“Eurasianet.org”: “ABŞ Azərbaycana Ermənistandan daha çox yardım ayırır”
Tarix: 19.05.2016 | Saat: 16:16:00 | E-mail | Çapa göndər


“Azərbaycan son 10 il ərzində ABŞ Müdafiə Nazirliyindən 20 milyon dollar miqdarında hərbi yardım alıb. Ermənistan isə demək olar ki, heç nə əldə etməyib”. 
“Eurasianet.org” saytının verdiyi xəbərə görə, bu barədə araşdırmaçı jurnalist Joshua Kuceranın “Azərbaycan ABŞ-ın hərbi yardımları sahəsində Ermənistan üzərində üstünlüyə malikdir” başlıqlı məqaləsində deyilir.
Yazıda bildirilir ki, bu barədə məlumat ABŞ hökumətinin sənədlərində əksini tapıb. Müəllif qeyd edir ki, ABŞ Dövlət Departamenti hər iki ölkəyə yardımlar məsələsində paritet siyasəti yeritsə də, Pentaqon balansı qorumaqda daha az ehtiyatlı davranıb: “Bakı xüsusən daha az Konqres nəzarətinə məruz qalan və daha az ictimai hesabat tələb edən "Section 1004" və "Section 1206" adlı yardım proqramlarından faydalanıb. Azərbaycan 2005-ci ildən "Section 1004" vasitəsilə narkotiklərlə mübarizə məqsədilə 8,5 milyon dollar vəsait alıb və terrorla mübarizə üçün "Section 1206" vasitəsilə 11,5 milyon dolar vəsait əldə edib.  Bunun əksinə, Ermənistana "Section 1004" vasitəsilə cəmi 41000 dollar verilib, "Section 1206" çərçivəsində isə bu ölkə heç bir yardım almayıb. Azərbaycana ayrılan vəsaitin çox hissəsi Ermənistan əleyhinə istifadə olunmaq riskini azaltmaq üçün və ABŞ-ın Xəzərin enerji infrastrukturundakı maraqları səbəbindən dəniz qüvvələrinə yönləndirilib”.
Məqalədə vurğulanır ki, iki ölkə arasında baş verən son hadisələr fonunda ABŞ-ın regiona hərbi yardımları ətrafında debatlar yenidən baş qaldırıb: “907-ci düzəliş 1992-ci ildən Azərbaycana ABŞ yardımlarını məhdudlaşdırıb. Lakin 2001-ci ildən bu məhdudiyyətlərə hər il qadağa qoyulur. Sonuncu qadağa aprelin 21-də açıqlanıb və orada Dövlət Departamenti bəyan edir ki, Azərbaycana yardım ABŞ-ın beynəlxalq terrorizmə qarşı mübarizəsi, Azərbaycanın sərhəd təhlükəsizliyinin qorunması baxımından vacibdir və Ermənistanla Azərbaycan arasında problemin sülh yolu ilə tənzimlənməsi  cəhdlərini zəiflətməyəcək”. 
Müəllif nəzərə çatdırıb ki, toqquşmalar yenidən baş qaldırdığı vaxtda erməni lobbi qrupları Azərbaycana yardımın dayandırılmasına çağırıb. Azərbaycan Prezidentinin köməkçisi Əli Həsənov buna cavab olaraq 907-ci düzəlişin erməni lobbisinin təzyiqi ilə qəbul edildiyini və ləğvinin vacibliyini bildirib.
Tural




 
Bölməyə aid digər xəbərlər
24.06.2019
Əfqanıstanda 5 DEAŞ terrorçusu öldürüldü
24.06.2019
“Türkiyədə yeni dönəm başlayır”
24.06.2019
Türkiyə SQ İraqın şimalında 58 terrorçunu zərərsizləşdirib
23.06.2019
Hindistanda kəskin ensefalit xəstəliyi 145 insanın həyatına son qoyub
23.06.2019
Türkiyə Prezidenti: Seçkiləri qazanan Əkrəm İmamoğlunu təbrik edirəm

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Yeni naziri kollektivə Ramiz Mehdiyev təqdim etdi
5 Masallının Lürən kəndində yeni tibb məntəqəsi açılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info