“Slate.fr”: ”Avstriyada millətçinin seçkidə qalib gəlməsi AB-ni qorxudur”
Tarix: 24.05.2016 | Saat: 00:10:00 | E-mail | Çapa göndər


Populist ritorikaya keçən ölkənin ən böyük partiyaları miqrantlar haqqında qanun və qaydaların dəyişdirilməsini və sərtləşdirilməsini istəyirlər
Avstriya Azadlıq Partiyasından namizəd Norbert Xofer prezident seçkilərinin birinci turunda 35% nəticə ilə qalib gəlib. Bunu Fransada millətçi və populist “Milli Cəbhə”nin lideri Marin Le Penin Fransada keçirilmiş prezident seçkilərinin birinci turunda qalib gəlməsi ilə müqayisə edirlər. İkinci yerdə isə “yaşılların nümayəndəsi Alexander Van der Bellen, 21 faiz səslə gəlir. Üçüncü yeri isə müstəqil namizəd, Konstitusiya məhkəməsinin keçmiş hakimi tutub. Fransanın “Slate.fr” saytında müəllif Daniel Vernet yazır ki, belə bir vaxtda 1945-ci ildən hakimiyyətdə qalan sosial-demokratlar və mühafizəkarlar geridə qalıblar: “Bu nəticə Avstriya azadlıq partiyası üçün böyük uğur hesab edilir. Bu partiya öz tarixi lideri Yorq Haiderin zamanında belə, 27%-dən artıq səs ala bilməmişdi.
Bütün bunlar isə Avropa Birliyində ciddi təlaş doğurub. Belə ki, Avropa Birliyi ölkələrində populist partiyalar güclənməkdədir. Həm də Avstriya azadlıq partiyası, qüvvədə olan ənənə və proqramlarına görə Avropanın ekstremist əhvallı hərəkatları içərisində öncüldür. İkinci Dünya müharibəsindən sonra bu partiya keçmiş avstriyalı millətçilərin sığınacağına çevrilib. Bu millətçilər ya Hitlerin qurbanları, ya da 3-cü reyxin məqsədlərinin sadiq idealistləri olublar. Hazırda Norbert Hoferin partiyanın “demon obrazını” dağıtmağa çalışdığı bildirilir. Bununla belə, ultrasağların “ölkəyə terrorizm gətirən, təcavüzkarlıq edən, insanları öldürən əcnəbilərlə” bağlı şüarları ilə silahlanmaq ona mane olmur. 2010-cu ildə o, millətçiliyin təbliğatı ilə bağlı qadağa haqqında qanunun dəyişdirilməsi ilə əlaqədar çıxış etmişdi. O, ənənəvi panalman təşkilatı olan “Burschenschaft”ın fəxri üzvüdür. Onun kampaniyası “Avstriya hər şeydən öncə” lozunqu ilə çıxış edir. Həm də belə bir fikrə əsaslanılır: “Bizim pullarımız bizim insanlarımız üçündür”.
Onun kampaniyasında Avstriyanın AB üzvlüyü ilə bağlı referendum keçirilməsi də hədəfdir.
Bu baxımdan miqrasiya böhranı Avstriya azadlıq patiyası üçün gözlənilməz dayaq rolunu oynayıb. 2015-ci ildə 8 milyon nəfərdən bir qədər artıq əhalisi olan Avstriya 90 min qaçqını qəbul edib. Bundan başqa, yüz minlərlə qaçqın onun ərazisindən Almaniyaya köçüb”.
Yazıda bildirilir ki, populist ritorikaya keçən ölkənin ən böyük partiyaları miqrantlar haqqında qanun və qaydaların dəyişdirilməsini və sərtləşdirilməsini istəyirlər. Həmçinin avstriyalıların həyat səviyyəsinin yaxşı olmasına baxmayaraq, büdcə kəsiri azalmır, borc artır, artım yoxdur və işsizlik, 2014-cü ildə 4 faiz olmasına baxmayaarq, bu il 10%-ə çatıb. Bu, 1953-cü ildən bəri rekord işsizlik göstəricisidir: “Belə görünür ki, sözügedən partiyanın 35 faizlik səsi populist ritorikaları dəstəkəyən susqun çoxluğun səsidir. İkinci turda ultrasağ namizədin qalib gəlməsi perspektivi digər siyasi gücləri susdurub.
Bu gün bəzi müşahidəçilər populistin prezident postuna namizədliyini və şanslı olmasını 2-ci Avstriya Respublikasının sonunun gəldiyi ilə yozurlar”.
İ.AĞAYEV




 
Bölməyə aid digər xəbərlər
27.06.2019
Putin İnquşetiyanın yeni rəhbərini təyin edib
26.06.2019
Gürcü larisi tarixi minimumu yenilədi
26.06.2019
Rusiyaya tətbiq olunan sanksiyalar alman şirkətlərini müflis etdi
26.06.2019
Rusiyada terror aktı planlaşdıran İŞİD üzvü tutulub
26.06.2019
Gürcüstanda parlamentin sədri dəyişdi

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10816

1 Yeni naziri kollektivə Ramiz Mehdiyev təqdim etdi
2 Heydər Əliyev və bələdiyyələr
3 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
4 Əli Nağıyev DTX rəisi təyin edildi
5 Vilayət Eyvazov daxili işlər naziri təyin edilib


27.06 01:11 Psixi sağlamlıq uğrunda mübarizə ortaq məsuliyyətimizdir. Vətəndaş cəmiyyətini müdafiə edəcək, insan hüquqlarının universallığı və qanunu uğrunda mübarizə aparacaq güclü bir Avropaya ehtiyacımız var. Psixi xəstələrin adekvat müalicəsi təmin olunmalıdır. Azərbaycanda insan hüquqlarına əsaslanan yanaşmanın təmin edilməsi üçün əlimizdən gələni edirik. Məqsədimiz irəliyə doğru getmək, hüquqlara riayət edilməsini təmin etməkdir. AZƏRTAC xəbər verir ki, bu fikirləri “Psixi sağlamlıqla bağlı məcburiyyətlərə son qoymaq: insan hüquqlarına əsaslanan yanaşmaya zərurət” adlı məruzənin müzakirələri zamanı AŞPA-dakı nümayəndə heyətimizin üzvü Naqif Həmzəyev deyib. O, Birləşmiş Millətlər Təşkilatının (BMT) Əlillərin hüquqlarının müdafiəsi üzrə Konvensiyasına uyğun olaraq psixi xəstələrin hüquqlarına riayət edilməsi zərurətinə toxunub. Dinindən, sosial vəziyyətindən asılı olmayaraq hər kəsin bərabər olduğunu qeyd edib. Buna görə də hər bir insanın, uşaq və qadınların bərabərliyi üçün mübarizə aparmağın vacibliyini söyləyib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info