Floridada Azərbaycan kəlağayısının təqdimat mərasimi keçirilib
Tarix: 24.05.2016 | Saat: 17:19:00 | E-mail | Çapa göndər


“Azerbaijan Kelagayi” təşkilatının ABŞ-dakı nümayəndəliyi Floridada Azərbaycan kəlağayısını və “Heydərbabaya salam” kitabını təqdim edib. Florida ştatının Azərbaycan-Amerika Mədəni Assosiasiyası tərəfindən təşkil edilmiş tədbir Fort Loderdeyl şəhərindəki Türkiyə mərkəzində keçirilib. Təqdimat mərasimində şəhərin Azərbaycan və Türk icmalarının nümayəndələri iştirak ediblər.Azərbaycan-Amerika Mədəni Assosiasiyasının prezidenti Töhfə Eminova gecənin açılışında çıxış edib. O, qonaqları salamlayaraq Azərbaycan ənənələrini və xalqımızın mədəni irsini qoruyub saxlamağın vacibliyini vurğulayıb. Daha sonra “Azerbaijan Kelagayi” təşkilatının Birləşmiş Ştatlardakı nümayəndəsi Cəmilə Cavadova-Spitsberq çıxış edib. O, tədbir iştirakçılarına Azərbaycanda ipək kəlağayıların hazırlanması ənənələri, bu işin tarixi və mədəni əhəmiyyəti barədə məlumat verib.Təqdimat mərasimində Azərbaycanın müxtəlif regionlarında, o cümlədən İsmayıllı rayonun Basqal kəndində kəlağayının hazırlanması barədə qısametrajlı sənədli filmlər nümayiş etdirilib. Kəlağayıların müxtəlif dizaynlarının rəmzi mənası, bu ənənəvi baş örtüyündən istifadə formaları da müzakirə edilib. Tədbir iştirakçıları Cəmilə Cavadova-Spitsberqin təqdim etdiyi müxtəlif kəlağayıları başlarına örtərək özlərinə necə yaraşmasını qiymətləndiriblər.Mədəni tədbirin ikinci hissəsi Azərbaycan poeziyasına həsr edilib. Azərbaycan-Amerika Mədəni Assosiasiyasının üzvü Norbert Yevdayev görkəmli Azərbaycan şairi Şəhriyarın həyat və yaradıcılığına dair öz tədqiqatları barədə qonaqlara məlumat verib. Şəhriyarın məşhur “Heydərbabaya salam” poemasını rus dilinə tərcümə etdiyini bildirən N.Yevdayev bu kitabı da təqdim edib, ondan şeirlər oxuyub.
Tural




 
Bölməyə aid digər xəbərlər
23.02.2019
“Qoy əfqan xalqı öz liderini özü seçsin“
22.02.2019
Özəl telekanallarda yayımlanan bayağı seriallar bizi çox narahat edir
22.02.2019
Müxalifət özü də bilir ki, bu aksiyalar mənasızdır, xalqın iradəsini ifadə etmir
22.02.2019
“Talibana hərbi təzyiq göstərməyə davam edəcəyik“
22.02.2019
Azərbaycan “Şimal-Cənub” nəqliyyat dəhlizinin regional qovşaqlarından biridir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info