsinlər, bir həftə isə dincəlsinlər. Beləliklə, məktəb bütün il boyunca işləyir. Bu isə hamısı deyil: məktəbə tətillərdə də gəlmək olar - yalnız dərnəklərə qatılmaq üçün.
Yayda məktəbdə düşərgə təşkil edilir, bundan başqa, mədəniyyət obyektlərinə, şəhərə və təbiətə ekskursiyalar təşkil edilir.
Hazırda məktəbdə tətil olduğuna baxmayaraq, modelləşdirmə dərnəyində təkcə bircə boş yer var. İş mövzusu - tamamilə vətənpərvər və hərbidir.
Məktəblilərin bu dərnəklərdə həm də yaxşı komandası formalaşır, onlar komandada işləmək vərdişi qazanırlar, həmçinin bir-birilərinə hörmət etməyi öyrənirlər. Bu cür bacarıqlar isə Rusiyada yaxşı qiymətləndirilir. Müəllimlər hansısa şagirdin heç bir dərnəyə yazılmadığını öyrəndikdə, tez onun valideynləri ilə əlaqə yaradırlar və bunu problem kimi müzakirə edirlər. Belə bir ümumi yanaşma var ki, hər kəs ən azı bir dərnəkdə təmsil olunmalıdır.
Məktəbdə 50-dən çox dərnək fəaliyyət göstəir.
Yazıda o da qeyd edilir ki, müəllimlər də dərnəklərdə çox həvəsli görünür: “Burada idman, dil, musiqi, incəsənət, təbiətə səyahətlə bağlı dərnəkləri seçmək olar. Dərnəkləri həm məktəbin müəllimləri, həm də dəvət edilmiş mütəxəssislər aparır. Teatr dərnəyini peşəkar aktyor, robotların yığılması ilə bağlı dərnəyi isə mühəndis-müəllim aparır.
Robotların yığılması ilə bağlı dərnəkdə hazır konstruksiyalar kompüter proqramlarının köməyilə idarə edilir. Uşaqlar özləri proqramları layihələndirir və modelləri yığırlar. Məktəblilər kəşflər üzrə yarışlarda çoxlu hədiyyələr qazanırlar. Robot yığmaq asan deyil və ən zəif məktəblilər çox ağır konstruksiyaları yığa bilməzlər. Yaxud da heç də uşaqların hamısı çertyojla yaxşı bacarmır, ya da idman nailiyyətləri ilə heç də hamısı öyünə bilməz. Müəllimlər vacib sayır ki, uşaqlar özlərində nəsə alındığını hiss etsinlər. Ona görə də onlar hər bir uşağa uyğun tapşırıqlar verirlər.
Hər bir dərnəyə görə qismən ödəmək lazımdır, amma valideynləri ödəmək qabiliyyətində olmayan uşaqlar üçün də dərnəklər var”.
Rasim Babalı




 
Bölməyə aid digər xəbərlər
18.02.2019
Peskov: “Putin Ərdoğana çox etibar edir”
15.02.2019
Yerevanda “Rusiyada necə inqilab etməli?” kursları keçirilib
15.02.2019
Yerevanda avtobus sürücüləri tətil edirlər
15.02.2019
İslamabadda “İpək yolunun dostları” təşəbbüsünə start verilib
15.02.2019
ABŞ Rusiya ilə Almaniya arasında “Berlin divarı” çəkə biləcəkmi?

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10599

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Prezident İlham Əliyevin Real televiziyasına müsahibəsi (Yenilənib)
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info