“İrəvanın maddi və mənəvi irsi” mövzusunda elmi-praktik konfrans
Tarix: 25.05.2016 | Saat: 21:08:00 | E-mail | Çapa göndər


Mayın 25-də Azərbaycan Milli Elmlər Akademiyasında (AMEA) gənc tədqiqatçıların “İrəvanın maddi və mənəvi irsi” mövzusunda elmi-praktik konfransı keçirilib. Tədbir Mədəniyyət və Turizm Nazirliyi, AMEA-nın A.A.Bakıxanov adına Tarix İnstitutu və “Bizim nəsil” Gənclərin Regional İnkişaf Assosiasiyası tərəfindən birgə təşkil olunub.“Bizim Nəsil” Gənclərin Regional İnkişaf Assosiasiyasının sədri Nurəddin Mehdiyev bildirib ki, konfransın keçirilməsinin əsas məqsədi orta əsr şəhər mədəniyyətinə malik Azərbaycanın İrəvan şəhəri, onun dövlətçiliyimizin tarixindəki yeri, ictimai-siyasi və mədəni rolunu və eyni zamanda, bu qədim torpaqlarımıza köçürülmüş ermənilərin tarixi saxtalaşdırmalarını elmi əsaslarla araşdırmaqdan ibarətdir.Tədbirdə İrəvanın maddi-mədəniyyət abidələrinin, mənəvi irsin tədqiqi və təbliğində gənc tədqiqatçıların rolunun genişləndirilməsinin vacibliyi vurğulanıb.
Tarix İnstitutunun direktoru, Milli Məclisin deputatı, AMEA-nın müxbir üzvü Yaqub Mahmudov bildirib ki, hazırda Ermənistanın yerləşdiyi ərazi yaxın keçmişdə - XIX əsrin əvvəllərində Azərbaycan dövləti olan İrəvan xanlığının torpaqları olub. Alim deyib: “İrəvan xanlığının yarandığı ərazi ən qədim türk torpaqlarıdır. Azərbaycan xalqının və digər türk xalqlarının qəhrəmanlıq eposu olan “Kitabi-Dədə Qorqud” dastanlarında təsvir olunan bir çox mühüm tarixi hadisələr, proseslər Azərbaycanın məhz bu regionunda – İrəvan xanlığının ərazisində cərəyan edib”.
Y.Mahmudov qeyd edib ki, Tarix İnstitutunun kollektivi tərəfindən hazırlanmış “İrəvan xanlığı: Rusiya işğalı və ermənilərin Azərbaycan torpaqlarına köçürülməsi” kitabı Azərbaycan, ingilis, rus, rumın, italyan, ispan və ərəb dillərində çap olunub. Alim vurğulayıb ki, ermənilərin XIX əsrdə Azərbaycan torpaqlarına köçürülməsi tarixi həqiqətdir. Təkzibolunmaz tarixi faktlardan biri də budur ki, tanınmış rus rəssamı V.İ.Maşkov 1828-ci ildə ermənilərin Azərbaycan torpaqlarına köçürülməsinə ayrıca rəsm əsəri həsr edib.
Milli Məclisin deputatları Qənirə Paşayeva, Musa Qasımlı və digər çıxış edənlər də İrəvan torpağının qədim Azərbaycan torpağı olduğu barədə tarixi gerçəklikləri dünya ictimaiyyətinə daha ətraflı çatdırılmasının əhəmiyyətindən, ermənilərin tarixi həqiqətləri daim saxtalaşdırmağa cəhd göstərdiklərindən danışıblar.
Sonra gənc tədqiqatçıların “İrəvan - qədim Azərbaycan torpağı (mədəni-tarixi aspektdə”, “İrəvan şəhəri – erməni terrorunun ilk hədəfi”, “İrəvanın azərbaycanlı ziyalılarının maarifçilik fəaliyyəti (XIX–XX əsrlərdə)”, “İslam memarlıq abidələri sırasında İrəvan məscidləri”, “Azərbaycanın qala şəhəri – İrəvan”, “İrəvanda Azərbaycan incəsənəti nümunələri (tarixi aspektdə)” və digər mövzularda məruzələri dinlənilib.
Tural




 
Bölməyə aid digər xəbərlər
20.01.2019
Sabahın hava proqnozu açıqlanıb
19.01.2019
Bakı Şəhər Baş Polis İdarəsi paytaxtda keçirilən mitinqlə bağlı məlumat yayıb
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info